|
يقولون في بوظبي السالفه سلمكم الله اثنين من الشباب .....شلوا عشاهم و ساروا يتعشون في شاطئ الراحه في بوظبي... يتهم حرمه عيوز و يلست تلقط من الاكل المتنثر...قالولها يدوه انت يوعانه...قالت هيه انا من الصبح هنيه و ما كليت شي... قالولها انزين شو يايبنج هنيه؟قالت ولدي نزلني و بيرد عليه.... المهم شلوا اغراضهم..و حسوا الشباب ان الوقت متأخر و ما يستوي يخلون الحرمه العيوز بروحها فالليل... قالولها..انزين عندج رقم ولدج؟نحن بنتصل له..قالت هيه..و طلعت ورقه صغيره من مخباها...يوم طالعوا شو مكتوب "من يجد هذه المرأه يأخذها لبيت العجزه" انصعقوا الشباب من اللي مكتوب...و يلسوا ساعه يترجونها انها تسير معاهم.... لكنها ما رضت ... و قالت لا انا بتريا ولدي..هو بيي ياخذني....تموا وياها ساعه يترجونها لكنها كانت وايد مصره ان ولدها بيي ياخذها"مسكينه ما تدري بحقارة ولدها" المهم....روحوا عنها الشباب.... واحد منهم ما رضي يرقد....يتجلم و يفكر فيها..... لين ا استوت الساعه 2 في الليل...نش من على الشبريه و لبس ثيابه بسرعه... و سار الشاطئ....شاف اسعاف و شرطه...هجم بينهم و سألهم عن الحرمه... قالوله توفت...ارتفع عندها الضغط و ماتت... ارتفع عندها الضغط على حسرتها على ولدها...تتحرى ان صار له حادث او مكروه... الله يرحمها برحمته...مسكينه... صراحه ما اكذب عليكم بس الموظوع يصيح فــ اتمنى اني افدتكم بشي... ترا الحياه قصير شباب و بنات المنتدى سووا خير وراكم عسب يذكرونكم فيه ...... و سامحوني طولت عليكم |
الله يرحمهــا هذي القصه جديمه اخوي وهي صدقت ماعتقد انها جذب على العموم اخوي تسلم عالقصه وربي يعطيك العافيـه لا هنت ونترقب يديدك اخوك الطوفان |
لا حول ولا قوة إلا بالله انا لله وإن إليه راجعون الله يرحمها :( تسلم أخوي ع الطرح ويعطيك العافية ما تقصر |
تسلمون ع المرور |
حسبي الله على ولدها الي قطاها عاق وقاتل .. مشكور ع القصة .. |
| الساعة الآن 05:06 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir