منتدى استراحات زايد - ذيب الليل الاسود الكبير

السلام عليكم ورحمة الله وبركاته .
مسيكم بالخير الجميع .
سولف لي جدي والد امي رحمه الله واموات المسلمين حين كنت بسن الطفوله حوالي 8 سنوات
انه في عام 1965 ميلادي قالي :
في سنة 1965 طلع والدك رحمه الله ووالد الشايب ابو مرزوق يعزبون بالشياه بعيد
عن الديره حوالي 10 كلم كان عدد الشياه والنعاج تقريبا 300 راس بعد مضي حوالي 10 اياااام سمعوا في الليل عوا ذيب وصارت الكلاب تنبح حملوا السلاح وشبو النار .
ناظره والدك كان الذيب على بعد حوالي 1000 متر على ضو القمر شافه واقف على حجر فضرب رصاصه
في الهوا انحاش الذيب في الصباح التقو مع راعي فقال لهم انه ذيب هاجم حلاله بعد نص الليل
خطف جدي وانحاش فيه ما لحق يحمل سلاحه اختفى الذيب في الصباح لقى الجديبحاله شنيعه بطنه مبقور وبدون كبد وبدون طحال واحشاؤه على الارض وما ظل منه إلا العظم وبقايا اللحم والجلد
طلب والد ابو مرزوق من الراعي يدله على المكان فراح وناظرالمكان
فقال والد ابو مرزوق هاذ ما هو لحاله معه 3 من الذيابه اثر 4 ذياب ذكور واثر لذيبه

وتابع كلامه لراعي الحلال : يا ولدي تحرص من الذيابه خلي معك رفيق وسلاحك جاهز
بعد ليلتين سمعو عوااا الذيب والكلاب تنبح شبو النار وحملوا السلاح الا انه الذيب
قفز من فوق الحوطه وخطف جدي سمين وانحاش فيه كان ذيب لونه اسود وكبير الحجم ضربو عليه الرصاص .
لكن ما صابوه والكلاب عجزت انها تصده حيث انها الذيابه صارت تشاغل الكلاب اضطرو انهم يرفعون جدار الحوطه جابو افرع شجر واغصان كبيره وحطوها فوق جدار الحوطه الحجري

في كل ليله الذيابه تغير على راعي وصار الامر لا يطاق ما في امان في الليل على الحلال
واضطر والدي ووالد ابو مرزوق رحمهم الله يزيدو عدد الكلاب اللي تحرس الشياه .
مضى حوالي 7 ايام ما تهاجم حلال والدي وخويه والد ابو مرزوق .
جدي كل يوم ياخذ والدتي وجدتي وخالاتي يحلبون الشياه والنعاج ويسوقون بهيم قدامهم
يحطون عليه المواعين اللي فيها الحليب .
مسا يوم قبل الغروب بفتره بسيطه فزعت الشياه صارت الكلاب تنبح ناظر والدي قدامه
شاف ذيب بعيد عنه حوالي 500 متر صوب عليه سلاحه قام الذيب قفز من فوق
الحجر ضرب عليه رصاصه جت في صخره بعيده عن الذيب حوالي متر واحد
راح والد ابو مرزوق وشاف اثر الذيب على التراب ورجع لوالدي
وقله : هاذ ما الذيب الاسود الكبيرهاذ خويه الله يستر من تاليها .

في ذيك الليله الذيابه هاجمت الحلال تصدت لها الكلاب ودارت معركه بين الكلاب
والذيابه وتسمع صوت صراخ الكلاب والذيابه والدي وخويه صارو يضربون الرصاص
وانحاشت الذيابه بعد ما الذيب الاسود تنقى افضل شاه وقتلها وحملها مع خويه وانحاشوا فيها
في ذيك المعركه قتل كلب عضه الذيب من رقبته
في الصباح والد ابو مرزوق شاف الدم وقص اثر الذيابه .
فقال لوالدي : الذيبه انصابت برصاصه والذيب يعرج من رجله اثره واضح من المشي
اغلب الظن الذيبه تموت اليوم او باكر من اثر الجرح .
وفعلا ثاني يوم لقو الذيبه ميته والجرح كان في رقبتها وكان جرح قوي ظلت تنزف لين ماتت
اما الذيب الاسود حين فقد رفيقته صار وحيد د فصار كل ليله على مدى حوالي 7 ايااام يعوي تسمع
عواااااااااه الحزين على فقده لحرمته في آخر مره كان يعوي فيها تسلل والدي صوبه
لين صار قريب منه حوالي 300 متر صوب عليه وضرب رصاصه عليه صابته في راسه
فظل مكانه في الصباح شافه والد ابو مرزوق .
فقال : هاذ الذيب الاسود اللي اقلقنا على مدى حوالي 25 ليله قتلته يا ابو حمود اشهد انك بواردي
ان شاء الله اولادك يكونو مثلك ويكونو بارين بوالديهم .
رد عليه والدي رحمه الله واموات المسلمين : لو انه ما تعدى على الحلال ما قتلته
بعد ذيك الليله ما شافو الذيابه او سمعو عواها الرهيب بلغ عدد الشياه والنعاج والجديان
اللي قتلتها الذيابه 17 راس .
للحين بندقية والدي اللي قتل فيها الذيب الاسود الكبير موجوده في بيت خالي

الصوره تعبيريه

http://www.mekshat.com/pix/upload06/...1-gctphu0l.jpg

وسلامتكم يالربع .