بسم الله
السلام عليكم ورحمة الله
تقبل الله طاعتكم جميعا
حاولت انى اجمع لى شاحن قوى اشحنه بالبيت واخذه معى للطلعات
حيث انى عانيت الصراحه من الشواحن اللى اشتريتها جميعا من ناحية
انه بعد الاستعمال المتكرر والشحن تصير فاعليته ضعيفه حيل من ناحية القوه والاحتفاظ بالكهرباء
مع محاولات اصلاحها وتبديل البطاريه الداخليه ولاكن مافيه فايده ابد حيث مالقيت للحين ماركه معروفه ابد
وعملى والغالب عليها انها صينيه حتى لو مكتوب صناعتها مثلا امريكى ولاكن تطلع بالنهايه صينى بعد تفكيكه
اختصارا حاولت باشياء موجوده عندى بالمخزن يعنى ماشريتها قلت خلنى اشوف هل ممكن انى اسوى شاحن
قوى يعتمد عليه صح حتى لو كلف زياده عن اللى موجود بالسوق بس على الاقل يخدم اطول شوى وتقدر تعتمد عليه جبت بطاريه عندى موجوده وركبت عليها رئوس مع براغى حتى انى اقد اضيف عليها بعدين اى شئ ابى اشبكه وجبت اشتراك عطلان وشبكته على البطاريه وحطيت مشترك فيه ثلاث فتحات للولاعات وضفت قاعدة لمبه طبعا موجود عندى شاحن وشحنت البطاريه
طبعا بعد التجربه انا شفتها ناجحه حيل وقلت خلاص ماعاد اشترى شاحن ابد
اعرض عليكم تجربتى المتواضعه وانشاء الله انها ناجحه طبعا قابله للتطوير ولانستغنى عن توجيهاتكم
اسئل الله العظيم انها تكون مفيده للجميع
الملاحظات اللى وجدتها بس انها ثقيله شوى وانا فى راي اقول انها تقريبا تعادل اللى بالسوق وزن من شواحن
مع انها بطاريه شروكى 55 انبير يعنى اصغر من البطاريات العاديه
http://www.mekshat.com/pix/upload03/.../mk41302_1.jpg
http://www.mekshat.com/pix/upload03/.../mk41302_2.jpg
http://www.mekshat.com/pix/upload03/.../mk41302_3.jpg
http://www.mekshat.com/pix/upload03/.../mk41302_4.jpg
http://www.mekshat.com/pix/upload03/.../mk41302_5.jpg
http://www.mekshat.com/pix/upload03/.../mk41302_5.jpg
http://www.mekshat.com/pix/upload03/.../mk41302_6.jpg