|
اغاني ميحد الجديمه وبعض اليديده ان رحت عني يا راحت الروحي مني... ون ييتني رديت في الجسم روحي شوفك يشيل الهم والحزن عني ...وفرقاك يامملوح يدمي جروحي الحاظ عينك في هواك اذبحني... كلام صدق ولا كلام المزوحي ونيران حبك في الضمير اشعلني... ماتنطفي بسباب كل الجروحي ارماح فرسانك صحيح اطعنني... ونا جتيلك يالحبيب الشحوحي ليت الليالي في هواك اجمعني... بيني وبينك يالغزال السروحي خذني حبيبي بالهوى بالتأني ...ولطف بحالي يالمحب الذبوحي شوف الليالي في ودادك قصني... وقصيت قلبن لك غريمن نصوحي ************************* شفت ريم اخضر خشف خفري فوق نايف عالي الذاري بو محيا يشبه البدري بالحسن لابس دجى ساري بين عصن وطية الخصري لؤلؤي يتلف الشاري عود موز في امغلس خدري في رياض الورد والياري قمت انوح اوايب الجمري من مليح هيج اشعاري يا جنود البيض والخضري عود مالي يا ربا داري قالن انته امنين ما ندري وين لافي ييت من خاري يا جتيل الشوق بالصبري صون مالك واطلب الباري رحت كني شارب خمري لا نديم اولا من ايداري *********************** طالت الغيبه يلمودي .... والليالي عقبكم شينه والصبر تجاوز الحدي ... والهير طالت بيه اسنينه منك هذا البعد ما ودي ... وانته قلبي عندك رهينه يا حسين اللون والقدي .... يا جميل في تحاسينه عود والميدول منهدي ... والشعر لرداف جاسينه الالذع بالعاني وصدي ... تذبح فوادي تباينه والعواطف عنه ما تهدي .. شلو فوادي محبينه والله اني صدق ملتدي ....في هواهم حاينن حينه والمحبه تبغي الجهدي ... بالوفا ما بيني وبينه وانا لك ثابت على العهدي .. يالغضي لك ود خافينه ********************** ناهبني نورك الواري والجبين او خرد اسلوبك دخّلوا قلبي وانا خاري يثّه ابلا روح محبوبك وانت حبّك هاتك اسراري السقم والسبب من صوبك وانت انته جنتي أو ناري ممتثل أمرك أو مطلوبك عقد حسنك صاغه الباري حلو من راسك إلى اجعوبك لك على قلبي نهر ياري لو بتذنب يمحي اذنوبك الجمال ابحسنك ايماري والهوى والغيّ يزهو بك جني الوجنه داني اثماري والمسج من خنه انيوبك يوم تبغي ييت بخماري يوم ما تبغي اتعايوبك ************************ اسمحلي كم عنيت وجيت متوله مقصدي ياشيخ روياكم ما حصل لي حده في الحله يخبرنيه وين سكناكم باعني لو كنت ما دله ما اتحمل طول فرقاكم ليت عندي رقم بسجله تيلفون اقراه وانصاكم يا اديب العصر لك حله ما حلت داري ابلياكم لك محل بالقلب ما خله من قبلكم حد شرواكم كم فضل كم جود لك كله ما نسينا طيب حسناكم من معادن جود واهل له لا خلينا من مزاياكم انتم اهل له وفضل له الصخا من يوم منشاكم لو يطول البحث ما مله في الادب والشعر هوياكم كم قول قلت في حله من معاني الشعر يعناكم انتم اهل الدار والحله كم حوت من خير دنياكم ذا يواب امحب متوله يملكه الاحسان لي ياكم يشكر الله ثم شكر له مثلما قبله شكرناكم ******************** تمنيتك اتشوف الجرح الاول قبل تجرح فؤادي جرح ثاني غيابك عن عيوني ليه طول وانا اعد الدقايق والثواني حبيبي من نظر حالي تهول ولا ركز علي اترك مكاني الاول ليه بغيابك اتحول وقلبك ليه يا عمرى نساني تجول حبك بقلبي تجول سري بعروق قلبي وبكياني علي عهد معاك القلب مول سنين العمر باخلاص وتفاني عقب عزه معاك الحظ معاك حول شكيت الحال من قسوة زماني الى شفتك ابا اشرحلك من الاول عن ظروفي وعن خافي حناني علي شاشة عيوني اللي زول خيالك ما عطي عيني الظماني تمنيتك اتشوف الجرح الاول قبل تجرح فؤادي جرح ثاني *********************** بعدك عذاب او قربك اعذاب ونته سبب ياللي حصل لي اهاب لوني قلت ماهاب متهوب وانته ابتجلي ماسرت لك في الحب باحساب ابدا ولا سرته بمهلي بالدوب تمشي على داب وانا لك امشي بالعجلي امعاكساتك لي بلا اسباب ماادري دلع والا تغلي مسموح لو بتدوس العتاب لو با بتزيد ما بملي لك العمر بتقضى في اطلاب اطلب رضاك وبستذلي لو با اتغلج دوني الباب لك باب قلبي طلج حلي لك ناظري بالدمع عباب والحال مالفرقى استعلى من عوق وسط القلب ما طاب جنه الا طب انعمل لي مصطاب والي يحب ينصاب هذا الهوى او حكمه عدلي الحب هبت ريح واعجاب ماهوب درب للتسلى ما احمل انا هجران لحباب ابلا سبب منى وزلي في شفهم بادوس لصعاب اوبصبر على حمل الثجلي ************************ صوت يصحى عوق واسقام سلم وبادرني وحييت يا سعد جظي والبخت قام يا ريم من شوفك اتبهيت ومنادمة صوتك والانغام الكم مثل حبي فلا ريت ساطي وسط روحي والانسام وانا مطيع الكم وذليت طوع المعانس قود لخطام يا سيد غالي لو تغليت دايم غلاكم زد لانام لعصير لمسيان لاقيت اللي عليه وصوف لريام ان ياك الا صوبهم ييت سلم وبلغ نسل لكرام جداوه درب الوصل ما ريت وانا عليهم شفج م العام ما ينفع الماخوذ ياليت ولا تسعف المظلوم ظلام ياما صبرت وكم تمنيت والوصل دونه طول ودام قصدك جفا ولا تناسيت والا بحكمي ناوي اعدام شط الحشا من شط به والقلب مني صوبه واللي مريح ولا دري لي حل بي ماحل به حل ابحشايه يا ملا حب الحبيب وابتلا والقلب دونه ما سلا شط الفواد وعذبه عذلت قلبي ماصبر عن راعي الطرف الحور يلي جبينه كالقمر يزهي بشله حاجبه ذوب فوادي واملكه في وسط غزله شربكه يا ناس ماروم الحقه عوقي غبي منه سببه عودة عويد الشادني مرباه داري ووطني يا ناس حبه صادني صيد الوحش في مجلبه مجبور جبر المبتلي في حب خلي العدملي واللي يلومني خلي لي حل بي ماحل به *********************** حد مثلي بات مشجنه حلم طيف مر خطافي واغتنم من وجدي الونه يوم كلن بالكرى غافي جرح في جاشي امخفنه والخوافي ضربهن خافي لي محب منى اومنه حب مثل الجوهر الصافي ليت باينقل لي المنه جان قدره عنديه وافي والوفا من فني اوفنه بينا ما يمشي اخلافي حيث لنه بالعرب سنه خص عند الناس لاشرافي يانديبي وصلكم جنه والبخت لي هوب مسعافي حالية يا زين مدعنه من ودادك منقل الحافي لاتخيب فيك من ظنه خير وانتوا حق وانصافي انت فرضي لي امصلنه وانت وردي وانته اتلافي يعل يود السحب لمدنه لي برقها بات رفافي والرعود امسوية حنه هل واسقى ذيج لاطرافي لين ينبت وين واطنه بالزهور امعزل الجافي بوخدود فوعه اسمنه يسفرن من شيل ارهافي جان جتلي مستحلنه لو على جتلي انا شافي ******************* ولّ معي زايد غلاكم افدي بروحي واشتريكم احرب واشني من شناكم ما ارتضي بالشين فيكم وانتو تجافون اصدقاكم من دون زلات تجيكم كدرتوا الخاطر تراكم واعرفت قاصي اوليكم واليوم مالي في معانكم حاشا وكلا ما عنيكم امشوا واسيرو في هواكم وانا عليه ما تليكم وضاع الربع في ملتقاكم من حين جافيتوا خويكم ولو كان باغش ادعواكم لمسماحة منى اليكم واقول لني في ذراكم الله يهديني ويهديكم والقلب حالا عاف ماكم يوم املحت شربة طويكم ************************* لـقـيـت الــدار لقيت الدار من بعـد الحبايـب خليـه باكيـه وبهـا عجـايـب وقفت ابها وانا حيـران ساعـة ودمع العين من موقي صبايـب الا يـــادار بالله خـبـرنــي عن المحبوب قولي وين غايـب تقول الدار بعـدك غادرونـي وخلونـي لعـيـات الهبـايـب وسافر من تـود وحـال دونـه بحر وبرور واخطـار ومصايـب رجعت ابحسرتي واهموم صدري وتقلانـي مـن العبـره لهايـب ألا يالله لاتقطـع رجـا الـلــي يسالك عن رجوع محـب غايـب عسى المحبوب يرجـع بالسلامـه بحفظ منك مـا تصيبـه نوايـب محـب مالـك عقلـي وروحـي وفي حبه رخيص العمر ذايـب يحلي بلو لـو البحريـن صـدره وحنا العين حطه في الروايـب *************************** لا تذكرني بحبك يا غناتي ولا تذكرني بماضيك الجميل في صدى ذكراك بقزر حياتي مستحيل احب غيرك مستحيل انت عمرى وانت اغلى ذكرياتي وانت في قلبي ولا غيرك خليل انت عيني لي بها شفت البهاتي وانت لي في مقلة عيوني نزيل لو تقضى عمرنا الوردي وفاتي وانقضى وانزاح شروى حلم ليل تصبح الاطلال في فكري وذاتي في الضمير اتعيش لا يمكن تحيل كم تذكرتي السنين الماضياتي لي تلاقينا بساعات الاصيل كم على ذكراك هليت عبراتي وانت عني يا منى عمرى ذهيل صار عمري حزن وايامي حسراتي والفرح من دنيتي شد الرحيل كنت محبوبي واغلى امنياتي صرت فجاه يالغلا عني دخيل حسبي الله عالذي سبب شقاتي لي سقاني المر عقب السلسبيل اللي بعد مجراك عن مجرى حياتي وافرقك عني بعد عمر طويل يا حبيب الروح بكتبلك وصاتي ان غديت اليوم في حبك جتيل انشدك بالله لي طفت برفاتي لاتخلي دمعة عيونك تسيل ********************** هيمان يالمحبوب هيمان الهون لو اتثيبون بيهون باعيد وبعلق اعلان لو مرة حولي اتمرون ون شفتكم باقول حلمان ما ابغي فسر حلمي ولا عون من عاين القدري بلعيان يجعل حلومه سر مكنون الدار تشكو يور لزمان تبكي على لي شدوا اظعون ساروا او خلوا القلب ولهان والفكر تتلاعب به اظنون لاكان عمري ابلا كان او بك الحياة اتتزين وتكون وين الوعد يا نور لوطان مفروض بالميعاد توفون خذني ابروف الله ولحسان يا ويلي الله لي به اجنون لنسان يترفق بلنسان وايرعى اعهود الحب وايصون |
تاه الفكر و الأمر ضاع من حيلتي وأضنت جروح القلب يا الرفقان والدمع من كثره حرقلي وجنتي يا من معين,مضنى شكى الحرمان خلي رحل و ظلمت بعده ديرتي دومي في ذكره مهاجر النسيان لا من خبر صوبه بيشفي علتي و لا من بشاره تطفي الولهان بلغت كل عابر لديرته بحالتي عسى يهون لي على الخفقان نومي هني ما طاب لي يا منيتي ولاني ع لذات المقات شفقان إتعود في وصلك حبيبي فرحتي و تهل نفسي شاكر الرحمن ما غيركم يسكن حشى في مهجتي انتو هنايا و منية الوجدان شوقي ل شوفه زاد و زادت لهفتي لا الطيب يحلي منك يا ورد لوجان متى يا ربي بوصله تونس وحشتي وتراني في حبه مديم هيمان ********************************** قال جيتك بشوقي ياحبيبي اسيرلجل اناظرك عيونك واتسامر معاك قلت ياحي شوفك ياغناة الضميرنبض شريان قلبي رحب بملتقاك بس ما كان ودي اتعبك بالمسيرقال انا كيف بصبر والمرض لي دهاك انت عمري ووجدي انت حبي الكبيرانت كل المشاعر من هو هواك قلت يانور عيني يالجمال المثيرلك عهود المحبه وما نبدل سواك انت شمسي وبدري انت كوني المنيريعل تفداك روحي وتستمر بضياك كل وله مقدر وما كتب له يصيروالامل في حياتي يا حبيبي رضاك ما حد سبق يومه ولحياته مصيربس ما هوب خاسر لي قضاها معاك *************************************** في ظني وتقديري ما حد يعشقك غيري // اسكن حلي يا طيري مالك فالفلك دوار لو كلهم يحبونك مب مثلي يحبونك // جرب واسئل عيونك وبتخبرك بالاسرار صدق تحب تعيذيبي تصبحبي وتمسيبي // عايش في لواهيبي محتار انا متحار لو هاجرت بتييني ما اخلى محبيني // في قلبي وفي عيني مالك غير داري دار ******************************************** حبك سباني يالحبيب حبك سباني يالحبيب و قلبي سبيته في هواك خليتني العي صويب و عني انقطع حتى نباك انت امرضي و انت الطبيب اصح من لمسة يداك عوقي يلي بي ما يطيب الا برشفه من لماك ادعوا عسى لي تستجيب دعوة غريمٍ له يباك لي فيك ظني ما يخيب و لا خاب ظني في رجاك روياك عني ما تغيب في القرب و لا في نواك دومي انا لوصلك طليب اسعي مجدٍ في لقاك دمعي على خدي صبيب سال و يرى و اسقى فلاك لين الفلا آزم عشيب و ارتاح به لي في ذراك يا ذا الحبيب اللي نجيب عندي رفيعٍ مستواك مكتوب لي فال و نصيب زد الخلايق و اقرباك ساعه غفل عنك الرقيب يالخل لي فايع صباك بتشوفني اقرب قريب حتى تفن اليه ادعواك ************************** لا تزيد المواجع خلني جد نسيت لا تجلب بقلبي صفحة الذكريات انته الحب وانت من حياتي انتهيت كل منا تخير له طريج الحياه ما أريد أتذكر ماضي به شقيت منيتي بس أنسى ما تعدى وفات لا ذكرتك حبيبي من فوادي بكيت وامطر الدمع الأحمر وجنتي والشفاه ليتني ما عرفتك وليتني ا هويت ولا رسمتك بعيني أجمل الأمنيات ولا جعلت القصيدة تبكي بكل بيت ولا كتبت المشاعر من فواد وذات اعتبرني محبن في غرامك وفيت أبعدته الليالي عن عيونك وماك أو مجرد خيالك غاب عنك وسليت مر في النوم وأصبح في نهارك شتات بعد ما نته بغيري يا حبيبي رضيت ابتعد عن حياتي ما تفيد لعزاه اطلب الله بقربه يسعدك ما حييت واطلب الله لقلبي عنك صبر وسلاه ******************************** ياحبيبي كيف ممساكـم يعلكم في خير تمسونـا وش خلف يا زين لاماكم ش السبب لي به هيرتونا لا ولا كنـا عرفنـاكـم في الزمان او لا عرفتونا لو اصحاح الريل زرناكم لو بربع الخالي اسكونـا ان طلبتونـا عطيناكـم وان طلبنا ما عطيتونـا ان شرهتونا وصلناكـم وان شرهنا ما وصلتونا عم غيري فضل حسناكم ماظلمناكـم ظلمتـونـا يوم عدل الوجت محلاكم كالعسل بالزبـد معيونـا ثم نزلنا فـي سويداكـم يـوم بدلتـوا ظهرتونـا وافترقنا خلـي او ياكـم والصفاوة صارت اظنونا مختلف م العام مجراكـم وين اجري ما تجارونـا يوم هذا صـار معناكـم عقب زين بـه ملكتونـا بزرع التفـاح ميراكـم جورتين او حب زيتونـا بستعين ابـرب انشاكـم بالخلف عنكم يمضنونـا ******************************* ياعين كف الدمع مني ولـو يـوم صبري على مر الدهر لو شقاهـا مترا الدمع ياعين وصلـج الغيـوم غيـم علـى غيـم يعتـم سناهـا عييت من شكواك في ساعة النـوم نوم يشوق ناظـري فـي كراهـا لو ييت اخفى مابدالـج فـلا رووم منج تناثـر وابـل الدمـع ماهـا حتى وبر الصبح نشيـت مغمـوم انادي على من سبب كـان بلاهـا بلا من بلاني ف العمر خط مرسوم رسم مسجل ف الصدر ما محاهـا أنا بوده صابر فـي الدهـر دووم دووم على دووم وروحـي فداهـا هاذيج اوقات مـع الخـل محتـوم مرت كما برق لمع فـي سماهـا تركلي من الفرقى شوم على شـوم كما رسم وسم دمـي فـي دماهـا طونه خيوط الدهر صـار مبـروم برم السدي لي وثقه فـي سداهـا ياعين كفي وافهمي الحظ مقسـوم جسمه من المولي يبـري براهـا لابد في الاوقات تنصفج لـو يـوم وتشفي جروحج قطرة من دواهـا اداويبها روحي من غيـر مفهـوم لو كان بشرب حنظل البـر ماهـا لذيد على جبدي خافـي ومكتـوم تصفي ولو تدلـخ علـي صفاهـا عسى الله ياعيني لج الحظ مقسـوم مع احباب واصحاب يجرب خطاها هذاك وين النفـس ترتـاح ياقـوم قوم من الضيفـان يـردوا ثناهـا ياعالي الخود واسمـك عالـي دوم واسمك بفعلك معتري فـي نداهـا عسى الله يجمعنا على خير الوسوم نفرح بشوفـج مـع جديـد لفاهـا ********************** اسمك بين الاسامـي ظاهر يلـو بخفيـه له بينـات اعلامـي تاضي احروفه فيـه لو باخل فالكلامـي او بخفي يلي تعنيـه ايبين الهـا نظامـي ذوق و نغم تعطيه ياذا الحبيب السامـي لـي بالعمـر بفديـه قلبي شفيج وظامي وشوقك يلي يرويـه فكري غزته اوهامي تاه ابصحاري التيـه سج ابهواك و حامي ما ايرد لـو بدعيـه دومك ملاك الهامـي اليه الشعر توحيـه وانا بـه عالدوامـي لك انظمـه وفضيـه ياقايـد الاريـامـي مالك نـد اوشبيـه وجهك بدر التمامـي لي ينظـره تعشيـه مع ريف الانسامـي لك ياسيـدي النبيـه بندب ازكي سلامـي ماله عـدد تحصيـه تفاح زرع الشامـي زراع لـه يسجيـه غرد فوق الحمامـي والورق لـه يلعيـه **************************** قرحت عيني من ابجاها من كثر شوق يوازيهـا لي عليهم ينهرج ماهـا ماشفت حـد يواسيهـا مهجتي والنار تصلاهـا والمحبه قاطعـة فيهـا ترفع الشكوى لمولاهـا والتوسل عنـد باريهـا تاه فكري في محياهـا خالجي بالحسن مغنيهـا ذا سناهـا اوثنايـاهـا بـارج فيهـا يزاغيهـا اختفت ما شفت روياها ما بجي لي غير طاريها كـم بتولـع ابذكراهـا في غنى عني وانا العيها اثـرت فيـه شظاياهـا والنواظر هـاي تاليهـا قالوا اتهاذي بطرواهـا قلت انا ماظني اسليهـا ******************************** يوم شافوني انا بقربك ابعدوني عنك يالغالي مادروبي كم انا احبك يا سعادة عمري وفالي من غلاك اخترت انا دربك دون لا افكر ولا ابالي صرت احبك صرت مغرمبك صرت عمري اول وتالي مهجتي وعيوني اتحبك ونتشي لي شفتك اقبالي وانسى من حولي وافكربك كني في كوني لحالي دامني عايش وسط قلبك وانته في قلبي وفي بالي مايفرقنا سوى ربك الكريم الواحد العالي *************************** بحتفل بعيد ميلادك للاسف بحييه من دونك المهم ابقى ع ميعادك واحفظ التاريخ واصونك الله يهنيك بعيادك في غيابك تمرح عيونك الله يحققلك مرادك وين ما تمشي على كونك لا تذكر ريح فؤادك لا تعذب قلبك اشجونك ما يهم اعنادي اعنادك او مجرد تكثر ظنونك المهم احفظك ف بعادك واثبت لدنياك ما اخونك خذ هديه عيد ميلادك من محب كان مجنونك ************************** وجودي والعدم واحد على قلبك وفي بالك وجودي عادي فعينك وهذا ما تبينته اباركلك اذا هذا قرارك يا هنيالك ابركلك على همي وهجر منك انا شفته تبين ما توقعته بعادي صار يحلالك وخطواتك بدت تقصر ودرب الهجر شرعته بدا واقعك يتغير طغا مرك على ازلالك طغت شمسك على ظلك قسا قلبك وطاوعته اذا هذي النهايه يا عسى فال السعد فالك عسى يسعد ايامك على درب تخيرته بواسي قلبي الشاجي بحبك جان يرضالك وبمسح دمعتي ويكون لي درس وتعلمته لك السلوان يا قلبي تصبر خلك بحالك تراه واجبك سويته حبيته وقدرته وفي ورايتك بيضا ولا تخليه في بالك ولا تندم على ما فات وكل شي وله وقته ************************************* نحنا عرب زايد اذا تبغي العلم يا جاهل التاريخ اقرى حروفه تلقى مواقفنا على الحرب والسلم ما همنا وقت صعيبه ظروفه نفداك يا زايد بالروح والدم يالقايد الي نور العيون شوفه لقلوبنا اقرب من الروح للجسم ولي من رفع كفه يوحد صفوفه هذي الامارات اصبحت للدول حلم الحلان في وسط القلوب معزوفه وان قلت زايد كلكم قلتو نـــــــــــعم منهو منكم ما تصفق كفوفه ************************************** خلنا نبعد ونتفارق ع خير ما قدرت اسعدك واتفاهم معك لو قدرت اعطيك من قلبي الكثير ما عنّيت ويّت غصب اودعك اقدر افرشلكم ن احلامي حرير واوهمك بالحب واقدر اقنعك بس انا حبيت من قلب وضمير واصدق الاحساس يرفض يخدعك لو انا بحبك وبحساسك جدير ما تركت الدمع يجرح مدمعك ولا جعلت الهم بعيونك اسير او تركت الناس عني تمنعك انته لي اول غلى وانته الاخير بس حبي ما يحقق مطمعك خلنا نبعد ونتفارق ع خيرللاسف ما دام قلبي ضيعك *********************************** رضينا بالبخت غصبن علينا ولكن البخت عاكـس هوانـا صفت الأيام لكن ما صفينـا سواد الغيم عتم فـي سمانـا سقى الله ساعة فيـه التقينـا قبل عامين بالصدفـة لقانـا رسمنا للأمل درب ومشينـا وخلينا الوفا رمز وضمانـا ولكن للأسف تهنـا وشقينـا وخانتنـا الليالـي والزمانـا تفرقنـا تناسينـا ونسيـنـا وعشنا غربة الفرقى شقانـا ألا يا صاح من وده شرينـا على مقصرك تسعي في جفانا كأنـا مـا تعارفنـا وبدينـا ولا طاب الهوى شوقه معانا تجرح في المشاعر يا لضنينا تعذبنا ولا تسعـي برضانـا نهينا حيث مـا كنـا بدينـا حسافة ليت ما كان إلا كانـا ****************************** جنك نصخ روحي و جني رد النصخ أولاف اولاف أو مثل حانوتٍ و دني خمره عتيح و سكره اتراف عييت كم اهدم و ابني أي منزلٍ يبغون الاشراف الرأي يقصر و التمني و جنات عادٍ و بعض الاصناف حلم الملك ماطاف عني سبعٍ سمان و سبعٍ عجاف السنبلات الهيف يني ما شفت مخضرات الاطراف عفت الوسن يوم اسهرني طيرٍ ينوح و غصن غرياف ما خذ من الغصن التثني و من الدماني جيد و اسلاف و من الدجى لي عاد جني سافٍ على سافٍ على ساف *************************** ليتك معي يوم ترجيب الانفاس ابرد الضيجه من الصدر بالعين الكل نام وطابت اوقاته الناس وانا مع همي ودمعي مساجين كان القلب يا خل تدميه الامواس والصدر جنه مثور به براكين اسقيتني كاس العنا يتبعه كاس كاس العذاب الي تجرعته اسنين واليوم يجتلني برودك واحساس وجنه الذي قد صار ما صار يا زين لاباس ان صديتبي اليوم لاباس تشكي جروحي وتعافي بعد حين ابشرك ماني على العهد جلاس اتوق توقت حر بأعلى التبايين رح في طريقك والياس بالياس ضاع الوداد الي به الامس راضين ********************************** انته عيني وانته شوفي والبصير والقمر الي زان به داج الليال وانته نسمات الصبا وانته العبير وانته نوري وانته السحر الحلال وانت شوقي في مغاليج الضمير وللوليع انته الشفا وانته العلال فقت من نومي على طيف مزير زاير خطاف في صحوت خيال مر بي في هودج الليل الستير يوم جفن الخالي بالنوم ذال عقب طيفك صار لي حال مرير لا شراب ولا منام ولا محال شدني شوق الضميا للغدير لي يراب في هجير الليل لال مثل ما حبك جبر قلب كسير صار لك فالبال مذهال ومجال لا غنا للمستجير من المجير وعن ودادك لا ملاذ ولا زوال عيشتٌ من دونكم عيشت ضرير ما هنتلي همٌ ولا ضيقات بال جير من لاذ بحماكم يستجير واكسب الحسنات واسمح بالوصال انظر لحال الذي حاله خطير من مصابك يا قمر داج الليال ********************************** |
غاب القمر... الدار من عقبهم ما هي بمرغوبــــــــه ... باشوم انا مثلهم مالي طرب فيهـــا .. والليل من عقبهم عندي فرش ثوبــــه ... غاب القمر غاب لي موره محليها .. و العد ما عاد لي شمقه على دروبـــه ... ولا عاد لي باقيه حاجات واتليهـا .. وداعه الله ياللي شد واقفوا بـــــــــــه ... الدار عقبه غدنت ما حد يبغيهــا .. و النفس ماهي على المقعاد مغصوبه ... و العين ما تستريح بدون غاليهــا .. ان قدر الله ودي بسيره صوبــــــــــــه ... اريح الروح من شوفه واسليها .. **************************************** نورين لـو ناريـن قلبـي انايصلـنـه ما بين عين او عين النـار ويـا الجنـة محتار قلبـي ويـن ساروا الحبايب عنه يومين عن عاميـن ارضف امن الونـه بيني او بينـه بيـن نوقي مـا يوصلنـه صحرا او بحور اثنين عن وصله يفصلنـه له في الهوى دربين لي كامل فـي فنـه يلعب على الحبليـن متجاهلنـي جـنـه نذر علـى او ديـن ان نلت وصل منـه لاصوم له شهريـن فرض على او سنه ********************************* ياحمد كيف اختفى صوتك=عقب ما انت تسجع الونه والمزامل قامت اتفوتـك=والهوى تركتـه وفنـه كنت لول تلعي ابصوتـك=في طرب والود هاونـه خايف ان السعد انا يفوتك=والزهر ما تخضعه فنـه عجل ابجدك ومجهـودك=جان درب الـود متلنـه المها مرن على اورودك=والريوم اللي لهـن بنـه يرتعن في خطرة احدودك=ينهلن وايعلـن ابسنـه لا تحرم نفسـك اوزودك=اولاتخلي القلب في هنـه ******************************* اشكي الي خلي المجروح من نفسي جرحت قلبه بغلطه غير مقصوده اقولها لك على الولهان لا تقسي ترفقبه ترا ما غير اعهوده يا كل عمري ويا بدري ويا شمسي مقدر ازعل انا الي ترفه اخدوده خلينا دايم على العهد نصبح ونمسي والناس دايم على الاخلاص محسوده ان كان الحب راسخ ثابت الغرسي ما اتروم غلطه وحيده تلزم اسدوده عندك اماني وحب صادق وحسي وقلبي يلاقي يا عمري قربك اوجوده ******************************** اشعلت عمري شمع يوم انطفت الشمووع وذوبته من الولع لي به وصابه مووع العي واطلب فزع وما ياني المفزوع من الذي له سمع والنب له مسموع عمري بلاه شنفع لي من غدا ممنوع سيدي بهي الطلع ساكن وسط الضلوع حبه بقلبي زرع اسجيه فيض ادموع يالين نظر فرع وقلبي ذوتبه افروع ونيت وبيه لسع وش حيلة الملسوع ما طابت اليه الهيع يوم الخلايا اهيوع عطشان وابعد نبع عني وهو الينبوع لي من وعدني برجع بعيد بالرجوع ان ولفتنا الربع نذر علي مدفوع له من صلاتي ركع ومن الصيام اسبوع ************************************** وين هذيج السوالف روحت من وقت سالف يوم كان الحب يسمو بالمحبه الاوليه يا حبيب الروح انا منساك طول العمر حالف وش حياتي دون حبك مثل مجهول الهويه والله اني من غيابك يا أعز الناس تالف ما تعرف انه ابتعادك يالغلى ايأثر عليه لانه قلبي يا وليفي عند غيرك ما يوالف اشعر براحه اذا شفتك واحس بجاذبيه عن سوالفك وكلامك ما تعوضني السوالف لك تشد القلب همسات ومشاعر داخليه روحك وروحي يجمعهن على اللقيا تآلف كل ما شفتك تجدد دافع الاشواق فيه بعد هذا اليوم ما نبغي صدود ولا تخالف خلنا نهنا سنين الحب يا حلو السجيه يا حبيبي ما يكلفنا على البعاد كالف والدروب الي سلكناها انا وانته سويه *********************************** ما يكفيني نظر عينك والسلام وخزت عيونك يوم اشوفك قلت لي وينك مرحبا بو سالم اشلونك انا حاضر في ميادينك واتجي ضرب الهدف دونك لو تصادفني معادينك مهجتي والروح يفدونك وانا اقرب من محيبك حتى اهلك الي يحبونك يوم صار الحكم في ايدينك روف واتحكم على هونك لا تحرمنا فضلك وزينك وانته راعي الفضل من بونك يوم تبغي ربك ايعينك والكريم يصير في عونك ليش ما توفي مدايينك يالحبيب واتدي ديونك قبل لا تنحل بساتينك والورق يذبل على اغصونك *********************************** رفرفت بالفرحه رايتنا واذرفت ابالدمع العيونا مرحبا اهلا تشرفنا عقب ما متنا نصيتونا عقب ما ماتت محبتنا يتو تعزيون بالعينا وش يرجع ربع صحتنا اذبلت من العطش الغصونا اش جرا منا يا سداتنا تحكمون بغير قانونا ما عرفتو ايش غصتنا نشتكي منكم وزدتونا جلمت العذال بدتنا مثل ما رداو حكمتونا دمرو بندر سفينتنا وين بترسي يا مضنونا طافحات الموج شلتنا وين ما دار الهوا يكونا كم يا سيدي تعذبنا وانتو ابدا ما رحمتونا مول ما كنا تعارفنا ولا ولا كنتو عرفتونا اندمجنا في محبتنا اشتريناكم وبعتونا ليش وقعتو عمنهجنا يوم نيتكم تخلونا رفرفت بالفرح رايتنا واذرفت بالدمع العيونا ************************************* اكسر جدار الصمت واتحدث شوي خل الحديث يعيد مجرى حياتي اخشا بكثر الصمت لتجتل الحي يلي يتوق بسمع صوتك شراتي صمتك ظلام وينكسر دونه الفي صوتك يعود النور لو كان ماتي ان كنت اتشوفني منكوي كي حرام تصبحلي سبب في مماتي ما دامني وياك في مه مه الغي شاركتني روحي وذوقي وذاتي واصبحت مثل الزاد لروح والمي منك الخساره وين القى غناتي حرام تقطع عن زرع قلبي الري واموت وانا فوق شط الفراتي شفني معك كل شي وبلاك لا شي الا خيال او بقايا شتاتي ************************************** فدتك الروح يا دعج العيان فداك القلب ولي تطلبون تعال اليوم يوم الوعد حان ونقطف من ثمار الحب لون تعال نعيش في دنيا الحنان حبيبي خل لي قلب حنون الا ليش التغلي من زمان على خل لذكراكم يصون عهود الحب يدراها ضمان على عهد الوفى لك ما يخون احبك يا رشى عذب الثمان احبك حب قدره ما يهون لكم في داخل الخافق مكان ولا شي على مثله يكون لا جد صار في هذا الزمان محباً تملكه مثلي شجون على شانك صويبا من زمان ولو صار الحواسد يشمتون فلا ابد الليالي تستبان على صدق الوفى تثبت ضنون ***************************** أشارات بالمسـا بـدر التمـام ولكنهـا رمتنـي بالسـهـام فقلـت لهـا قتلتينـي فخافـي الهـك يـا رشيقـة الـقـوام قالت مالقـوام فقلـت غصنـا يغـرد فوقـه فـرخ الحمـام فقالت مالحمـام فقلـت طيـرا يذكرنـي بأحبابـي الـكـرام فقالت ماالكـرام فقلـت قومـا لهم في مهجتي أعلـي مقـام فقالت مالمقـام فقلـت ربعـا تحلي فيـه تستمعـي كلامـي فقالت مالكـلام فقلـت نسقـا اذا مـا فهتـه حلـو كالمـدام فقالت مالمـدام فقلـت خمـرا من الخمر الموشـح بالوشـام فقالت ما الوشام فقلـت نقشـا علي خديـك اسـود كالظـلام فقالت ما الظـلام فقلـت ليـلا كثغـرك يـا بريقـة الـقـوام فقالت ما الغمام فقلـت سحبـا يشـن المـزن والعالـم نيـام فقالت ما لمنام فقلـت غمضـا يحرم في عيون اهـل الغـرام فقالت مالغرام فقلـت عشقـا كسح في مهجتي وانحل عظامي فلمـا أن رات مابـي اشـارت وأدنتنـي الـى أعلـى مقـام ************************** نـورت البـلاد بوجـودك واظلمت لي عدت مب فيها والليالي بشعـة خـدودك تسفـر وينـزاح داجيهـا والدهـر باعيـاده يـرود يبتسملـك يـوم تبغيهـا والفرح والسعد بحـدودك مـا يفـارج دار تلفيهـا بين كل الخود لـك زودة والملاحـة زد حاويـهـا يوم نفسي تـورد ورودك منهل من الحب يرويهـا ياحياتي مطمعـي يـودك واللطافة النفـس تكفيهـا ياعنود وراضـي بقـودك روف بي ان كنت ناويهـا مستجين وقابض شروطك لو علي راسـي تمشيهـا كم انـا رددت منشـودك ليـن بانتلـي معانيـهـا حالفن ما ابوح بسـدودك لا ولا اهـذي بطاريـهـا واحتفظ بالحب واعهـودك لين نفسي اتنال غاليهـا *************************** ياطيب القلب حكم قلبك الطيّب اخرت غيرك وبعته وقربتك ليه التباعد مع انك دايم قريّب من وين ما صد في عيوني تخيلتك ليه انته ناسي وذكري عندك مغيّب تنسى وانا اذكرك وانسى اني تذكرتك صارحتك بما يكن القلب ياحبيّب الظاهر اخطيت في ظني وصارحتك لوبعزي الصبر دونك قال ماثيّب المشكله ياطويل العمر مشكلتك الصبر شيب وشوق القلب ماشيّب لازال يلعب بقلبي كل ماشفتك كم احسن الظن فيك وترجع اتخيّب كدرت بالي وانا مايوم كدرتك اليوم حتى شعوري منك متريّب هذا خفوقي يحذرني وحذرتك على فكره انا من محبين ميحد ***************************************** يالي ذبحك الغلا والشـــوق حراقي ** لاتكتم الشوق فظفظ به وعلمني من الطبيعي تتلعثم لحظـــت فراقي ** لأن الهجر قبل مايلعثمك لعثمني بعطيك قلبي ودور داخـــل اشواقي ** يمكن تشوف الغلا وشلون ثابحني اموت في ظحكتك واسلوبك الراقي ** جمالك الي مجننك و مجننــــي ماكل انســان يقدر يــسكن اعمــاقي ** الا انت من يوم شفتك وأنت تسكني عطيتك الحب والاحســـاس والباقي ** اللهفه اللي على لقيـاك تسبقنـــــي بذوقك من حلاي وطعم تريــــــاكي ** وبعلمك كيـــف تكرهني وتعشقــني يا جـامع اليل في وجهك والاشراقي ** تناقظاتك الي فيك تعجبــــــــني ذوقك في عيني يساوي كل الاثواقي ** وغلاك عن وصل غيـرك صار يمنعني والحب في عيون عشاقك وعشــاقي ** شعور اشوفه يراودك و يراودنـي ******************************************* لا تودعني كيف اودعك يا روحي وانساك هذا من المحال مدمعي يبجي ويبجي مدمعك كل دمعه فيه تسئلني سؤال اسرح بفكري وارجع واسمعك حرت انا ما بين واقع او خيال لاتودعني واحلامي معك ذكريات الامس وآهات الليال دمعتي حره وقلبي يتبعك كل لحظه هم وكل خطوة ظلال انته حر النفس يا كيف امنعك غصب طاوعتك ولا بي احتمال في امان الله ربي يرجعك عالامل تبقى من ترقب وصال دامني يا سيد عشت امولعك عن ربوع السعد شديت الرحال منزلك عيني وقلبي مرتعك يالغزال اختال من فرط الدلال الخطا من فؤادي دلعك لين دمع العين عالخدين سال لا تودعني جيف اودعك يا روحي وانساك هذا كم المحال مدمعي يبجي ويبجي مدمعك كل دمعه فيه تسئلني سؤال ****************************************** غنـا الحمـــام وهـــيج القـــلب بغنــــاه = ودعا فوادي مولـع عاشــــج يـــرف متولـــع يبـــكي علـــــى فقـــد مظنــاه = والدمع من عيني جراما بعـد خــــف كـــلما مـــسحته مــن نظيري دفق ماه = سال وهتف دمعي شراذارف النــف من ليعتــي اصفـــج يســـاري بيمنـــاه = والعي كما ورق على عالــــي الرف وتــــــوق بصـــواتي ونــا اقول ويلاه = قلبي امتيم يا مـــلا والعقــــل خـــف حــرام نومـــي يـــا مـــلا مـــا تهنـــاه = حالي عليل وصفج الكـــف بلكــــف على وليف مــــا رحمنــــي بحسنــــاه = خذ مهجتي وقفا ولا بــــي تلـــــطف ونا اصـرح لـــــه شفيـــــج أبلامـــــاه = مثل اليتيم اللــي علــــى أمه تهنـــف يذوب قلبــــي يم بسمــــــع بطــــرواه = لنه فريـد الحســــن ما كاد يوصـــف كالشمس في جلباب طلعـــــة محيــــاه = كالبدر ليمنه كمــل عــــد ونصــــف له جـــادل ظافـــــي ايلي قام يسحــــاه = طايح على امتونـــه ردوم ترظــــف والعين سودا كنــــها حبـــــر فـــــدواه = زحياي مقرون كما النون وعطـــف واللي تبتسم لــــــي وبانـــــت ثنايــــاه = شبه بالرد والا كما أرقــوم تصــــف والريج معسول اللما صافــــــي مــــاه = يشفي عليل مـــن شفاتـــه ترشــــف والقد مملاي علــــى زمــــت اصبــــا = نابي ردوف وناحل الخصر وهيــف يمشي شرا مشي العطا يقصر أخطــاه = محلا ليـــــــمنـــــه مشا بالتغريـــف حبه بخص لغواد يا نــــاس وقصـــــاه = شط بوليع مــــن مصابــــه تكلــــف عقب اجتماع يا مـلا صــــار هويــــاه = أقفــا وخلانــــي دريـــــل اتنســــف بيني وبينه دارو اسبـــــــور ووشــــاه = يسعــون بلفرقــــا عليـــــه تعنـــــف وسبحت مقطوع الردا مـــن ملامــــاه = عزيل حالـي ما لبكــــا والتحســــف والشو حياتـــي يا نـــــدا مــــا أبليــــاه = تمظي ونا ما نلت من مطلبي شـــف والصبح يوم أثور يا نــــــاس ملقـــــاه = لثر نــــقص ولا تحييــــــد يعــــرف **************************************** طاح الشره يا نـور لعيـان يا ساكن عيوني و اداريـك لولا غلاك العذب مـا كـان أعاتبك و ازعل و اراضيك انته لنبض القلـب شريـان ينبض وداد عـذب يرويـك رضاك عندي مالـه أثمـان في ناظري محـد يساويـك انا الـذي مولـع و هيمـان اسأل عـن عيونـي لياليـك تدري عن أفراحي والأشجان تدري عن اللي فيه و فيـك يا سيدي يـا عالـي الشـانان او فؤادي ملك في ايديـك لا هنت يالغالـي و لا هـان قدرك و لا هانـت معانيـك راضي عليك و خاطري زان ولا عاش من يقدر يجافيـك قال المثل من سالف ازمـان يشره عليك اللـي مهاويـك *************************** محلا املاقا الحبايـب عقب السفر لي جيت لي من نظرته لايـب رحبت به و الفيت ابه تنـال الرغايـب نفسي يلـي لاقيـت لوكان عنـي غايـب هو في الخيال الفيـت اخاطبـه وا وايــب او لي من طرى فزيت مع نسمات الهبايـب لندبت لـه او حييـت شرق او عطر ذايـب وامن الشعر له بيـت انشبنـي بالنشايـب او في شفه اتوزيـت يا بن علي يا ثايـب كم في الهوي ونييت كم قاسيت العجايـب في شفهـم واخفيـت متشربـك بالنشايـب والكـم انـا تعنيـت ******************************** البارحه يوم الملى بايت ذهيل والنود خيم عالمداين وانتشر لا من صدى يسري ولو حتى دليل والليل رماس يلي من المطلع ظهر نسنس نسيم الريف من مطلع سهيل وارق عيون معودات عالسهر ياليتٍ قمره بها بات الوجيل يتذكر ايام مع الماضي ثمر رعى يوم يوم كان ماضينا جميل بلا تعب يتنا الفوايد بالبهبر واليوم ما عندي من المحنه وسيل قل احتيالي والزمن ابيه غدر دار الزمنا وصرت في جوره ذليل وامنت بي ما كتب رب البشر اتكسرت جنحان طير مستطير يجني ثمار اللوز من روس الشجر ما في خطر على بال خلاني تشيل اضعونهم والدم ميراهم قفر بعد اللما في دار تحجيها الظليل يلي شجرها يرتوي صافي النهر واليوم منها راعي العود اليميل شد الرحيل وراد بأخيار السفر وين اتجه عساه في حفظ الجليل له بدعي الله يجيره من كل الخطر يا زين بشرحلك من القلب الوجيل حالت غريم بعد فرقاكم عبر صاب الحشا رجاف ساعات الرحيل والقلب جنه طود بألغام انفجر له من السفر ما طابلي صبح ومجيل من حيرتي تميت مشغول الفكر يا كم انا اون من اليرح المليل الي اصيب افؤادي من ايام الصغر الحب صوبني وخلاني عطيل بريد عضايه وانحنى صلب الظهر لي شفت خلي بعد هجران طويل شوفه ينسيني همومي والضجر و السموحه ************************************* بايت على جمر الغضى ساهر وتشهد لي النجوم ما ذاللي لي جفن وغضى وما ذقت لحظة بذوق نوم فاض الشعر مني وفضى بين بمخفي العلوم ياخل لك قلبي ارتضى مطبوع لك فيه الرسوم اسبح لك بجو الفضى واطير لك فوق الغيوم امجدل وبات ارفضه باشوم وين انته تشوم حالي من الفرقى نضى تصلاه نيران السموم من الجفى متمرضى هيمان في رويه وحلوم قلبي بحبك ينبضى وذكرك على اللسان دوم عنك فلا اتعوضى شرواك في الحور معدوم اتوسل اطلبك الرضى ماشي عليك وباللزوم تسمح على كل ما مضى وتعطف وتغدي لي رحوم لا تستمع للمبغضى وتزيدني هم ٍ واللوم راضي بالي تفرضى لو كنت في حكمك ظلوم يا بن علي حكم القضى اعيش من خلي محروم بندب عني مفوضى يا شيخ ترضي المحشوم ************************ اه يا من ون والجفـن محـروم من صوابه ما يغظـي بالمنـام كن بي وسط الحشى نار السهوم تكوي الاظلاع وتبـث العظـام ما شكت نفسي من الدين الرقوم لا ولا تشكي من العلـة اسقـام شكوتي من ليعة الحب الظلـوم لي دعى روحي من الفرقا حطام شط قلبي يا ملا ريـم الحـزوم يوم شد الهين و انوى باعتـزام قلت قومه قـال عنكـم بانشـوم قلت وين الحل من عقب المشام قل في دار بها باجسى الصروم فـي محاظيـر ليـوا بالتمـام ديرتي وهناك قصدي واللـزوم وان نويت اتزورنا حد المشـام وان هوت نفسك هوى نالك ندوم بالتزامك يا فتي لو بعـد عـام وان هوى لك غيرنا فوق الخشوم لا تقاطعنـا مـن ردود السـلام قلت عفوك لا تزيد القلـب لـوم لعيته تكفيه عـن كثـر المـلام منك تكفي ليعـة الفرقـى ليـوم ما تهون من الحشى سبعين عام ونسفت جعدن معشكل ومحشـوم فوق متنيها كمـا ليـل الظـلام واشرت بالكف لي فيه الختـوم لي مخضب بالسجنجل باحتشـام العفو يـا رب لا تكتـب وثـوم جان عبدك زل واخطى بالكـلام يعل داره من هطل وبل الغيـوم يرظف الوسمي عليها كل عـام ******************************* عرفتك قبل ما اتعرف عليك رسمتك في خيالي حب غالي قبل عيني تشوفك والتقيك احبك يا خيال في خيالي انا شفتك وشفت الحب فيك وكنه الي مضالي ما مضالي احبك واندفعلك واهتويك نعم اموت فيك ولا ابالي اذا قلبي بنبضاته نسيك عيوني بالمحبه لك تخالي يضج من الهوا صدري واجيك ويصرخ هاجسي فوق احتمالي ******************************** دق الهاتف جداهم يا مانع بالوحاه نبغي نرمس وياهم في شامخ العلاه ناس طيب نباهم ولهم ذوق وحلاه لي بالحشا سكانهم مالي عنهم سلاه هم عالي مستواهم شراوت نيم الياه فايج عندي غلاهم راسي ولا بناساه سبحان لي سواهم وكملهم بالصخاه حسن ربي جساهم في طلعتهم بهاه عيدي انا ملاقاهم ومنوايه فالحياه متصوب في هواهم صوب عسر داوه يا مانع لي اباهم غزلان فالفلاه ثيب الي في رجاهم بمواصله ولاماه ************************* هود يا اهل الباب لمبوب // يوم تم الوعد جيناكم يروا ارشاكم من امهذب // واسقوا العطشان من ماكم في هواكم قلبه امعذب // من ثلاث اسنين يقفاكم الصبح ما طاع يتقرب // والليالي سرمد ابلاكم ذا نجم بازغ وذا اغرب // ولا ياني النوم لي ياكم إن رضيتوا الناس لو تغضب // غضبهم ما ايهم مع ارضاكم استحب الذكركم واطرب // لو عذول ياب طرواكم إن تغتربتوا انا اتغرب // وان بقيتوا باقي اوياكم ************************ يـــاعــمــــامــي عــبدكــــم ضـــــامـــــي والــمــــبــــارد فــي مــبـــــاســمــــكـــم والــمــــدامــي فـــي يــــــرح دامــــــــي والـــرتـــــاتـــــي فــــي مــــــراشـفـكــم انــجــس اعــلامـــي اســتـســــــــلامـــي لاجـــي وارجـــو الـعـفــــــو مـــنـكــــــم لـــو ســيـــوف الــمـــــوت جـــــــدامــي مــــا بـــــرد يــا ســــاداتي عــنـــكـــــــم مـــاء الـســحــب واضـيـــــان ووسـامــي مــا بــــاهـــــن عــنــــــد شـــربــتــكــــم بــلـــوا ريــجـــــي يـبــروا عــظــامـــي اخـــذوا اجـــري الله يـــــاجــــركــــــم الـعـــقــــل تــلـــعـــب بــه اوهـــــامــــي دوم مـــــن تــــاريـــــخ مـــــولـــدكــــــم لـــــو بــســـيــــر الــيــمـــن والــشـــامي مــا مــــرد الـــراس غــبــــر الــــكـــــم الــشــفــــا وانـمــلــكـــــم اتــــــوامـــــي امــســحــــوا صــــدري بــنـــــامـــلـكــم عــيـســيــويـــه تــبــــري اعــظــــامــــي خــصــه عـــوق الـحــب مــسـحــتــكـــم فــــلـك قـلــبــــي شـــاحـــن غـــرامــــي ســي بــــرده فـــي بــحــــر حــبــــكــــم ارمـــي صــبــري عــنـكـــم الـــرامــــي ومــا رمــى شـــي مــن غــرامـي ابـــكـم لــمـــتــوا الـمـتـيــم مــا يـنــــــــلامـــــي خـــالــجــي لا قـــــــــال قــــــوتــكــــــم انــا وهـــــم خــبـــــز ولـبـــن جــامـــي وانــتـــوا يــاللــــــوام شــو ايـخـصـكــم انـــا وهــــم كــتــــب الــــــــف لامــــي ونــتـــو خــــالـي الـضــاد كـتـبــتـــــكـــم انـــا ويــــاهـــم ظــفـــر والـحـــــامـــــي وانــتـــو فـــي شــلـــع الــظـفــر شـلــكـم دســت نــــــار الـحـب بــجــــــــدامـــــي ونــتـــوا فــــوق الــظــــل دوســتــكــــــم ســـاهــــر فـي اللـــيـــــل مــا نـــــــامـي ونــتـــوا فـي لــــــــذات نــــومــتــــكــــم وهــمــــت وادي الـتـــيـــه بــهــــيـــامـي انـــا والا انــتــــــو ابـمـــنـــــازلــــكــــم *************************************** ابــلـيــت واسـبــابـــي مــن الــــــود بــهـمـوم والــدنــيــا تـبـى اسـبــاب قــلـبــي عـلــيــــك ايـحـــن مـحــتـد حـنـيـــن حــاشــي فــارق ارجــاب عـــن وصــل مـحـبــوبـي فــلا بـــد لــو دون وصـلـــه سـتـر وحـجــاب لــوســيـف دونــه مـاضــي الـحــــد وارمــاح مــركــوزه عـلى الـبـــاب عــن نـدمــتـــه مـيـعـيـضــنـي حـــد لــو مـــن بـنـات الـحـــور بـيــــاب بــوخـــال بــوخــلـخـال بــــوخــــد جـلـبـــاب لـــمـوشــح ابـجــلـبــــاب مـــوتـي مـــن الـحـقــران والـصــد او حـســن حيـاتـي شــوف لـحـبـاب حـقــي عـلـى عــارف او مـسـتــــد لـكــن مـيــــواديـنـــي احـســــــاب وان قـلــت للـعــــــذال مـــــرتــــد قــال الــدمـع يـالـخـضــر جـــذ ّاب يــا عـــاذلـي خــذ دربــــــك او رد انــا بـصــلـي مـسـمــع لك ايـواب لــو بــك مـثـلـمــا بـي بـتـنـشـــــــد لــكـنـــك خـالــي مـن لانــشـــــاب مــعــلــول حــالـي مــا غـتــر حــد عـلـم ايـــودي او خــبـــر ايـــــــاب لــو يــوبــلـي دخـتـــر مـن الـهـنـد شــاطـــر او مـتـعـلـم في لـطـبـــاب لــو يـبـذل الـجـهــده او يـحـتـــــــد مــا فــادت اغـــراشــــه ولـــدبـاب وان مـت كـتـبــوا في الـشـواهـــد هــذا قـبــر عــاشــق اومــصـطـاب ********************************* |
يوم شلوبي من الديرة قلت يالمضنون لو داعي وسط فلك سلك ف مسيره في طر نشيب البحر ساعي اذهلوا قلبي بحاحيره هاظ مابي هلت ادماعي من يسلى القلب ويديره عمن اقفا شاعه وشاعي آه يا من صابته حيره بين صير او صرّي انواعي في بحر ستين تفسيره لبحرين ابها حكم راعي يضرب الغربي مزاميره كل يوم اينوح ويلاعبي قلت له يبريح لك خيره دوّق وداور هوى الداعي قال امر الرب تجديره لازم المامور مطواعي *************************** فكـــــرك معــي فكرك معي دوم موجــود طيفك معي يا حلـو الارهاف اعصمتني عن جملة الخــود وانسيتني كـــل ما طاف يا زين زينك زاده الــزود بلطف واسلـوب واوصاف انت امل عمري المقصـود حلمٍ تحقــق واصبح يشاف اثابك الخالق المعبــــود ما بين حرف النون والكاف يا عود موزن وسط الحروف رابي فلك ما صــابه هياف شروا غروب الشمس الخدود جسمٍ رشيقٍ ناعــم اطراف معزّلٍ والخصر مجلــــود والعين عين الحــر لي شاف حبك سكن قلبي ومفنــود والحب سنه عنـد الاشراف يا عل وبل رسمـــي ويود دنّ ارعــده والبرق رفاف **************************************** أشوفك شـــــي وأنته شـي آخر ..... حبيبي جل من صور جمالك أشوف الكون في عيونك مناظر.... وأشوف اليل يسبح في خيالك سحر طيفك به أستوحى الخواطر... وأزف الشوق من قلب سعالك أسافر في بحر حــــــبك وأخاطر .....مرادي بس في الدنيا وصالك أسابق خطوت أقدامي وأقامر ..... لجل عينك ولو شفت المهالك أذا شفتك سكن قلبي المهاجر ..... ورت روح تتغنى بخطالك تعال وخلانا من قول باجر .... تعال وعايش الخاطر حلالك حبيبي بس لي اشر وأمر .... حيات الروح والدنيا فدالك رقيق الحس وحروفك مشاعر .. أرددها وأسرح في دلالك رعاك الله يامن صرت أسر ... أسرت القلب وأهوبته جمالك *********************************** قاصد جداكم حافي يا حلوين المشم ولكم ضميري صافي ولغيركم ما يظم وأنتو من الأشرافي ولكم قدر بيعم منتوا من الأطرافي دانات غزر ويم والأحترام الوافي حق علينا يتــــــم أفضيت سرٍ خافي في قلبي منكتم يا كامل الأوصافي الزين فيكم عم مذهب وخلقًٍ وافي وبسماتك تنسجم ماهو من الأخفافي رزين ومحتشم ياصافي الأطرافي ************************* دنيـا محـلا وطـرها === فيهـا زهـت الانـوار كثـر الخيـر أو شجرها === و تـوفـرت لاثمـار يا هـا السعد أو غمرها === مــن والـي الاقـدار عـم البـر أو بحـرها === و فاضت بهـا الانهـار تتـوافــد القطــرها === عالـم مــن الـزوار تتفسـح في شجـرها === وورودهــا والازهـار فيهـا المهـا مكثرها === واريومهـا والامهــار يا سعـد اللي نظـرها === وتحـف بها الاسـرار نحمـد لـذي صورها === واوهـب لهـا لخيـار أو عظمهـا فـي قدرها === إبجــاه واعتبــــار ******************************** نسنس نسيم المطلي هب // واستانس الزين بنسيمه وانا الذي قلبي معذب// معتاق مشتاق لنديمه من زود شوقي يعشق الصب// واون ونات عقيمه يامه لعاله قلبي ونب// لرضاه بو نفسن حشيمه له عين شرو الحر الاشهب// والخصر زاهي في بريمه سبحان الذي بحسن يوهب // ترفه ينوب له نعيمه ما رابع الطبجين يلعب// حرصا على السمعه الحشيمه عزاه من مثلي تعذب// ومن الوصل نفسه حريمه صرف النيى والبعد يتعب// والهير ياخلي ظليمه عليك دمع العين يدعب// من موقع العشره الجديمه عزاك في توفاك مرب// وبنعمة الباري مديمه يسقى من الوسمي وتشرب// من بارجا هماله غيمه دار الغضي بنبت تعشب// والغيث له يحى هشيمه ****************************** ايلومني لى مستـريح لى فالهوى ماله طموح ايدور الدرب المريح بين الوطايا والسفوح إلا الشهم دايم يتيح كل الفرص دومه فروح ايقدر ظروف الجريح لي من حبيبه به جروح يا شيخ من مابي اصيح يا باني المجد وصروح اتثيب لي برايٍ صريح ما ريت غيـرك لي نصوح لي حب خلٍ مستبيح قتلي وانا قابل سموح هيمان في حبه اسيح آزيد كل ما طال شوح وان هب من جدواه ريح اترد في المذبـوح روح له روحه بحبي ابيح ولغير حبه ما ابوح ************************************* ليت جنح الليل يحملك أساي..نوح قلبي منك ليتك تسمعه.. ليت حظي مره يصدق معاي..ليت شملي معك ربي يجمعه.. من زمان وصلكم غايه مناي.. من زمان النفس فيك مولعه.. حبكم غصن تورق في حشاي..في شيرايني غدا هوه منبعه.. لا تمادى يا حبيبي في جفاي..صدكم والبعد قلبي يوجعه.. لو تشوف عيني تحجي عن عناي..ناظري ما يوم وقف مدمعه.. لو أجر الصوت يرجع لي صداي.. لو أجره محد بيسمعه.. عن طريجك فيه ضياع يا شقاي.. لو مسكت الخيط مني تقطعه.. لك عذابي بس لا تقطع رجاي..بالأمل بوهم قليبي وأقنعه.. ليت جنح الليل يحملك أساي..نوح قلبي منك ليتك تسمعه.. ليت حظي مره يصدق معاي..ليت شملي معك ربي يجمعه ************************************ لو تفرق بيننا سود الليالي..ولو يحول الدهر وصروف السنينا.. لا حشا ما أنساك لو طال المطالي..في الحشا مطبوع رسمك يالظنينا.. إنته عمري يا الغلا من كل غالي..ونته شوقي يا منى قلبي الحزينا.. العمر يفداك مع حالي ومالي..في هواك يهون كل صعب محينا.. لو جفوني الناس وأقرب بالأهالي.. ما أستمع قول الحسود الواشينا.. أحيد قصرك في الحشا شامخ وعالي.. ساكن ودك بقلبي مستكينا.. يا غناتي يا شقا قلبي وحالي..يا دوايه وبلسم الجرح الدفينا.. يا غزال مرتعه روس المفالي..يا قمر وضاح في نوره يبينا.. على الوفا باقي وعنك هوب سالي..لك عهد والعهد مني ما يشينا.. لا تظن أنساك يا الغالي محالي..لين روحي والعمر عندي يحينا.. لين جسمي يندفن تحت الرمالي..وأرتحل من دنيتي وأصبح دفينا.. لك سلام يا الظنا ختم المقالي..عد ما نسنس هوى الغربي سفينا.. ************************ قفى خليلي عني وراح..عقبه أنا ما أبغى البديلي.. عذبتني يا حلو الوشاح..يلي شرا ظبي المجيلي.. مالي على فرقاكم إيواح..حالي نحل وجسمي عليلي.. لا تفتكر كنت مرتاح.. ونا على نارالمليلي.. بدعي عساك بخير وأفراح..وتعود لي يا ذي الخليلي.. ياكم مثلي في الهوى ناح ..يشكي من الهجر الطويلي.. يبكي ودمع العين نظاح..دايم على خدي هميلي.. يلعي وليف صار مرتاح.. مبعد وصله مستحيلي.. الله يعود أيام الأفراح ..حتى الكدر مني يزيلي.. ونتم في غيات وأفراح..ولا نستمع قول العذيلي.. وعقب الكدر يا زين نرتاح.. ونشمم الورد الجميلي.. وأختمت جيلي عد ما ناح..برق لضى وسط المخيلي.. ********************************** يا زين ما سويت بي زين..لكن ما بشكي بك إنسان.. بصبر على ميعادك سنين..لو ما تعاشرني بالأحسان.. قال الهجر قلت الهجر شين..قال اللقى قلت اللقى شان.. حجيت قبل الحج حجين..وأحييت حالن جد حنى وحان.. قال الوعيد يوم الإثنين ..عقب العشا يوم القمر هلال.. قلت النهار العين بالعين..وقت الضحى ولا امسيان.. ووافق وصافحني بالإيدين..وأثبت على عهده بالإيمان.. وتعانقت في ساعة وحين.. قلبي وقلبه عقب هجران.. بتنا وبات الكيف ينبين..وكلن على المبيت شفقان.. والصبح فرقنا محازين..ياليت نور الصبح مابان.. شامل الخليل وخلوتي وين..عقبه ولا للحب ميدان.. طبقت بابه والنياشين..وأصبحت ضارب رسم واعلان.. في السوق وأبواب الدكاكين..حتى يقال مغادر فلان.. ************************* ما ينجبر قلب على قلب ما دام قلبك ما هواني.. لا حبك أول وآخر الحب ولا انته الوحيد اللي في زماني.. صحيح لي شرواك ينحب حسن وأخلاق ومعاني.. لكن ما قدر ليه الرب ألقى على بحرك مواني.. لك درب في الدنيا ولي درب روح عساك تعيش هاني.. ونا على ذكراك برقد ربي يعوضني بثاني.. مسموح مالك في الهوى ذنب لو شفتني عقبك أعاني.. ما ينجبر قلب على قلب ولا يستوي العاشق أناني ******************************** طاوعك قلبك تغيب وتترك احبابــــــــــك .. تنسى غلاهم و تتركهم وتنساهــــم حرام تترك خفوقي يشكي غيابــــــــك .. وانت بقلبي اعز الناس واغلاهــــــــم ناديت والصوت لاشدك ولايابـــــــــــــك .. ياسيدي ياعديل الروح يافاهــــــــــــم وانت بوجه اشتياقي تغلق ابوابــــــــك .. وانا اقرب الناس من قلبك و اوفاهــــم نسيت حتى تقول شفيك وشصابـــــك .. يوم الألم عذب عروقي واشقاهــــــم بديت ناس على ناسك واصحابـــــــــك .. اتعبت نفسك تدورهم وتلقاهــــــــــم نامت عيونك ونام الليل بأهدابــــــــــك .. واللي شكوا غيبتك ذا النوم ما ياهـــم زادوا على جرحهم كم جرح بأسبابـــك .. وأن اقبل الليل صوت الجرح صحاهــــم أرسلك عتاب قلبي واحسب احسابـك .. وابياتي البيض دايم بأسمك ابداهــــم يجبرني الشوق يجبرني على عتابـــك .. واتمنى تقرا ودادك قبل تقراهـــــــــم دمت الخفوق( ن) إذا قابلك هلابــــــك .. يا أطيب الناس في عيني واغلاهـــــم ****************************************** صخت بيى الدنيا يا بوسعيد من شفت انا ياحميد عينة يوم التفت لي صوب اسعيد والروح صارت له رهينه يمشي وتمشي قربها الغيد لكن فرق وصفة وزينة من حسنة كانه يمشي وحيد مابينهم فرقى وبينه خذني وراح بروحي بعيد واعزمت اقول اليوم وينه شوقي عليه يزيد ويزيد القلب يعل الله يعينه ياحميد ثيب القلب يا حميد ولهان مشتاق لظنينه هو صار للسيد ترى سيد من يوم ما شافه بعينه صخت بيي الدنيا يا بوسعيد من شفت انا يا حميد عينه والروح صارت له رهينه *************************** ابليت واسبابي مـن الـود بهموم والدنيا تبـا اسبـاب قلبي عليك إيحـن محتـد حنين حاشي فارق ارجـاب عن وصل محبوبي فلا بـد لو دون وصله ستر وحجاب لو سيف دونه ماضي الحد وارماح مركوزه على الباب عن ندمته ميعيضنـي حـد لو من بنات الحـور بيـاب بو خال بو خلخال بو خـد جلباب لموشـح ابجلبـاب موتي من الحقران والصـد واحسن حياتي شوف لحباب حقي على عارف او مستد لكـن ميوادينـي احسـاب وان قلـت للعـذال مرتـد قال الدمع : يالخضر جذاب يا عاذلي خذ دربـك أو رد أنا ابصلي مسمع لك أيواب لو بك مثل ما بـي بتنشـد لكنـك الخالـي م لنشـاب معلول ..حالي ما غتر حـد علم إيودي أو خبـر إيـاب لو يوب لي دختر من الهند شاطر أو متعلم في لطبـاب لو يبذل الجهـده او يحتـد ما فادت اغراشه ولدبـاب قلبي ابطلماس مـن الـود ماهوب طلماس من اكتاب وان مت كتبوا في الشواهد هذا قبر عاشق أو مصطاب ****************************** وين انت ياللي كل ماقلت وين انت حتى السؤال يقول وين الإجابه عامين ضايق وانته لليوم ما بنت هي حالتي بين الحزن والكآبه لوشنت ب عيون المخاليق ماشنت في عين من حبك سرابه سرابه لولا الغلا ياصاحبي ماتمكنت صدر من الهجران صاير خرابه عود علي وانا اترياك لاهنت الحال واحد والظروف اتشابه واذا سألت اتحبني قلت لي كنت وانا ابتسم من باب حب الداعابه وان خنتني اعلم ترا مابعد خنت الا معاك لكن خونة ذرابه خنتك مع طيفك مع ماتيقنت انك علي بعدك سرا والسحابه اكبر خطا محبتك وانته ماصنت حبن يخلده المشيب لشبابه تدري وش يغيض الرجل في هوا البنت انه يعيش بواقع(ن) مادرابه اذا سألتك اتحبني قلت لي كنت وانا ابتسم من باب حب الدعابه لكن انا وشو انا وانته ويش انت هذا السؤال اللي يبيله اجابه ************************ الاول معي زايد غلاكم افدي بروحي واشتريكم احرب واشني من شناكم ما ارتضي بالشين فيكم وانتو تجافون اصدقاكم من دون زلات تجيكم كدرتوا الخاطر تراكم واعرفت قاصي اوليكم واليوم مالي في معانكم حاشا وكلا ما عنيكم امشوا واسيرو في هواكم وانا عليه ما تليكم وضاع الربع في ملتقاكم من حين جافيتوا خويكم ولو كان باغش ادعواكم لمسماحة منى اليكم واقول لني في ذراكم الله يهديني ويهديكم والقلب حالا عاف ماكم يوم املحت شربة طويكم ***************************** أشارات بالمسـا بـدر التمـام ولكنهـا رمتـنـي بالسـهـام فقلـت لهـا قتلتينـي فخافـي الهـك يـا رشيقـة الـقـوام قالت مالقـوام فقلـت غصنـا يغـرد فوقـه فـرخ الحمـام فقالت مالحمـام فقلـت طيـرا يذكرنـي بأحبابـي الـكـرام فقالت ماالكـرام فقلـت قومـا لهم في مهجتي أعلـي مقـام فقالت مالمقـام فقلـت ربعـا تحلي فيـه تستمعـي كلامـي فقالت مالكـلام فقلـت نسقـا اذا مـا فهتـه حلـو كالمـدام فقالت مالمـدام فقلـت خمـرا من الخمر الموشـح بالوشـام فقالت ما الوشام فقلـت نقشـا علي خديـك اسـود كالظـلام فقالت ما الظـلام فقلـت ليـلا كثغـرك يـا بريقـة القـوام فقالت ما الغمام فقلـت سحبـا يشـن المـزن والعالـم نيـام فقالت ما لمنام فقلـت غمضـا يحرم في عيون اهـل الغـرام فقالت مالغـرام فقلـت عشقـا كسح في مهجتي وانحل عظامي فلما أن رات مابـي اشـارت وأدنتنـي الـى أعلـى مقـام *********************************** يا حبيبـــي كيــف ممساكم = يعلكم في الخير تمســــونا وش خلــف يا زين لاماكم = ش السبــب لي به هيرتونا لا ولا كـنّــا عـــرفنــــاكم = في الزمــــان ولا عرفتونا لو اصحاح الريل زرناكم = لو بربع الخـــــالي اسكونا إن طلبتـونا عطــيــنـــاكم = وان طلبنا مـــا عطيتـــونا إن شرهتــــــونا وصلناكم = وان شرهنا مـــا وصلتونا عمّ غيري فضــل حسناكم = ما ظلمـــنـــاكم ظلمتـــونا يوم عدل الوقـــت محلاكم = كالعســــل بالزبــد معيونا ثم نزلـــنـا فـــي سويــداكم = يوم بدلتـــوا ظهـــرتـــونا وافترقنــا خلـّـــي ويــــاكم = والصفاوة صارت ظنـونا مختلف م العـــــام مجراكم = وين أجرّي مـــا تجــرّونا يوم هذا صـــــار معـــناكم = عقب زيـــنٍ بـــه ملكتونا بزرع التفــــــاح ميـــراكم = دورتيــن وحـــــب زيتونا باستعين بــــربٍ أنشــــاكم = بالخلـف عنكم يا مضنونا *********************************** ياعين كفي الدمع مني ولو يـوم=صبري على مر الدهر لو شقاها مترى الدمع ياعين وصلج لغيوم=غيم ٍ على غيم ً يعتم سناها عييت من شكواج في ساعة النوم=نوم ً يشوق ناظري في كراها لو ييت اخفـــي مابدا لـج فلا روم=منـج تناثر وابل الدمع ماها حتى وبر الصــبح نشيت مغــموم=انادي على من كان سبب بلاها بلا من بلاني بالعمر خط مرسوم=رسم المسجل في الصدر مامحاها انا بـــوده صــابــرا ً بالــدهــر دوم=دوم ً على دوم ً وروحي فداها هـذيج اوقـــات ً مع الخل محـــتوم=مرت كما برق ً لمع في سماها ترك لي من الفرقى شوم ً على شوم=كما رسم ً وسم دمي في دماها طونها خيوط الدهر صار مبروم=برم السدي لي وثقه في سداها ياعين كفي وافهمي الحظ مقسوم=جسمه من المولى يبري براها لابد اتيي لوقات تصدقج لو يوم=وتشفي جروحج قطرة ً من دواها لاداوي بها روحي من غير مفهوم=لو كان بشرب حنضل البر ماها لذيذ ً على جبدي خافيا ً ومجـــتـــوم=تصفي ولو تدلخ عليه صفاها عسى الله ياعيني لج الحظ مقسوم=مع احباب واصحاب يجرب خطاها هذاك وين النفس ترتـاح ياقـــوم=قــوم ً من الضيفان يردوا ثناها ياعالي الخود واسمك عالي ٍ دوم=واسمك بفعلك معترً في نداها عسى الله يجمعنا على خير لوسوم=نفرح بشوفج مع جديد ً لفاها ********************************** عيوني منك مفتونه سلبها حسنك الفتان و قلبي زادت شجونه وليع دايم حيران احب الي تحبونه و احبك يا عويد البان و نفسي منك محزونه و انا في حبكم هيمان حبيب تسلب عيونه سلبني طرفه النعسان ولا لي حد من دونه وانا ما اقدر على الهجران حرام تخيب ظنونه غريم يجاسي الوجدان حبك دايم يصونه عن العذال و النسيان و انتو لو بتنسونه يداريكم شرا لعيان فضيت القلب مظمونه لكم يا زهرة الريحان ********************************* يا قمر نور على البلاد ضية ... نورت الآفاق و أسفر بك سمانا يا حبيبي يا عزيزي يا سمية ... يا شبيه خشوف غزلان الدمانا لي بغيت اهديك لأنك لي هدية ... لو طلبت الروح ترخص لك أثمانا فوق كل الحسن عندك جاذبية ... كالجمال مجمل الحور الحسانا انت اللي تزهي بك الدنياالبهية ... كالعشب يزي بياض القيحوانا من نظرتك كأني أرميت برمية ... صابني سهمك و باللي كان كانا حبكم في القلب يتزايد لظية ... كشعاع الشمس و النور استبانا و الختم صلوا على سيد البرية ... احمد اللي للهدى نشر البيانا يا قمر نور على البلاد ضية ... نورت الآفاق و أسفر بك سمانا يا حبيبي يا عزيزي يا سمية ... يا شبيه خشوف غزلان الدمانا ==================================== شوقي حمايم والغناوي ربابه غنت على لحن الربابه حمايم يا صاحبي بعض النوايا تشابه والفعل يفرق بين بايع وسايم يالي حبيبك فيك زايد عذابه دايم على باله ولو كان نايم دربك سعاده والمفارق كآبه مشاعرك ورد وغرامك نسايم عزمت قلبك للغلا والرحابه ولو كان ما بين الحبايب عزايم لو خافقك يفتح لفزاع بابه لقيت قلبه عن هوى البيض صايم لو ان احاسيس القلوب اتشابه سمحت لي كل الذنوب العظايم القلب لك روض الخضر ما وطى به إلا غلاك اللي احييه دايم اعذر حبيبك لو يطوّل غيابه من طول الغيبات ياب الغنايم شوقي حمايم والغناوي ربابه غنت على لحن الربابه حمايم ********************************* هيج غرامي هايم هيامي و الشووق غلاّب هزّعت فني يا طير مني و لا كان ظني تطريلي احباب ذكرتني به لي اعتنيبه حب و حبيبه و الشووق جذاب ولف ٍايحبه قلبي و لبه و يذوب صبه كالشمع لي ذاب ادعج خدلجّ و امدملج ادلج واغنج وابلج شمس ٍ عالغياب و خشم ٍ اتّورد سيف ٍ امـّهند و خدٍ امـّورد جوري وعنّاب ليته درابي و عانا صوابي انا المصابي في دنيت اغراب عايش ابدنيا فيها و هنيا مالذ هنيا فيها ولا طاب طير الحمامي هيج غرامي هايم هيامي و الشووق غلاّب ************************* هلا حيييت يازاير وطنا ويلي م البعد سلم علينا سلام احمله ورد وسمنا بعطر من رياح الياسمينا تسال الي وداده جارحنا حبايب حبهم جاير علينا رماني في طريق ثم تثنا كما ترمي رياح الصيادينا ولو كل عهوده يخلفنا انا باقي على عهدي سنينا ولو فسرت تفسيره محنا عليه اثني والباقي علينا انا مشتاق صوته يوم غنا كما يشتاق عزف المطربينا ************************* القلب ما هو لعبتنا في يدينك يالي المشاعر كلها عنك اوهام الفرق واضح صار بيني وبينك مثل اليتم ومثل طريلت الاحلام ما عاد ينفع لو يردك حنينك خطاك اكبر من اسف حبر الاقلام حتى الرسايل في هوانه تدينك عنوانها كذب وخيانات والام بنساك وبنسى كل زينك وكل شينك جرح جديد وزاد على جروح جدام سدد من ايام الشقاء بعض دينك واللي يسوم الناس لابد ينسام نحن على كل الخطا عذرينك كان استمع بالي حكى فيك لوام واليوم قلبي والفكر رافضينك هيهات يرجع حب ميت من العام *********************************** ليت للحب قاضي قبل يوم الحساب وانتطالب معاكم حق وانت الطليب حالة الصب دونك في كدر واكتآب وان تواجد وجودك كل جرح يطيب لا تعاتب محب ما يحمل العتاب ولا اتجني عخلك وانت أغلى حبيب اتحملت نظره من سهوم الحراب ارحم اللي يحبك قبل وقت المشيب رفك اعلى محبك بين برق وسحاب ولك تعطف فوادي مثل غصن الرطيب ياشبيه اليوازي مع تلات الهباب فوق روس النوايد والمياه الصبيب فايق في جمالك ناقشات الخضاب باهيات المحاسن ناشلات السبيب ما يكفي بوصفك لو بدون كتاب هاجس الشعر يتعب والمشاعر تغيب الهوا بالتراضي والزعل له اسباب من تسرع بحكمه محتمل ما يصيب **************************************** غربت غالب ومن يبغي الغلا غرب = ومن كان سامي سما للمركز السامي واللي يبي ونعم لازم لاجلها يتعب=واليوم له مجد وانسى مجدك العامي مابين سبع ف عرينه وسبع متخضب= بالدم فرق يدلك نابه الدامي ياكاتب المجد عن لي يصنعون اكتب = شبابنا لي لهم رايات واعلامي ويا عاسف الخيل لا تحزن ولا تغضب = ما نرتضي غير الاول دوم قدامي من حبي الصعب اطرب كلما يصعب = متعود بالشدايد هايم هيامي اتعبت الارض التعيبه وما رضيت اتعب = واتعبت طير السما واتعبت لوامي اغلب ولا اغلب وحد يغلب ويغلب = ومن غالب الغالبين يغلبهم زامي في ساعه الصفر حتى الشخص المجرب= ياما ارتباك يجيه وخوف واوهامي وان زاد همه فلا ياكل ولا يشرب = واذا تخطى حدود الهم ما ينامي كنا وكانوا على عجلات تتوثب = والارض سرج وعنان و سير ولجامي والخيل تفهم لمن صهواتها يركب = ان كان في الحزم حازم شد لحزامي فزنا وكل العرب من فوزنا تكسب = والنصر نهديه لشعوب وحكامي ************************************** مـحــد جـاســا شــراتــي واتــلــوع فــــي هـــــواه واتـســقــى لـحـسـراتــي فــي شــف لـــي يـهــواه مــا هـــاب إمخـاطـراتـي اولا عــــذال او وشـــــاه خلي امرضـي او علاتـي وادوايــــــه والــشــفـــاه لو هو سلا او ما ايحاتي الـقــلــب مـــــا يــســـلاه جـفـنـي انـــا مـــا بـاتــي مـســتــارق مـــــن وزاه وايـــهـــل إبـلـعـبــراتــي ســيــل حــفــر مــجـــراه غرنـوج إمــن الهـواتـي مـــا إتـمــرس بــدعــواه غــــر حــلــو الـشـفـاتـي ثــغـــره عـــــذب لــمـــاه مـــن نـــوره والـبـهـاتـي يـسـفــر جــانــي دجـــــاه لــــو ســيــد الـخـفـراتـي ارشــــا دلـــــوه طـــــواه او خـلانــي إبمضـمـاتـي أتــــبــــع لال الــــفــــلاه انـشــد عــنــه واحــاتــي خــــل عـــــارف غـــــلاه يــــا عــانـــي بـالـثـبــات صــوب اديــاره اوجـــداه بـلـغ روحــي او غنـاتـي ســـلامـــي والـــوصـــاه انـــي عـلــى الـلامـاتــي شــفــج وارقــــب نــبــاه لــــو بــيــن ابـخـصـاتــي او ســــر عــنــي خــفــاه بــتــهـــون الـلـيــعــاتــي او يــاخــذ يــلـــي يــبـــاه يـسـوى عـنــدي حـيـاتـي اومـالــي حــيــاه ابــــلاه *********************************** يا ويل يا من ضاع فكره ... في شف معسول الشفاتي لول يسليني بزقره ... واقول عونك يا غناتي واليوم عني وسط قبره .... متوسد اليمنى وفاتي يا الدود عن لاتيه خصره ... بو يادلن سبع رضفاتي يا ما سقاني وقت عصره ... من ريجه السكر نباتي حطوه قبري عند قبره ... باحسانكم يوم المماتي عليك المضنون غفره ... يا خالجي رؤوف بغناتي يا ويل يا من ضاع فكره ... في شف معسول الشفاتي ************************************ تكلمني ونومك غالبنك وانا ما با السهر تتعب عيونك دخليلك سد خط راجينك رجيتك بالي الذي غلاك بونك غضيظا في الهوا وصغيرا سنك من النسامات تتمايل غصونك اداري لك ومن قلبي احنك واخاف عليك من لاضي شجونك تقول القلب كيف انهيه عنك يعاندني ولا يرتاح عنك جتيل الحب واشواقي دعنك واموت ان صار مغلق تليفونك ************************************ يالحبيب انقطعـت اخبـارك لا وصول ولا نبـا منـك ما لفى هاتف من ديـارك لا ولا مرسول يـا منـك من احسانك صرح اسرارك جان تهوى قلـب هاونـك احترق قلبي وسط نـارك وانت مـا تدريبـي جنـك تخجل انظاري من انظارك من جمالك والسبب منـك ياحـلا ردفــك ودوارك واليدايـل سمـر تسنـك يانعة الورود في اثمـارك جل ربـك لـي مسونـك لو نسيت وطال هجرانـك طول عمر هـوب ناسنـك لانه حبك ساهم وشـارك في خفى الخافي مخفنـك ********************************** يا منقش العنـاب بخضـاب.......ويمشـرب اللـون ابياضـي باسباب والا ما شي اسبـاب.....دايم اتشكل فـي غياضـي وغلاك عندي ماله احسـاب......ولاتنقلـه سبـع الاراضــي البستنـي م الحـب جلبـاب......جلاب من عقـب التراضـي وخليتني من خـارج البـاب........ماكن لـي ويـاك ماضـي اعجاب منك اومني اعجاب.....تخطي وانا لك في تغاضـي والوقت يقزر كلـه اعتـاب........ولا شي عند الواش قاضـي بوثمـان ذبــل اعــذاب..........في مبسم كالحـص ياضـي وعيـون قتـالات باهـداب........والحاظ في النظرة مواضـي ان قمت لك بالوافي اوجاب.......هذاك في الحب افتراضـي عسى اوطنك يسقيه سحـاب......مركون ومزونـه اغلاضـي ينقاد م المغرب له احيـاب............ويبـات براقـه لـواضـي وسمي وتزهر فيه لاعشـاب..........واتـم وديـانـه ريـاضـي تلتف له في الكشته اصحاب.......تمشي لهم خدم او حواضـي هنالك وين تقيـم لاحبـاب............ويطيـب للحاضـر مقاضـي ***************************************** موية من اللج مزرقه ..... طبعتني والهوى شامي آه يامن عاين الدقه ..... في الخلا وارجابه احيامي جنها في النجر مندقه .... قوة الصحه من عاظامي العمر والروح من حقه ...... ومعلق جبدي والانسامي مط قلبي روحي وشقه ..... واسرقه من داخل اجسامي غصب لا رافه ولا رقه ...... لا ولا ايداخلهم ارحامي يال شيله والخدر عقه ..... وانتظر في يرحي الدامي وجنته بالورد مشرقه .... والحيا في حسنه السامي شحّ ماساير هل الخقه .... والوسيج اوضول لايهامي يعل يود السحب مدفقه ..... وين يرتع سيد الارامي ******************************** يالبعيد وشوفتك صارت محال ودي اشوفك ودي اندهلك تعال حاولت اصبر واداري بالدمع طفيت ناري حاولت انساك لكن هذاا اخر احتماالي،، يالبعيد وقلبي بعدك ماعرف طعم الهنا لوغبت لحظه اعاني كيف لوغبت سنه ؟؟ وين ادورك يالبعيد حرت من هذا السؤال ؟؟! والله ماغمضت عيني من رحت لليوم ساهر عايش بحيره عذابي تلعب بحالي الخواطر مره اشوفك مره تبعد حرت من هذا السؤال ؟؟ حاولت اصبر واداري بالدمع طفيت ناري حاولت انساك لكن هذاا اخر احتمااااااالي ،،، ************************************ يا بهيج اللون و النظرة ... يا شعاع الشمس المنير عيد ليي يا سيـدي مرة ... لا تعـــــذب قلبنا الديرة يا ونـــاسة قلبي و وتره ... يا شذى الورد و تعــابير ارحم اللي ما يبر كسره ... في هواك و ضاع تدبيره ناظـــري لك يـــذرف العبرة ... بالغـرام و عيني اسهير في انتظارك و انتظر زقره ... منك ياللي كامل السيرة لك غناتي في الحشا نشرة ... كـــان فــــي قلبك لنا غير ليت انا و انت في عـبره ... في الهوى نمشي بلا ديرة سيدي قلبي قصاه صبره ... حالتي و اشكي من الحير كم لعيتك و اشتكي حسرة ... من غرام صعب تفسيرة يا بهيج اللون و النظرة ... يا شعاع الشمس المنير عيد ليي يا سيـدي مرة ... لا تعـــــذب قلبنا الديرة ********************************** ماضية الليالي تذكرني بماضية الليالي // منازل بين هذيك الرمالي مراسمها بعد لايام عفيه // عفت اثارها ريح الشمالي ألا يامنزل ٍ مابين نزله // رعى الله يوم انا لي فيك غالي يرحب بي يلي من جيت بيته // ويشرح من ضجيج الهم بالي وانا لي من بغيت انوي مزاره // نصيته فوق مومية الحبالي على حمرا مذارعها دقيقه // خفيفة لحم زاغيها الحيالي يلي حطت مع هجن ٍ نجيبه // خذت لاول وخلت كل تالي وانا اتعبتها في شف خلي // لشانه مرخص ٍ حالي ومالي بزينه ماخذ ٍ لاول على أول // وسبحان الذي خلق الجمالي كثير الناس دايم يمدحونه // بحسنه والعدالة والكمالي ************************************* شرت الصبا ونهب ذنان لي ذكر القلب بمحبوبه شروا نسايم يبل لبنان يلي هل الدنيا هذوبه لي صاحب في الحب زعلان بلا سبب ياذي عجوبه من مثلها ذاك فرقان حسبي على ناس هدوبه انجان شي معروف واحسان امشوا به ولا مشوبه بو مبسم لولو ومرجان والعسل من ريجه يذوبه ريحة عرقه مسج وريحان ولذ من عطر لهوبه يهل سويده لقلب صويان حرير ومشيد طنوبه انسار مابشجي انسان وانزارني اهلا وهوبه ماروم اعاتبهم ولو كان اخاف تلحقني عقوبه سالوا عن احوالي شوفلان جنهم غتاره مادروبه يدرون والله فوق سهيان ماجان هذا حب دوبه قلت بهواكم مات شفقان والروح خذتوها بمغصوبه ترضونها ياسكان الاوطاني اموت قبل الوصل نوبه القلوب في لي هوب نيران واهل الهوا والحب ابتلوبه لو ماهوا دعجين نعيان ماصارت الدنيا محسوبه ياسيف ياصفوة الخلان مثيب من قلب غدوبه عقب الهير ضيع البرهان واذم شرهان شرا محسن وتوبه صلة الفجر والنور مابان ويقول طال الليل يوبه انا الخضر هزاع لبنان في شف ترب ينوبه قلبي بخمر الحب سكران ماهو من خمر معنوبه شرت الصبا ذنان يذكر القلب بمحبوبه. ***************************** ياونة اللي به عنا شوق .....صابه عنا الفراق واشتاق صاده هوى الخفرات بالبوق ....وشاف العنا من وده انذاق قد لي زمان مخلي الشوق.....ولالي بتبع الود معلاق وآخر بليت بود مخلوق ......ترف الصبايا تلع الاعناق قايد خشوف ريوم ادنوق..رتع بقفر عشوب مدفاق والعود موز موثج عروق....على الغبيب وتايه اوراق والصدر بالنهدين مفهوق ....وشعاع نور الخد براق وسطن هظيم وخصر مدقوق ...وميدلاتن سمر اطلاق لي زادله في قلبي الشوق ..بركب على اللي سيده ارناق وبزورهم والحاسد يذوق ....ويصير له في القلب دقاق مثل اللذي في حفلة السوق ..يسوم بزن ماله ارناق وانا مساميره دوا ارنوق.....واشكال ماجلبت للالسواق واورد جريحن صافي الذوق ...واسري على نجمن بالآفاق ترحيبته تكفي لها ذوق ..من خاطرن صافي ياعشاق لطفن جناب وزين منطوق ....ولطفه لقلبي سار سراق وده تخلل دم العروق ...ولاله طبيب يشافي اعواق ياجاعلن كل حي مرزوق ...وياكاتبن في اللوح الارزاق عسى ان داره ساري ابروق ...يوده هميل وسيل دفاق ***************************** شط الحشا من شط به والقلب مني صوبه واللي مريح ولا دري لي حل بي ماحل به حل ابحشايه يا ملا حب الحبيب وابتلا والقلب دونه ما سلا شط الفواد وعذبه عذلت قلبي ماصبر عن راعي الطرف الحور يلي جبينه كالقمر يزهي بشله حاجبه ذوب فوادي واملكه في وسط غزله شربكه يا ناس ماروم الحقه عوقي غبي منه سببه عودة عويد الشادني مرباه داري ووطني يا ناس حبه صادني صيد الوحش في مجلبه مجبور جبر المبتلي في حب خلي العدملي واللي يلومني خلي لي حل بي ماحل به **** حد مثلي بات مشجنه حلم طيف مر خطافي واغتنم من وجدي الونه يوم كلن بالكرى غافي جرح في جاشي امخفنه والخوافي ضربهن خافي لي محب منى اومنه حب مثل الجوهر الصافي ليت باينقل لي المنه جان قدره عنديه وافي والوفا من فني اوفنه بينا ما يمشي اخلافي حيث لنه بالعرب سنه خص عند الناس لاشرافي يانديبي وصلكم جنه والبخت لي هوب مسعافي حالية يا زين مدعنه من ودادك منقل الحافي لاتخيب فيك من ظنه خير وانتوا حق وانصافي انت فرضي لي امصلنه وانت وردي وانته اتلافي يعل يود السحب لمدنه لي برقها بات رفافي والرعود امسوية حنه هل واسقى ذيج لاطرافي لين ينبت وين واطنه بالزهور امعزل الجافي بوخدود فوعه اسمنه يسفرن من شيل ارهافي جان جتلي مستحلنه لو على جتلي انا شافي **** ان رحت عني يا راحت الروحي مني... ون ييتني رديت في الجسم روحي شوفك يشيل الهم والحزن عني ...وفرقاك يامملوح يدمي جروحي الحاظ عينك في هواك اذبحني... كلام صدق ولا كلام المزوحي ونيران حبك في الضمير اشعلني... ماتنطفي بسباب كل الجروحي ارماح فرسانك صحيح اطعنني... ونا جتيلك يالحبيب الشحوحي ليت الليالي في هواك اجمعني... بيني وبينك يالغزال السروحي خذني حبيبي بالهوى بالتأني ...ولطف بحالي يالمحب الذبوحي شوف الليالي في ودادك قصني... وقصيت قلبن لك غريمن نصوحي .......... وين انت ياللي كل ماقلت وين انت حتى السؤال يقول وين الإجابه عامين ضايق وانته لليوم ما بنت هي حالتي بين الحزن والكآبه لوشنت ب عيون المخاليق ماشنت في عين من حبك سرابه سرابه لولا الغلا ياصاحبي ماتمكنت صدر من الهجران صاير خرابه عود علي وانا اترياك لاهنت الحال واحد والظروف اتشابه واذا سألت اتحبني قلت لي كنت وانا ابتسم من باب حب الداعابه وان خنتني اعلم ترا مابعد خنت الا معاك لكن خونة ذرابه خنتك مع طيفك مع ماتيقنت انك علي بعدك سرا والسحابه اكبر خطا محبتك وانته ماصنت حبن يخلده المشيب لشبابه تدري وش يغيض الرجل في هوا البنت انه يعيش بواقع(ن) مادرابه اذا سألتك اتحبني قلت لي كنت وانا ابتسم من باب حب الدعابه لكن انا وشو انا وانته ويش انت هذا السؤال اللي يبيله اجابه |
http://www.l5s.net/uploads/1ac33cf1f9.gif تس ــِـِلمين أخ ــِـِتي ع الكلمآت والمج ــِـِهود الكبيـر وربي يع ــِـِطيج ألف ع ــِـِآفيهـ ومــآآآآقص ــِـِرتـي ولآ تحرمينآ من يديدج .. http://www.l5s.net/uploads/89b10d6f4c.gif |
| الساعة الآن 08:26 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir