انتبهو من جني العش والتفريخ ,,, السنه سنتها ,,,
 

السلام عليكم ورحمة الله وبركاته

اللهم صلي على سيدنا محمد عليه الصلاة والسلام ,,, كيف الحال ياصقاقير ,,, الله يطول في عماركم ,,, موضوعي اليوم مهم لكل صقار ومحب للطير الوحش خاصه ,,, تعرفون ذ اليومين بدت تجي الطيور لوحوش في السعوديه و قطر والكويت والبحرين ,,, ولاحظت شي غريب ان اكثر الطيور اللي جات يقولون جايه من طاجكستان والصراحه اول مره اسمع بذ الديره ان فيها طيور والى اتجيب طيور لدول الخليج ,,, والمهم اني رحت انا وربع معي انتفرج على الطيور في سوق واقف في الدوحه ويمكن شي يصلح ,,, ومرينا على كم مكتب ومن ملاحظتي البسيطه واللي على قدي ان 90% او 95% من الطيور عليها ريشه غير شكل خص المغاتير منها عليها لمعه تقول مذهبه و الطيور شكلها ما بعد طارت ,,, وريشها مابعد جاه شمس فيه لمعه مهي بطبيعيه والكفوف يسلام سلم فيها ملوسيه وشكلها في ديرتها ماعندها لا جبال ولا شجر يحرش بكفوفها تقولون ما توكر الا على اسفنج ,,, الا ماقل شفت فيه الوحوشيه وسنع الوحش لمعروف لكل راعي طير ,,,

وعشان كذا ودي احذركم من لستعجال في شراء طيور السنه شكلها كلها تفاريخ وجني عش ,,,

والله يكتب اللي فيه اللخير ,,,

اخوكم مغـــادر ,,,