|
حين ضربتنا العجوز السلام عليكم ورحمة الله وبركاته مسيكم بالخير الجميع بعد حصولي على التقاعد من الشرطه باسبوع اجتمعت مع ربعي اللي كانو معي في مرحلة الدراسه صباح يوم ربيعي اخذت معي دلة قهوه وترموس شاي تمشينا في الديره وجلسنا تحت ظلال اشجار الزيتون في طرف الديره جنب بيوت قديمه في حوطه كلها ربيع ما شاء الله وصرنا نسولف عن ايام وذكريات الدراسه قام صديقي عامر صار يغني اندمجنا معاه بالاغاني تفاجأنا بضرب قوي على ظهورنا باغصان الزيتون انحشنا من هول المفاجأه محدثكم العبد الفقيرلله ابو ظاري قفز عدة خطوات وتخبى خلف شجرة زيتون وناظرت خلفي اذا حرمه عجوز تحصر صديقي عامر في زاويه وتضربه تسللت اخذت دلة القهوه وترموس الشاي وانحشت سمعت العجوز تقول لصديقي عامر : وين راح البهيم والعنزه وصخولها سرقتوها ؟ كان يدافع عن نفسه ويقول : ما نعرف عنهم شيء وانحاش من وجه هالعجوز الشرسه رحت للبيت عطيت الدله والترموس لام العيال وما جبت سيره عن هالموضوع بعد فتره حوالي نص ساعه صار تلفون البيت يرن رديت كان خالي ابو حاتم قلي : يبه الله يرضى عليك تعال ودي اتكلم معاك بموضوع قلت : زين يبه مسافة الطريق اكون عندك غلقت الخط ورحت على بيت خالي لقيت صديق طفولتي ( زوج اختي بالرضاعه ) كان هناك وربعي معاه استغربت الامر حين شفت العجوز الشرسه عرفت السالفه قالت العجوز : اسمع يا ابو حاتم هاذ ابن اختك ومعاه 4 من الديره مدري وين راحو بالبهيم والشاه وصخولها خلهم يجيبوهم والا ترى اروح للشرطه معاك ساعتين وما اتزحزح من هنا الا حين اشوف البهيم والشاه وصخولها وناظرت زوج اختي وقالت له : انت امك ترفه صح ؟ رد عليها زوج اختي : لا ترفه خالتي امي فلانه . قالت له بعصبيه : ايه ايه تذكرت ابوك لحام انت كنت معاهم صديقي تعصب وقال : اسم شايبي دحام مو لحام لا تغلطي قالت العجوز : دحام والا لحام كله مثل بعض وجلست على الفراش بحوش البيت غمزنا خالي وقال : يبه الله يرضى عليكم دورو البهيم والشاه ورجوعهم لها ودنا نخلص من هالموال رحنا ندور البهيم وانتم بكرامه كل واحد منا راح يدور في منطقه صدفني صديقي خالد زوج بنت خالي سولفت له السالفه قلي : لا تتعب نفسك تلاقي حفيد العجوز جالس بالحوطه اللي جنب بيتنا ومعاه البهيم والشاه وصخولها رحت له ورافقني زوج بنت خالي لقيناه الولد جالس تحت شجرة زيتون وقدامه دلة الشاي ويغني عتابا وميجانا طرحنا عليه السلام رد علينا السلام قلت له : جدتك في بيت خالي ابو حاتم تنتظرنا نجيب البهيم والشاه والصخول يلا تعال معي الله يرضى عليك قام الولد سحب البهيم بالحبل ولحقته الشاه وصخولها وحنا في الطريق كنت اتذكر كيف انتقضت علينا هالعجوز وبدت تضربنا على ظهورنا وكتوفنا باغصان الزيتون وتركت اثارها علينا دقيت على الربع وقلت لهم يرجعو لبيت خالي ابو حاتم لقينا الشاه وصخولها والبهيم حين وصلنا بيت خالي دخلنا قلت لها : هاذ بهيمك والشاه وصخولها خذيهم قالت : الله الله على الخوف جاب نتيجه اذا حفيد العجوز يقولها : انتي قلتي لي اخذ البهيم والشاه وصخولها على حوطة ابو سعيد لوقت الظهر وارجع فيهم للبيت لاجل تسقيهم مويه وانكرت هالعجوز كل اللي قاله حفيدها المهم انا افتكينا من شرها عصر ذاك اليوم جمعت العائله عندي في البيت واصدقائي ايام المدرسه وتعشينا خروف مشوي والحمدلله في اليوم الثاني قلت للربع ودنا نروح مكان امس نشرب الشاي والقهوه واذا تجينا هالعجوز الشرسه تسوي اللي ودها اياه الحوطه ماهي لها تشرب البحر الميت ربعي جهزو دلال القهوه والشاي تجمعنا هناك وجلسنا وبدينا السواليف والذكريات وحين بدينا نغني جتنا العجوز ناظرتنا وقالت : طبعا شباب هاملين ظلينا فتره وحنا نغني انتبهت انه في هدوء غريب كنا في نهاية اغنيه شعبيه (حسنك يا زين ) في نهاية الاغنيه دقيت صديقي عامر بمرفقي صار يناظر حوله وسكتنا اذا صوت يقول هييييييييييييييييي اذا بنات فصل بنتي في حصه دراسيه عن الطبيعه على ارض الواقع قمنا من المكان جتني بنتي وقالت لي تراني ميزت صوتك وانت تغني جمعنا اغراضنا وتوجه كل منا على بيته بنتي قالت لامها اللي صار حين ضبتونا البنات وحنا نغني اليوم بنتي ما شاء الله بداية دراستها الجامعيه بالامس كنت اتمشى مع زوج اختي بالرضاعه صدفنا العجوز الشرسه كانت متعثره وطايحه على الارض رحت للبيت جبت سيارتي واوصلناها لبيتها صدفنا حفيدها على باب البيت انزلنا العجوز من السياره الولد نادى على والده طلع يشوف ويش فيه قال : بيض الله وجهيكم كنت ودي اطلع ادور شايبتي . قالت العجوزلابنها : اسمع خذ ذول الاثنين لبيت ( شاويش الفرسان ) خله يطقهم فلقه ويحطهم في الحبس تراهم سرقو البهيم والشاه وصخولها تفهم ؟ الابن غمزنا بعينه ادخل شايبته على البيت وطلع قال : تفضلو لا تواخذونا شايبتي عندها زهايمر قلت له : توكل على الله يا ابن الناس تحرص على شابيتك لا تخليها تطلع اخذنا جوله بالديره وحنا بالسياره قلي زوج اختي : تغيرت ملامح الديره الجميله اغلب المناطق اللي كانت تنزرع حنطه وشعير وبرسيم صار مكانها بيوت من الاسمنت ( شاويش الفرسان ) ضابط قوات الشرطه ابان الانتداب البريطاني على بلادنا ويكون برتبة رقيب 3 شرائط على العضد قديما كانت رتبة رقيب باللغه العاميه شاويش وسلامتكم يالربع صورة رتبة رقيب في الشرطه http://www.mekshat.com/pix/upload06/...597_123456.jpg |
| الساعة الآن 09:14 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir