عليك احوال
 

لاكل فارس يخلفوه اعياله
ولا كل راجل خلفته رجاله
كمين واحد خيره
مشهور النبا حافظ احقوق الجيره
جود وحيا فالناس نال شكيره
لكن الدنيا ما تدوم ابحاله
مرات تنعدل مره الها تديره
وتمت الخلفه غطرسه وجهاله
طار الحيا ما هناك بنه غيره
وتمو اعويله بلطجه وسفاله
نحننا لبعضنا نجبدو فالسيره
انقولو افلان واجدات امواله
والفارس اللي من قبل له تإثيره
حايس امع لخرين ضاق مجاله
عليك احوال
فيهن شقا واجد وراحة بال
ولا كل راجل يخلفوه رجال
واللي ينكسر مايرد في معداله
ولا كل فارس هو اللي خيال
وراه الولد ديما ايجي لخواله
ولا كل منسب من نسب لهلال
وشين البنادم كي اتشين افعاله
واجد اللي سالك ادروب ضلال
وايقول رزقي من حلال حلاله
تسمع خبر منه يضيق البال
تلقي الهبل سايق اليوم دلاله
وهاذي حقيقه موش قولة قال
وان كان عالمواجع كلها منطاله