|
احلى رز مشخول + مرق هندي .. للحلوين :) بسم الله الرحمن الرحيم ... اخواني الغالين اعضاء وادارة وزوار هذا المنتدى الراقي اسعد الله مساكم وصباحكم :) هذي طبخه للتغيير مع اني عارف انها خيمة الطبخات البريه ولاكن نبي نغير شوي نبي نكسر روتين المندي والكاتم :D هذي الطبخه مكس بين شغل كويتي وهندي :rolleyes: ونترك القرقه شوي ونشوف شغلنا .... اول شي نبتدي بالمكونات ... الله يعينكم :) دجاجه مقطعه 8 اجزاء + 2 بصل + زنجبيل مدقوق مع 2 ثوم و ماجي + 1 طماطه + 1 زبادي ( روب ) + نص كوب كازو ابيض مو محمص + 2 قشطه + زيت + اصبع زبده + كزبرة + بهارات كاري + كركم + 2 ملعقة معجون طماط ..... واسمحولنا على رداءة الصور لانها من الجوال ... وطبعاً عشان تضبط الطبخة مالنا غنى عن هالحبيب .. نرفع كمومنا ونقول على بركة الله نبداء بالطبخ ... واول شي نذوب الزبده بالجدر .. وهذي الصورة بعد ماضفنا نص فنجان زيت وبصل وبهارات كاري وكركم ثم الطماط والمعجون .. وبعد ماشبعناه حمس نضيف الزبادي ... وبعدها نضيف كوب ماء مغلي ونغطي الجدر ونتركه يطبخ لمدة 10 دقايق ... وبعدها يا الغالين نحط الخليط هذا مع الكازو بالخلاط ونتركه حتى يمتزجون جيدا .... ( حلوه جيدا ) .. :) بعدها نضع الخليط بالجدر ونضيف الدجاج ونضيف عليه ماء حسب الحاجه ونتركه حتى يستوي وبعدها نضيف عليه علبتين القشطه ونخليه على النار لمدة 5 دقايق ونطفيه ... اما طريقة الرز المشخول فهي كالتالي ... يوضع ماء مغلي بالجدر وزيت وملح فقط ثم يضاف الرز ونتركه على النار الى ان يستوي نص استواء ثم يشخل ويحمس بصل بزيت ويضاف اليه الرز المشخول مع نص كاسة ماء مغلي ويغطى حتى يستوى .. وهذي صورة للرز ... وبالنهاية هذي صورة المرق الهندي بعد ما استوى وزيناه بالكزبرة المفرومه .. وهذي الصورة الاخيرة للسفره بعد ما انتهينا من الطبخة ... وفي الختام اتمنى انها تنال حيزا من رضاكم واسمحولي على الاطاله ... دمتم بود . |
| الساعة الآن 12:50 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir