ياناشدن عني تراني شمالي = بالقاره اللي بين جدلا ومسعود

البال رايق والسحاب امتتالي = والطير انا وياه طارد ومطرود

اشري وناسة خاطري في حلالي = ولاحدن حسيبلي على النقص والزود

خسرت والا جيت في راس مالي = مال العرب عندي مواثيق وعهود

كود أنت ياللي ماتفارق خيالي = مثل النفس يفضابك الصدر وتعود

ودعتك الله ياحسين الدلالي = ماينقد عبدن تولاه معبود

كانه هبال ابا عترف في هبالي = وقول أنا كلي سلاطين وجنود

تسجعبك القمرا على عز والي = وتوقف الاشجار وتغني النود

كنك تعزع بالجدايل اقبالي = وتعج بالريحان والمسك والعود

هذي طراة الروح ياهملالي = ياللي عسا مالك يحدك على الكود

وتغيب شمسك ماصرفت الريالي = لافارج ٍ كربه ولا انته بمفقود