|
محاولة صيد قرب الرياض والحصيله واحد دخله والسبب قناص على اكسنت منشقه كنداستها السلام عليكم اكيد العنوان مضحك لكن هذا الحاصل والقصه باختصار اتفقت مع احد الاخوان امس 25 رمضان ان نروح نفطر في شعيب جريذي (بيويب ) على طريق رماح ومنها اللي يبي يرمي طيور ,المهم بعد ماصلينا العصر كان فطورنا جاهز في السياره سمينا بالرحمن وتوكلنا على الله والساعه خمس وحنا في الشعيب حطينا اغراضنا وواحد من العيال خذا البندق وراح يرمي تحت الطلح ومامداه يجي تحتها ألا ومنطلق علينا ذاك القناص على هوندا اكسنت منشق كنداستها وصوتها في جيان الشعيب صداه يصم الاذان ذكرني بمناورات الحرس الوطني وتعال اسمع صوتها وهو يحاول ينحاش من التغاريز والله اني اسمع صوت صقع الحصى في بطنها طبعا مع صوت الكنداسه مابقى شي في الشعيب حتى الذيابه والاسود نحاشت :D المهم رجع خوينا ومعه واحد دخله مدري وشلون مانحاشت اتوقع انها صقهه ماتسمع :) وكان زعلان قلته تحمدالله انك انت براسك رجعت مادعسك هالمسعور وللمعلوميه اول مادخلت الشعيب حصلت الاكسنت مغرز وعندهم جيب لاندكروزر من ربعهم يحاول يسحبهم وعرضت علبهم المساعده وعزمتهم على الفطور والماء البارد ولكن كان هذا الجزاء والسبب اعتقداهم اني دخلت مستوطنتهم .... للمعلوميه انا نزلت الموضوع علشان محد يتعب نفسه في الشعبان اللي حول الرياض بيلاقي مثل هالنوعيه اذا عيدوا المسلمين يبعد شوي على الاقل يضمن مافيه اكسنت تجي الشعيب:p |
| الساعة الآن 08:25 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir