منتدى استراحات زايد - قصيدة تصلح لعشاق المقناص بالطير او بالسلاح / الله درا عن ذالليالي المقابيل

الله درا عن ذالليالي المقابيل
ارب فيها للونا سة مواري

لامن خذت صدر السما نجمت اسهيل
وهبت من الربع الجنوبي ذواري

يازين شب النار لاهود الليل
في وسط قشع ومقدم الليل ساري

معنا الذبايح بالمواتر محاميل
ويذبح حداها للعشــــا بالشباري

يحط الشوي في النار بين الحلاحيل
ربعن لهم في ساحة المجد طاري

الي يسوق البن وسط الفناجيل
والي يجر النارتحت الغـــواري

والي يسولف بالسوالف بتفصيل
بشين عليه بمقدم الوقت جاري

والي علينا يهل زين التمــــــاثيل
والي على يمناي والي يساري

في الديره الي ماعقب جرت السيل
الاحبـــــــــــاريها توطا السواري

معنا اشقرن مرهي على الصيد ومهيل
يعلن على جول الحباري طواري

من ينقله تتعب يساره من الشيل
اسمه مضوي الصيد وسمه مشاري

الحر لاشقر صارمن مثل ماقيل
طبعة ليا من هد كنه انتحاري

يطلع وطلعه ماتشوفه درابيل
و الهاربه منه تشوف العزاري

تخمر ليا من شافته شافت الويل
والنا نطيرها بصـــــــوت البواري

اشقر حرارن من فصيلة مشاكيل
صيده كراوينن وصيده حبـــــاري

ونلقا لرانب في ثمي المداحيل
وكل منا بكثر صيده يماري

هاذي لاناسه ياقروم الرياجيل
منسج رجله في فجوج الصحاري

ابعيد من ديرت هل القال والقيل
مع كل قرمن بالنواميس ضاري

من قصايد /راشد بن زابن الدوسري