|
الترتيبات المناسبه للذهاب للعمرة لأهل الرياض .... اليوم راجع من العمره السلام عليكم ورحمة الله وبركاته لاشك ان الأعمال المباركة التي يُجمع فيها بين شرف الزمان وشرف المكان العمرة في رمضان قال رسول الله صلى الله عليه وسلم : [ عمرة في رمضان تعدل حجة - أو قال : حجة معي ] رواه البخاري . فقد بين هذا الحديث المبارك أن العمرة في رمضان أدركت منزلة الحج في الأجر والثواب لكنها لا تقوم مقامها في إسقاط الفرض للإجماع على أن الاعتمار لا يجزئ عن حج الفرض. والكثير منا يتمنا العمره لكنه يشيل هم العمل والأشغال التي يترتب عليها سفره ولذلك سأعرض لكم تجربتي في تنسيق العمره ولله الحمد يوم أمس والتي كانت أسهل عمره إعتمرتها في حياتي وموضوعي هذا لأهل الدوام والإرتباطات من أهل الرياض فقط اتصل طال عمرك على الخطوط السعودية http://www.lojainiat.com/mimages/1248320886882.jpg على هالرقم ٩٢٠٠٢٢٢٢٢٢ وكلم موضف الخطوط ولا تنسى تسلم . وإحجز على رحلة الرياض جدة يوم الخميس الساعة ثمان إلا ربع المساء رقم ١٠٦٣ واحجز العودة صباح الجمعة الساعة ٧:٣٠ على الرحلة رقم ١٠٢٠ وإذا الله سهل عليك وتم الحجز فإتبع ما قمت به في سفرتي يوم أمس أولا قص البودنق بدررري ثم أفطر في بيتك وتقهوى لين تعين من الله خير ثم صل المغرب وإرجع للبيت وكمل فطورك ومعك تقريبا نص ساعة لا تستعجل بعد نص ساعة اطلع للمطار بثوبك فقط + كيس متوسط فيه احرامك إذا وصلت المطار خلال دقايق سيعلن صعود الطيارة إذا سمعت إنهم أعلنوا صعود الطيارة توجه لدورة المياره وإلبس إحرامك وتوضأ ولا تستعجل فرحلات الرياض جدة يأخذ وقت البوردنق في فيها ساعة كاملة لأنها طائرات حجم كبير إذا انتهيت من لبس الإحرام ضع ملابسك في الكيس اللي كان فيه الإحرام وإتجه للبوابة الطائره ستقلع الطائره على خير الساعة ٨:٤٠ وتصل إلى جدة الساعة ١٠:٣٠ مباشرة إنزل من الطيارة وخذ لك تكسي كداد للحرم أنا أخذته بي ١٥٠ ريال \\\ موسم وانتبه للمسألة وهي إنك تقول للكداد لاتنزلني عند الحرم ما أبغى أنزل هناك لأن الطرق المؤدية للحرم راح تضيع فيها اقل شيء ساعتين ماتحركت من الزحمه لكن قبل الحرم فيه مواقف للباصات النقل الجماعي بي ريالين تركب الاص يأخذك مع طريق نفق تحت الحرم مخصص للباصات النقل الجماعي فقط يعني لا زحمة ولا يحزنون خلال ٥ دقايق تكون تحت الحرم وتطلع للساحة من جهة فندق دار التوحيد اذا مش امورك تمام راح تدخل الحرم الساعة ١٢:٣٠ أو الساعة وحدة بالكثير إتكل على الله وإبدى عمرتك لا تستعجل في عمرتك ولا تخاف معاك وقت كافي جدا إذا كنت مثل حضي البارح بتكون الساعة وحدة وربع مخلص الطواف صل لك ركعتي الطواف ولا تستعجل خذ وقتك فيها ترا معك وقت واتجه للمسعى بالنسبة للمسعى الدور الأرضي يوم آمس كان زحام شديد مرررره فسعيت من الدور الثاني ولله الحمد فاااااضي وإذا كان حظك مثلي البارح بتخلص السعي الساعة ٢ أو ثنتين ونص بالكثير إطلع من المروه على الحلاقين وحلق شعرك ولا تنسى تدعي لي ثم من باب الحلاق وقف لك كداد للمطار جدة وإذا ركبت معاه ومشيتم للجدة سوي مثلي تماما إلتفت للسواق وقله يالطيب الله لايهينك إذا وصلنا جدة وأخذنا يمين مع طريق المدينه عشان نروح المطار فيه مجمع مطاعم يجي على يمينا هناك اللي فيه البيك فيه مطعم اسمه المائدة بخاري أنا عازمك على السحور فيه راح توصلون المائدة على الساعة ٣ الفجر إطلب كبسة بخاري لك وللسواق وإضرب بالخمس ولا تستعجل باقي معاك وقت بعد كذا اطلع للمطار شغله ٣ ساعات انتظار ثم يعلن صعود الطياره والساعة ٩ الصبح وانت في الرياض وصلى الله وبارك |
| الساعة الآن 03:46 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir