منتدى استراحات زايد - منفي من الموضه

منفي من الموضه وادور كل ماشوفه جديـد
عكس الرواه وكل ماقالـوه اشبـاه الـرواه
قصيدتي هذي نتاج الهم واحـزان القصيـد
تبكي من اجرام الادب والشعر طايح مستواه
انا الغريب اللي قعدت هناك في الركن البعيد
مثل العمى اللي علق اماله على مسكة عصاه
اذا الشتا حول حياتـي كلهـا بـرد وجليـد
سيجارة الاحـزان مزتهـا ترجعنـي ميـاه
متثبت مثل الجبـل متقـوي مثـل الحديـد
متوكل بالله علـي درب الكرامـة والغنـاه
متناثرٍ مثل الهوي واخد من انفاسـي واعيـد
اتبع هوي نفسي وكل انسان يمشي في هـواه
اصحابي لا صاروا مع العدوان خلوني وحيد
ماعاد يغريني علي الدنيا مكـان ولا اتجـاه
اصحابي العدوان اشوف الدمع يتناثر شهيـد
ادفن من دموعي امم واطلب من الله النجـاه
اطيب وادور رضاهم مالقيـت الا الجحيـد
احاول ابعد عن مماشيهم وصاروا لي حصاه
اكبر العقل ولقيـت انـي افيـد ولا استفيـد
انسان ينزل للتواضع من سماه الـي سمـاه
مشاعر صارت لهب وتقول ياهل من مزيـد
وانا اضيق ومايوسع خاطـري الا الصـلاه
ياليتني ماني انا وياليـت ماعنـدي رصيـد
دنياي هذي كلهـا دنيـا المظاهـر بالحيـاه
مادامها ياصاحبي تجـار سـادات وعبيـد
اكبر غني بالمجتمع ياطا علي باقي الرعـاه
النقص يمشي بالبن ادم كـل ماشفتـه يزيـد
كم واحد يمشي بهالدنيـا كـدا علـي عمـاه
لا شفتهم صاروا كدا برحل من الحزن الاكيد
اسابق نجوم السمـا اصيـح اناديلـي فتـاه
راحت علي اغلي نساء الارض يالحظ العنيد
مكانها صعب المنال ودايمـا تمشـي معـاه
اطول من اطراف النخيل الشامخات ام الجريد
قلبي لها مثل الوطن كنها اتربى فـي حشـاه
ماتشرب الا الزعفران وتاكل الطلع النضيـد
ماتمشي الا من على السندس ولا تلبس سواه
ماتشبه الا كبرياء الخيل في اليـوم الشديـد
فيها من اطباع الاصايل خجلةٍ مثـل المهـاه
كن الشوارع تستحي من مشيهـا ولا تحيـد
والورد من تحت القدم ولهان يعطيهـا شـذاه
ماكنها وسط الجهل الا كما الـراي السديـد
حبيبتي من كوكب الحلوين ماهي مـن وراه
ابنتظر في كل درب وبنتظر ساعي البريـد
وابترك امالي علي المينـا وبتحـرا عطـاه
وبنتظـر وبنتظـر الفـال والحـظ السعيـد
ياكسر حال اللي يجر الصوت مايسمع صداه
شفني تنرفزت وكتبـت نتاجـك يالقصيـد
قصيدة تسوي جبال طويق وجبـال السـراه