منتدى استراحات زايد

يقولون لا هبّت رياحك تغانمها = و انا اقول ماهبت ولا عندها طاري

تموت الرجال ولا تهاوى عزايمها = تبيع المذله بالخساير على الشاري

على العكس ناسً طيّب الحظ خادمها = مساكين لكن تنفض الريش وتماري

خفايا الليالي كنت مانيب فاهمها = حسبت النوايا البيض يسري بها الساري

نصيت الجبال اللي شهيره معالمها = وصلت المكان وعدت في في نفس مشواري

لقيت الحناشل خيّموا في مناجمها = نطحت العجاج وضاع دربي من الذاري

انا اقول بقعا كيف تغفر جرايمها = يقولون ما به حل واحكامها اجباري

على قرن ثور ولا تعدّد ظلايمها = تهز العصا وابليس في جنبها امباري

تركّز على روس الشواهد طلاسمها = يحير اللبيب ويضحك الماكر الداري

سلامي على اهل الارض لا باعت ذممها = اخالف هواهم والرجا بالله الباري