منتدى استراحات زايد - °l||l° .. لو سمحت أبغاك بكلمة راس .. إيه أنت .. بس انتبه لا يشوفك أحد ... °l||l°

معليش .. ما راح آخذ من وقتك كثير ..
عندي سؤال .. بس سؤال
أعرف واحد فقير ..
عفيف نفس .. وما بجيبة ولا فلس
عنده ولد عمره اربع سنوات ..
وعنده بعد خمس بنات
لحظة شوي بالله .. معي اتصال ..
ايوه .. وشو .. ماشاء الله متى ؟؟
ابشرك اخونا هذا جاه ورث خمسة ملايين ..
الله يالفقر الله يا ذيك السنين ..

لحظة .. لحظة وين رايح ؟؟
فيه شخص مسكين ..
ماهو لاقي بيت يسكن فيه ..
ولا من يحن عليه ..
ماتت أمه ومات أبوه ..
ولابقى ألا هو وأخوه
يتيم .. وعلى باب الكريم
لحظة شوي بالله .. معي اتصال ..
ايوه .. وشو .. ماشاء الله متى ؟؟
ابشرك جاه عمـّـه اللي ما سمعناعن أخباره من سنين !!
جا يكفل هالمساكين ..

لحظة .. لحظة وين رايح ؟؟
أبغاك بموضوع خاص ..
تكفى إذا عندك أحد .. لا يدري باللي أبقولك عليه ..
أعرفلك واحد فقير .. مسكين
ولا شكى ضيم السنين ..
بس انه على هذا .. ما درى عن وضعه ..
ولا عرف كم هو غافل وضايع ..
والدنيا مثل ما تدري بضايع
اللي شاري .. واللي بايع ..
ياخي احس اني كثـّـرت عليك ..
ماعرفته ؟؟
بالله عاد ما عرفته ؟؟
معليش عندك مرايه ..
طالع فيها شوي .. وش تشوف ؟؟
أنت .. نعم أنت ..
تقولي كيف ؟؟ أنا أقولك ..
تعرف القبر ..
ماهو الحفرة ؟؟ ولكن وش اللي فيها يصير
وين المصير ؟؟
يا مسكين ؟؟ وين المصير ؟؟
يا فقير ..
وش اعددت لمنكر ونكير ؟؟
يا عباد ..
وش جهزّنا ليوم المعاد ..
يا غافلين ..
لحظة بالله شوي .. لا تنام ..
يمكن - والله أعلم - بعدها ما تقوم ..
وتمسي مكفـّن بالهدوم ..
تعرف الدمعة ..
بزمنـّـا هذا مالها قيمة ..
القيمة للحيا والحشيمة
الله يا يومن ناقف به عرايا ..
عرايا جسد .. عريا عمل .. عرايا نوايا
واللي اخفيته ..
ولا شافني فيه أحد ..
اليوم .. جاني يشاركني اللحد ..
يا تراب ..
اليوم امسحك عن وجهي غضب ..
وبكرا يا عجب .. يرمى على جسمي حجاب
يا عذاب ..
وش اللي ينجيني منك يوم الحساب ؟؟
ياخوي ..
تعال أنا وياك نبكي شوي ؟؟
رمضان .. راح
جد .. جد ماهو مزاح
انتهى .. وللأسف
ذنبي ما وقف ..
أنا المذنب والعاصي .. واعترف
يالله ما أسألك نجاة من الفقر !!
ولا غنى كل الدهر !!
أسألك ..
الستر ..
يا ربي الستر
هالحين يا خوي خلاص ..
روح نام الله يستر عليك ..
بس تذّكر

(( القبر ))

خاتمة :
نبكي على فقد انسان
ونبكي على رحيل خلان
ونبكي أحيانا ً من النسيان
لك الله .. فمن يبكي على رحيلك يا رمضان ؟؟
.
.
.

يا أهل الدار .. جئتكم من قلبي بإقرار ..
رأيت القط وقد فر من الفار !!
ورأيت الكبر في حالة انكسار ..
ورأيت النور وقد غار من الغار ..
ورأيت الجار وقد اضحى غدّاراً بالجار ..

ولكني لم أرى في حياتي .. حالة استعمار
لقلب محتار ..
ماذا يختار .. وقد صار ما صار ..

لقد استعمرتم قلبي ..
فلكم النبض ..

ولكني اطلب منكم واحدة ..
.
.
.
دعوني ألوذ بالفرار ..
قبل أن تضرموا فيه النار !!

يا أهل الدار .. انا غريب بقلبي
وأنتم أهل الدار

.
.

http://www12.0zz0.com/2009/09/24/12/150920493.jpg