بسم الله الرحمن الرحيم

السلام عليكم ورحمة الله وبركاته

:tears:
قبل لحظات كنت جاي من المقهى والاخلاق كانت زي الفل لكن للاسف على المدخل حق
الحي حادث شنيع جداً وتعرفون الشعب السعودي لازم يعرف وش السالفه نزلت وإلا
شخص طايح في الارض وسيارته بعيده عنه حوالي 20 متر مقلوبه طبعاً
طبعاً ماقدرت اتماسك وودي ابكي لكني ماسك الدموع المهم الشخص قعد
يلقنونه الشهاده وشفت واحد استغفرالله ماابغى اغلط عليه قعد يصور تقول
انه قعد يتفرج فلم والادمي مو ظاهر في وجهه ولاشي من ملامح الحزن عادي
وقعد يصور ومره ومقرب من الشخص اللي طايح وجوا الناس قعد يتكلمون عليه
وهو صور طنش الناس وشوي واحد نفخ عليه بغى يضربه بعد ذا الوقت راح
وجت الاسعاف والشخص ذا طلع متوفي :no:

وانا كنت موجود قبل يموت كان ينفض لكن ادعوا له بالرحمه

الله يرحمه ويسنكه فسيح جناته

وياليت من كل شخص يقرأ الموضوع انه يتعض ولايسرع وانا بعد ذا الحادث اللي شفته
عاهدت نفسي 120معد اعديها وبرضه ياليت اذا كان شخص من اللي قرا الموضوع كان
من حقين التصوير اذا شاف حادث يقعد يصور ياليت يبطل ويحاول يتصل بالاسعاف او
يسوي شي يكتب ربي له الاجر من وراه واناماذكرت الموضوع الا للعظه والعبره

وفي الاخير اعذروني اذا كلجت في احد الكلمات لاني كتبت الموضوع على السريع

والله يرحم الميت ويرحم جميع موتى المسلمين