منتدى استراحات زايد - كيـد الرجـال أعظـم من كيــد النــساء؟ ..... هل هذا معقول .... حياكم ....

السلام عليكم ورحمة الله وبركاته ..........

هذه قصة بدوية بس أحداثها وقعت بسوريا فإليكم الواقعه......

هذا الله يسلمكم ويسلمني كان في واحد راعي دكان......
وجاب لوحة وكتب على باب الدكان
(( كيد الرجال أعظم من كيد النساء ))
المهم راحت الأيام وجت عقبها أيام وفي يوم من الأيام مرت من عند الدكان حرمه مزيونه وقرأت اللوحة وضحكت على المسكين وشلون يكتب هاللوحة وقالت بينها وبين نفسها : لازم يتأدب ويذوق كيد النساء .
الزبدة جت لراعي الدكان وتسأله : هذا بكم ؟؟ وهذا بكم ؟؟ وهذا بكم ؟؟ وبدأت تتغنج شوي وتنعم صوتها وتضحك مع كل سؤال حتى أغرت الرجال وفتنته المهم الرجال صارحها وقال : ياحرمة دخلتي قلبي وحبيتك والحرام ماهو بيننا وأنا أبيك على سنة الله ورسوله .
فوافقت الحرمة وقالت له : ماعندي خلاف لكن المشكلة أبوي يرفض يزوجني وكل ماجاه أحد يخطبني يقول : ترى البنت عمياء وطرماء وعرجاء وأنا مثل ماتشوفني مابي إلا العافية * ومالك إلا إذا قال أبوي شئ وبدأ يعذربني قل له أنا موافق أخذها على عاهاتها .
فقال لها : ماهنا مشكلة بس من هو أبوك ؟؟
قالت : أبوي الهامور
المهم الرجال مانام الليل وهو يفكر ويوم أصبح الصبح ضبط حاله وراح يم الهامور وهو معروف في المنطقه بثراءه وقال له : أنا جيت أبخطب بنتك .
فقال له الهامور : ترى بنتي عمياء وطرماء وعرجاء .
قال الرجال : أنا موافق وأباخذها بعذاريبها .
المهم الرجال استغرب شاف الهامور استانس ووافق على طول ...لكن فكر وقال في نفسه بكره يجيني نصيبي من الملايين زياده على المزيونه
ثم حددوا العرس باليوم الفلاني ...... طبعاً العرس بالليل .
جاء يوم العرس والرجال متشوق للحرمة ويعد الأيام والليالي .
وفي يوم العرس كان متوقع إنه يدخل على الحرمة اللي جته بالدكان (المزيونة) ولكن يوم دخل على الحرمة لقاها فعلاً عمياء وطرماء وعرجاء فاستغرب وانجن .
وطلع الرجال ضايق صدره ومتوهق مع بنت القاضي
وخلال ماهو يتمشى صوتت له حرمة يوم التفت لقاها الحرمة اللي جته بالدكان (المزيونة) ويوم شافها جن جنونه وقال ويش سويتي فيني
الحرمة قالت له : تذكر اللوحة الي على دكانك ( كيد الرجال أعظم من كيد النساء)
قال : نعم..... .
قالت : قهرتني وحبيت أوريك كيدنا وأصلاً القاضي ماهو أبوي والبنت المعوقة بنته وحبيت أثبت لك كيدنا .
فقال : خلاص كيدكن أعظم بس دوري لي مكيدة أطلع من هالمصيبة .
قالت : بسيطة ....قل للهامور انا عازمك بكره على سهره في الليل وبعد مايحضر روح وحب وحده من الراقصات وخلهاترقص قدامه . وقل ويش رايك في اختي وعندها بي تشوف رد الفعل....وإذا سألك من وين اتعرفهن قل اختي وبنات عمي..وهذا شي طبيعي وتربينا عليه
المهم الرجال نفذ اللي قالت له المرة ويوم شاف الهامور الرقاصات سأله من وين عرفتهم...قل له اختي وبنات عمي
الهامور انهبل وقال : شكلك مانت شريف وشلون حريمك يرقصن عند الرجاجيل .
فرد عليه وقال : هذولاء أهلي وإلا تبيني أغير سلومهم وإذا مو عاجبك خذ بنتك ومع السلامة .
قال القاضي : إي والله آخذ البنت استر لي .
فطلق الرجال بنت القاضي وفكه الله من هالمصيبة ورجع لدكانه وشال اللوحة وغيرها ( إن كيد النساء أعظم من كيد الرجالوالله العظيم)

ولك كل تقدير .....

http://vb.ma7room.com/uploaded/71109_01247158025.gif

http://vb.ma7room.com/uploaded/71109_01242375174.jpg

& الودعاني عاشق الريان &[/B][/I][/CENTER][/SIZE]