اتمنى مساعدتي ياخواني في الله
 

السلام عليكم ورحمه الله وبركاته ...




كيف الحال جميعا ً من دون اي تخصيص ان شاء الله مرتاحين ..


ياخواني والله انا مالي والله في المنتديات ويعلم الله اني مادخلت في هالمنتدى الا اني بـ إمس الحاجه لكم ...

فـ اتمنى انكم تساعدوني بالي تقدرون عليه وماتقصرون معي ..


انا ودي اطلع طلعة بريه مقناص طيور ولا ارانب . بـ العيد ولا ادري وين راح يتكاثر النزل القماري والدخل والصفارى ماعندي الخبره الكافيه سمعت بالساحل الغربي بس ماعرف اي شي فيها ولا ادري كم تبعد من الرياض .. وفيه ناس قالو لي رح الحره يبي لها جيب وانا الموتر الي معي ددسن 2003 وفيه ناس قالو لي رح الجنوب وانا سمعت الجنوب فيها ارانب وبران وشي طيب بس للاسف اني ماعرف مناطق هناك ولا اعرف اي احد يساعدني وسمعت ان ممنوع الاسلحه . ودي اطلع بـ سلق ولاكن على ماقالو الناس " العين بصيره واليد قصيره " انا جاهز مجهز من الالف الين الياء بس مشكلتي وين تكون وجهتي مادري جالسين انا وربعي نشوف وش ناقص عندنا ماطلع ناقص غير المحل .. فـ اتمنى ياخوان المساعده وجزاكم الله الف خير وعذروني على الايطاله ..



اخوكم .محتاج فزعتكم