منتدى استراحات زايد - آآآآخر ماتوصل إلية sniper112 من صيد طبعا هذه صيد اليوم ويا سلام على الجش ( صور )

بسم الله الرحمن الرحيم
السلام عليكم ورحمة الله وبركاتة
طبعا هذه طلعة جديدة اليوم الصبح 1 . 10 . 2009 من اخوكم sniper112
قصدي شخباركم شو اعلومكم عساكم بخير ويا مرحبا وسهلا بالجميع
زوار واعضاء المنتدى الجميل
ومابنطول عليكم صور بسيطة
لاني نسيت الكامرا فالبيت وكان التصوير من الموبايل
والموبايل قديم نوعا ما يلا مشي حالك ماعليه
طبعا كنا نازلين للكنعد بس مافيه نصيب وخيرها ب غيرها
وكان الجش هو المسيطر على الهوووك والحمد لله
طبعا اعضاء الطلعة معروفين sniper112 + جاسم + قناص البحر
ونسيت اخبركم سويت توقف الامان 15 دقيقه هههههههههههههه عذاب ريتني ماتعديت الوقت المسموح
ياخي 15 دقيقة تعذبك في توقف الامان ماتشوف شي غير الحبل
شو رايكم اقول لكم القصة احسن علشان بعض الناس يحطونها براسهم
................
طبعا تعديت زمن الغطسة الثانية المسموح فيها وكان كمبيوتر الغوص يعطيني تسع دقايق متعدي
وبعدين عرفت اني راح اطول في توقف الامان
ومافيه حبل اتمسك فيه لانه التيار قوي وطبعا الغوص مافيه استهانة ولا مصخرة الغوص يعني غوص
نظاام يعني نظاام لانه سلامة الجسم
وبعدين شو سويت وانا تحت حصلت حبل طويل تقريبا 20 متر وقمت وثبته تحت في مكان ثابت ومسكت الطرف الثاني وطلعت فيه لفووووق ونفخت الــ bcd وصرت متعلق فيه لمدة 15 دقيقه بالظبط على عمق 3 متر
يعني اذا صادفت مشاكل حاول ان تبحث عن حلول ولا تيأس
وكان الله غفورا رحيما واسفين طولنا عليكم السالفة معى انه مايحتاج اقولها بس ماعليه سوالف
يلا نحط الصور اللي على قد الحال
محدثكم
http://gulfhunter.com/mlffat/files/4296.jpg
..............
http://gulfhunter.com/mlffat/files/4300.jpg
...................
http://gulfhunter.com/mlffat/files/4301.jpg
.................
http://gulfhunter.com/mlffat/files/4302.jpg
.................
http://gulfhunter.com/mlffat/files/4299.jpg
طبعا لازم يوم نشوف شي شو نقول ؟
نقول ما شاء الله صح ولا لاء هههههههه
حصل خير وطبعا الصيد كان في الصباح ولكن الحين فضيت انزل الموضوع
وتحياتي لكم اخواني واشوفكم مرة ثانية في موضوع جديد
وشكرا لاعضاء الفرق
محدثكم sniper112
والسلام عليكم ورحمة الله وبركاتة