قصيدة الناقه
 

انتي خايله في البر والرقراقه **
ومانك سفينة للبحر ياناقة **
انتي خايلة في وادي **
مع رق متخابل اتقول مسادي **
قورة عوالي من بعيد اتنادي **
مع وين مايرتع ارقيق ساقة **
انتي مرتعك في دور منك غادي **
افجوجة خوالي والنجوم غراقة **
ماك للبحر مركب كسوب اجوادي **
انتي في السرير اتقطعي بحداقة **
انجاك العدوا غازي ايجوا جرادي **
علي خيل سبق للفخر سباقة **
شن جيبك للبحر يام فنادي **
انتي في الصحاري تقطعي ابلباقة **
الله الله شن جيبك من غادي **
انتوا بينكم مافيه يوم علاقة **
والا عزمتي الامر عالمسقادي **
تبي تهاجري والوطن طاح ارواقه **