منتدى استراحات زايد - الإتصالات السعودية لسرقة أفضل ^

قصيدة فالإتصالات السرقية هههههه ..
شاعر مقهور ..
من شركة الأتصالات ( لسرقة افضل ) !
واتمنى انها توصل للمسسسؤؤل

ـــــــــــــــــــــــــ ـــــ

تـخيلو لو شخص منا على النت
فجأة كذا يفصل بدون ايت انذار

تسعه صفر سبعه دقـــــه ورننت
انتظر فضلا" وشهــريـن انتظار

الدعوى صارت طقطقه هيه او منت
عـارف ان الناس تعرف وش الطار

ياخي قسـم بالله واللـه تعفنت
بلدان خلق الله بلاشي وعبار

وحـنا ع الديزل وشامــل سما نت
نظامكم عطلان عـادي ولو صار

لكن تجي فاتورتي اضعاف نو نت
ما نقبل التزوير والخــزي والعــار

عبادة الدرهــــم تخلـف و كــونت
من سرقة العالم تصيرون شطار

تبطـون اسددكـم ولــو عملة السنت
وحده بوحده كان في خيركم زار

نظامكـم فـاشل كــــذا مـا تـطمنت
عميلكم صادق و حول على الجار

كنت الحليم وبعدكم كيف ما كنت
جبتــو لي السكر بكذبات واعذار

يا محمد الجاسر تراني تجننت
غير نظامك لا يجي ردنا حار

عيني عينك تسرق الناس ويش انت
خبلان حنا ولا وش مـعاليك يختــار

هذا كلامي واسمعه زين لاهنت
قلته ولانـي مــن تـواليه مــنظار

اما تعدل خطتك بعد ما خنت
ولا ترا ( موبايلي )تطلب الـدار

الشاعر :-
( عبدالعزيز عبدالله ) *