عطل بقير فتك تماتيك قالو توضيب وبالنهاية
 

معلومة للفائدة ( حب لأخيك كما تحب لنفسك)




حصلت معي مشكلة بالقير حق فتك تماتيك 2008 تأخير و وتعليق بالغيار مايريح ونتع عنيف بين الغيارات والموتر مايقوم بالغيار الاول والعزم ضعيف تم تغيير الكتاوتات الزرق وتم تنظيف الفلتر وتغيير الزيت مع البرمجه ولازالت المشكله موجوده طبعا الحاله تظهر معي اذا ضغطت على الموتر بسرعات عالية او اذا دخلت مطناج بالبر يبدأ يعلق القير وينحاس فامجبور اني اطفي واشغل علشان يرجع لوضعه الطبيعي
الشاهد بالموضوع اتفقوا جميع الميكانيكه والكهربائية ان المخ او الخارطة يحتاج تغيير والاغلب قال على وشك تخبيط يعني اما توظب او تبدل القير وانا نفسيا حسب نظرتي بالموتر ان القير مابه شي لأن اطفيه واشغله يرجع طبيعي فالمسألة كهربائية بحته يعني ميكانيكيا سليم القير توجهت للقصيم عند ورشة يوسف الشيبان بتشليح ببريدة علشان يركب لي قير والرجال صاحب المحل ابو سليمان راعي ذمه للامانه قال ابي افحص موترك قبل ابدل القير راح عليه ومعه جهاز الفحص رجع قال قيرك عسل مافيه شي واللي قالك مخبط او يحتاج تبديل ماعنده سالفه قال هذا حساس داخلي يجي بين الدبل والقير قيمتة 200 مع التركيب كلف 600 ريال اذا نزلت الدبل يكون واضح بجانب ترس مسنن حجم الحساس صغير هذا الحساس مايعطي قراءة صحيحه لكمبيوتر القير وهو مسبب المشاكل هذي غيرت الحساس وبرمجت القير ومن احسن مايكون الحين ولله الحمد
الاخطاء اللي طلعت بالفحص p0720 / p1705
المسألة معقده لان ولعت معي لمبة الماكينة وعند الفحص ايضا يطلع خطأ بالدعسه او الثروتل رقم الخطأ p0121 ومايمشي عزم ضعيف وسبب ظهور هذا الخطأ هو ان القير مايريح عليه ضغط عالي ومحتر بسبب عطل الحساس فا الكمبيوتر يعطي امر للدعسه بخفض طاقة المحرك لوجود عله بالقير يعني نظام امان للقير بعد تبديل حساس الداخلي بالقير وضبط القير اختفت مشكلة لمبة الماكينة التشييك ولا رجع الخطأ حق الدعسه
فااا النصيحه اللي اقولها لاتصدق اي ورشة حتى لو اتفقوا اكثر من ورشه عليه انه مخبط ممكن يكون الموضوع بسيط وتافه هو سبب المشاكل هذي