حل مشكلة الحرارة النافارا
 

السلام عليكم ورحمة الله وبركاتة
بعض اصحاب النافارا بشكل خاص موديلات 15 وتحت يشتكون من الحرارة وبعضهم يقول الموتر جديد واذا وقفت بالظهر مع المكيف حرارته ترتفع فوق الخط الاول بشي يسير اقوله هذا امر طبيعي واذا كنت مهتم من ذا الامر ركب بلف يفتح ع درجة اقل وبعلمكم الطريقة.. اما اذا كانت فوق النص هنا ان شاء الله يجد حله باقل خسائر ممكنة اذا ارتفعت الحرارة
وقبل لاتروح للورش لازم تاكد من الليات ومن الرديتر هل بهن تهريب وتاكد من الغطيان للرديتر والقربة والموية اذا كانت ناقصة يزود ... والبعض يروح لم الورش يايتعلم ع موتره اللي يقول كلتش مروحة واللي يقول راس واللي يقول تسييخ رديتر ويتفلسف عليه ويقول ركب مراوح كهربائية وتكلفتها غالية نوعا ما ولايحتاجها ايضا و فيه امر اسهل وارخص من تركيب تلك المراوح الكهرب اولا مشكلة تماتيك المروحة اذا تعطلت وقل مجهودها تسبب الحرارة وحقت الوكالة غالية فوق 300ريال تقريبا ولازم تغير كل سنة اذا كان الاستخدام يومي وممشى كثير ع حسب وبعد التاكد ان الخلل فيها .... والحل لتماتيك يانك تسوي له صيانة حتى توفر مبلغ الشراء .هذا موضوع احد الاخوان هنا طرحه جزاه الله خير ومن يقراء http://www.mekshat.com/vb/showthread...روحة-بالصوووور

او انك تركب تماتيك مروحة نوع اخر يركب ارخص منه وبفرق نصف سعر الاخر ب160 تقريبا ....


البعض يقول شلت بلف الحرارة وغيرت التماتيك وسيخت ومافاد الحرارة تصل فوق النص !


بلف الحرارة مانصح احد يشيلة ابدا ابدا ابدا ابدا حتى لايخلط الماء لاسمح الله بل تغيرة ببلف يفتح ع درجة حرارة اقل وهو للدسن وهذا ايضا موضوع بالمنتدى جزاء الله خير من افاد به http://www.mekshat.com/vb/showthread...C7%DD%C7%D1%C7

والرديتر للي سيخ وماتغير معه شي انصحه يغيرة اذا كانت السيارة ماشية كثير لانه في بديل له افضل منه وهو رديتر اردني اكثر رصات وممتاز وسعره اقل من الوكالة بفرق شاسع ! حدود 200تقريبا الوكالة 1000تقريبا ونصيحه للكل لاحد يغير شي الا بعد ان يسال اكثر من الاسعار واقلها

هذي افادة للي يشتكون من الحرارة. ان شاء الله وضحت الامر .


هذا والله اعلم وصلى الله وسلم على نبينا محمد