منتدى استراحات زايد - الويبلي باتريوت الانجليزيية !

السلام عليكم ورحمة الله وبركاته
بعد البحث على الانترنت وتصفح المواقع العربية والاجنبية توصلت الى ان الباتريوت واحدة من اقوى البنادق الهوائية المتوفرة عندنا في المملكة
انا ادري ان الديانا 350 والجامو 1250 ممكن يتفوقوا عليها في التحمل والوزن
لكن هالموديلين اثنينهم مو متوفرين عندنا بالشرقية :(
وانا ماقدر اروح الرياض عشان ساكتون
المهم انا كلمت محل الرماية اللي بالدمام وقالي موجودة عندهم بفرع الخبر وراح تجي طلبية من هناك
فاللي ابغاه منكم ياشباب انكم تعطوني رايكم في هالبندقية وفي قوتها ودقتها مع العلم اني راح اشتري عيار 5.5 بـ1950 ريال
واللي يقدر يحط لنا صور لها بعد جزاه الله خير
ارجو افادتي باسرع وقت ممكن
لاني ناوي الليلة اتوكل على الله واشتريها
آسف على الاطالة
وسلامتكم