|
يامضيع الشاهين البحري الوافي - حياك - عساها طيرتك -بالصور السلام عليكم اخواني الاعزاء -- مبروك عليكم الشهر قرناس شاهين العام مقبوض شهر 11 - 2008 جنوب الاحساء مسكة ضعيف نفس الله يهديه ولاهوب صقار وضياع الطير مايعرفه الا الصقار , المهم باعه على واحد من كبار الشخصيات وجلس الطير عندهم الى البارح وعقبه جاني مرسول منهم وقال الطير من صوبك يابومعيض وانا والله من يوم شفته وانا اقول عزتي لراعيه عزالله انه ضيع شاهين!!! كأني بحاله يردد هالبيتين: عساه يسلم من يدين الطموعي *** اللي على النشاد يخفي البراهين ولا الرجال اللي تعرف السنوعي *** تلقى على حجلة مع السبق رقمين وافية بالحيل مقاسها 16 وزنها 1100 وزياده ابرك الطيور ماتعرف الكفخ ولا العلوم المحقا المهم مالكم في الطويل حاجة ** الطيرة شيكت عليها وحصلت فيها رقم شريحة وحبيت اضع رقم الشريحة امامكم عل وعسى انكم تبحثون عن راعيه ونحصل الاجر في الشهر الفضيل رقم الشريحة 081774003 صور الطيرة ملاحظة: للمساهمة في عقلان الطيرة على راعيها الرجاء من الاخوان يبحثون عن رقم الشريحة اعلاه بأسم من ؟ في السعودية او قطر او الامارات او الكويت او البحرين شاكرين ومقدرين اخوكم - بومعيض |
| الساعة الآن 05:26 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir