|
شوروا علي يالنشامى في سوبر سفاري 97 يبيله ترتيب يا جماعة الخير ونا أدوج بمعارض الشرقية أدور على سوبر سفاري لقيت سيارة لونها ذهبي وارد الامارات موديل 97 سوبر سفاري sgl 4 أبواب ويبغالها شغل : قالوا القير فيه الرمانه يبغالها تغيير ( مدري وشي الرمانه ياليت تفيدوني ) المكيف الخلفي ما يشتغل مدري وش العلة الدبل شغال بخاخ القير عادي الداخلية يبغالها تنظيف ديكوراته الداخلية يبيلها ضبط وربط على خفيف الغريبة أنه ما فيه دفلك ودبة الشكمان الخلفية الصغيره غير موجودة مدري هي كذا ولا فيها عبث كفر الاستبنه مع الحامل له غير موجود وكذلك الجركل والحامل له غير موجود السيارة جمارك يعني ما مشت داخل السعودية وصلت مع راعي المعرض 19000 ريال لان السيارة لواحد عارضها بالمعرض هل السعر زين ولا غالي مع العيوب الي ذكرتها واللي ابي اسويه لو لو لو لو شريتها : صبغ السيارة بالكامل مع تغيير اللون اصلاح رمانة القير تغيير كفرات كامله مع الجنوط اصلاح المكيف وربما تغيير الديكورات الداخلية باكامل لتناسب اللون الخارجي الجديد وتركيب النواقص السيارة نفس هذي بالظبط ما عدا اللون ذهبي والجنوط مثل هذي : فيا أهل الخير والخبرة كم تتوقعون راح يطلع علي السعر الكلي في النهاية ؟ وهل سعر 19000 ريال للسيارة زينه ولا غاليه ؟ شوروا علي يالربع لا أتوهق أشتريها ولا لا وتحياتي للجميع |
| الساعة الآن 02:52 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir