منتدى استراحات زايد - الى متى التدهور تعليم العالي في البحرين

سلام عليكم وصباااح الخير جميعا

شباب عندي اليوم موضوع من زمان ابي اطرحه بس كثرت انشغااالتي تمنعني

يا جماعه يا ناس يا عالم تدرون التعليم العالي وين وصل في البحرين؟؟

ترى الجامعات الخاصه فلووسها نار والطلبة ماخذين قرووض وناس على كبر واعمارهم في 30 ويدرسوون ناهيك عن الالتزامات المالية الى عندهم ,,

الوضع ماساوي ترى الحكومة ما قاعده تدفع ولا نسبة لكل طالب ,, المفروض ومن الواجب الحكومة تدفع ,, ولا اجوف اي حد من نواب البحرين فتح موضوع التعليم وتدهووره

شذنب الفقير يتخرج من الثانوية سواء كان متفوق او لا ,, ويبي يكمل دراسته الجامعية ,,يروح جامعه البحرين وبعديين؟؟!!!!

كلكم تعرفوون سياسة جامعه البحرين مع المستقبل الضائع وسنوات تضيع وفي النهاية الى يقدر يواصل والى ما يقدر ,, وسياستها المتبعه هيا فرض قيود وضغوطات نفسية على الطالب عشان يطلع ويروح الجامعات الخاصه للمتنفذين وتستفيد الجامعات الخاصه

هاي الى حاصل يا جماعه ,, ومسكين الفقير وين يروح المتفوق والى يبي يكمل دراسته ؟؟

وين يروح هالفقير الى ابووه معاشه لا يتجاوز 500 وامه ما تشتغل ؟؟؟

يروح معهد البحرين ؟؟ رخيص وقوي؟؟ ويطلع بشهادة hnd شهادة دبلوم عالي !!! ؟؟

حسووا في الفقراء يا نواب حسووا فيهم ,, هاملينهم من اهم نقطة تحول في حياتهم ,,,
والله لو تزورون هالجامعات الخاصه وتشوفون شكثر ياخذوون فلووس ,, ناس تشتغل وتدرس ,, وناس مزوجة وعندها عيااال وتدرس
وناس ماخذه قرووووض حق الدراسه ,, وين قاعدين احنا قرض دراسي !!!!

المفرووض الحكومة تدفع ومن واجبها تدفع الى كل طالب بحريني من رسومه الدراسية على الاقل 25 %

احنا في دولة نفطية يا ناس يا عالم :: دول الخليج كلها تعطي منحات وبعثاااااات ,, ما نبي بعثات ما نبي ,, نبي منحة في الديرة وبيدرسوونن الفقارة ,, على الاقل منحااات عطووو للجامعات الخاصه حق الطلبة يكملون دراستهم ,, كل دول الخليج تدفع مصروف شهري لكل طالب + تدفع نسبة لتكاليف الدراسه

المطلوب ::

ان يتحركوا النواب في مجلس النواب على ان الحكومة على الاقل تدقع 25 % من تكاليف دراسة كل طالب في البحرين

والله العظيم قلبي انفطر يوم سمعت هالكلام من اعز اصدقائي : يقول عنده صديق يشتغل في اسواق جواد 24 يستلم معاشه 200 دينار يدفعه كله للجامعه ما يخرج منه ولا ربية ,, ولا عنده سياره ويروح ويجي لفت او مع ربعه ,,

شنو هالمسخرة وين قاعدين احنا ,, حسوووووووا في الفقراء يا حكوومة ويا وزارة ويا نووواااب

انا ما قاعد احمل النواب المسؤولية ,, انا احمل الى مسؤوليته هاي الشى وهيا الحكووومة ,, ويا معارضة سووا خبر خلووها تدفع 25 % من رسوم لكل طالب ,, على الاقل تخف المصارريف

ما ابي اطول اكثر والسلام ,,