منتدى استراحات زايد - ""قميري ودخل( شمال شرق الرياض) اليوم الأربعاء 26/رمضان/1430ه""ـ

السلام عليكم ورحمة الله وبركاته
حول الرياض نقوله تعزية لأنفسنا وإلا الله يخلف علينا يا أهل الرياض إذا بغى الواحد يتصيد أو حتى يكشت ما هنا شيء دون المية كيلو :( ودعاء السفر حاضر معنا بمشاويرنا الله لا يحرمنا الأجر:)
مالكم بطول الحتسي اليوم عقب صلاة الظهر أخرجني الولع وإلا ماالوقت وقت صيد العالم تقرأ قرآن وتسبح وتهلل وأنا بين حر الشمس وعبير الغبار وشوك الطلح :) لكن يفدن القميري كل ذولي وأزود شوي .
والله يالربع اليوم القميري له عينة والظاهر اللي طالع بدري متدسم.
فهذي وحدة :
.
http://www.mekshat.com/pix/upload03/...34344_22aa.jpg
.
وهذي الثانية:
.
http://www.mekshat.com/pix/upload03/...4_22aa (1).jpg
.
وهذي الثالثة كانت نايمة بالطلحة وخليناه مع توفيق الله ترانزيت :) :
.
http://www.mekshat.com/pix/upload03/...4_22aa (2).jpg
.
وهذي الرابعة:
.
http://www.mekshat.com/pix/upload03/...4_22aa (3).jpg
.
ويطير من عندي فرق هكالغرانيق وأسمي عليهن وأصوت لهن : ارتاحن ارتاحن بمكانكن والله لو ما يبقى من الصيد إلا أنتن ما صدتكن واللي شفق على الزخمة ترى السمك أطيب :) وودي إني مصور فزتهن بس يالله معوضين إن شاء الله
أما الدخل فحدث ولا حرج كثير ولكن ماش العطش يلوح لي كوحش مرعب وأخشى أن يهجم علي وأنا بساقة دخلة ما يجي وزنه 3 جرام فآثرت الراحة وأخذت حق السحور .
وهذي حصيلة اليوم:
.
http://www.mekshat.com/pix/upload03/...4_22aa (4).jpg
..
تبون الصراحة ميزة صيد رمضان الوحيدة إنك لحالك بهالبران لا مسابق ولا حسد لذا أنوااااع الفهاوة :D
ختاما تقبلوا تحيات أخيكم الصغيّر غيث الحيا
وأسأل الله لي ولكم أعضاء مكشات ولوالدينا وذرياتنا وإخواننا أن لا يحرمنا فضله وعفوه وغفرانه وأن يختم لنا جميعا هذا الشهر المبارك بالعتق من النيران.