|
,,,كل من حولي يذكرني بك,,, كل من حولي يذكرني بك يابعد كل غالي تراك غالي,,, لك محبه في قلب مغليك هالمحبه بلاقياس ولاحدودي,,, ثم والله ليت داعي الشوق جنبك وليت اقضي معك ايام عمري,,, من لي غيرك ياملااااااااااك هالدنيا ماتسوى تتركوني,,, // // // من كتاباتي,,, شو رايكم؟؟ انتظركم,,, |
كلمات جميله ورائعه فقط كنت أتمنّى أن تكون أكثر جمالاً وأكثر ترتيباً من ناحية الوزن والقافيه هذا إن سمّيناها " قصيده " أتمنّى المزيد من المحاوله .. وأنا على ثقه بأنكِ ستصلين لما تأملين به .. فقط واصلي ... وستجدين التوجيه .. أمنياتي لكِ بالتوفيق |
السلام عليكم صح لسانج .. بالنسبه للناس الي في بدايتهم تكون قصايد الحب والرومنسيه بالنسبه لهم اصعب من قصايد الخيانه والغدر لان قصايد الخيانه في اكثر حالتها تنكتب بكلمات قويه وخلاص ومحاولتج انتي في الشعر الرومنسي حلوه بس يبالج تركيز اكثر يوم تكتبين على الكلمات الي تختارينها والطريقه الي تحطينها يعني انتي بالصدر دايماً كانت القافيه تنتهي عندج بحرف الكاف وبالعجز دايماً تنتهي عندج القافيه بحرف الياء .. محاوله جيده لكن ماتكفي القافيه في الشعر وباالذات الشعر الشعبي والنبطي مش اخر حرف وخلاص .. احياناً حرفين واحياناً ثلاثه واربعه يعني اول بيت انتي كتبتي كلمة يذكرني بك وثاني مقطع مغليك انتي تشوفين الكلمات متناسقتين مع بعض؟؟ دامج كتبتي باول بيت يذكرني بك اكتبي مثلاً بثاني بيك معجب بك ولا احبك ولا مغرم بك .. يعني كلمه تشابها حتى بالحرف قبل الاخير مش بس الاخير .. او بالبيت الثاني دامج كتبتي مغليك خلاص اكتبي كلمات مثل فيك وابيك وعليك وافديك .. اخر حرفين يعني .. ولو سويتي الي قتلج عليه بتكون مثلاً جذي كل شي حولي يذكرني بك يابعد كل غالي تراك غالي,,, لك محبه بقلب من أنغرم بك هالمحبه بلاقياس ولا عالبالي اتمنى الفكره تكون وصلت لج وانتي مبدعه وكلامج غاوي بس سوي الي قتلج عليه وشدي حيلج شوي وايد راح تكتبين ابداعات تحياتي لج والسموحه اذا طولت الشاعر |
السلام عليكم ورحمة الله وبركآته حي الله الغلا اول شي ربي يعطييج الف الف عافيه ع الطرح وكتاباتج كبدايه طيبه منج توجيهات اخوانيه امين وافضل شاعر ركزي عليها وربي يوفقج ان شاء الله ونحن بنتظار اليديد من جداج السموحه آختج الميث :) |
اشكر كل من وضع بصمته لصفحتي,,, وحضوركم يزيدني تفاؤل لكي اطرح كل ماهو جديد من خواطري,,, ماقول غير منورين الصفحه,,, ومشكورين ع هالتوجيهات وماقصرتم,,, مع كل احترامي,,, q_lg |
| الساعة الآن 09:05 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir