منتدى استراحات زايد - كادت تتقطع صلة الارحام

السلام عليكم ورحمة الله وبركاته .

في ذات يوم حصلت هوشه ومضاربه في الديره ي الديره وكانت بين مراهقين وتوسعت وانتشرت استخدم فيها الرصاص والسلاح الابيض والحجاره فعصفت بالديره كلها
نتج عنها اصابات كثيره وتخريب في الممتلكات وتد خلت قوات الامن وفرضت الهدوء واعتقلت كل من شارك في المضاربه وحنا عشيرتين في الديره
على اثر هالحادثه الشنيعه ما عاد احد يزور بنته المتزوجه في العشيره الثانيه وظل الوضع متوتروالجمر تحت الرماد .
محدثكم العبد الفقير لله ابوظاري ما تتدخلت بالمشكله تكسرت شابيبك بيتي والله المستعان
فقام خالي ارسل لشيبان العشيره اجتمع الشيبان في ديوان خالي وقال لهم .
يالربع ويش اللي يصير الى متى هالوضع ما عمرنا وصلنا لهاذ الحد اذا ما مشينا بمصالحه تتقطع صلة الارحام بيننا حنا العشيريتن خوال وعمام
نسب ومصاهره ترضونها لانفسكم ما احد يزور بنته وهي هنا في الديره اختي متزوجه عندهم ما اقدر اوصل ازورها ؟ اذا ظل هالوضع توكدو انها راح تحصل مشكله اكبر
ويصير فيها دم الله يكفينا شره لزوم نمشي بمصالحه ونعوض اصحاب الممتلكات اللي تضررت
كان خالي يتكلم وصوته متهدج

الشيبان قالو : زين يا ابو حاتم كلامك عين العقل والصواب لكن من مرسالك للعشيره الثانيه الوضع ما هو هين ؟
خالي قال : ارسل لصديقي ابو مرزوق وانتم تعرفوه صديق عمري وانتم تعرفون انها بنته زوجة ابني ما في يوم ردني .
اروح له الحين وارد لكم الخبر بعد صلاة المغرب ان شاء الله حين طلعوا الربع تجهز خالي
فقلت له ارافقك يبه ومعي اخواني ما نظمن الجهال يساوون سواه تزيد الطين بله هز راسه انه موافق وتوجهنا لبيت صديقنا ونسيبنا ابو مرزوق
استقبلنا بكل حفاوه واجلسنا في مجلس الرجال وخالي كلمه لاجل يوصل رساله لعشيرته مفادها لزوم نصطلح
كادت صلة الارحام تتقطع في الديره يتقوا الله فينا وفي انفسهم حنا ما بدينا بالشر عيالكم هم اللي بدو فيه
قام ابو مرزوق ارسل اولاده لشيبان عشيرتهم يخبرهم انه لزوم العشيرتين تتصالح وابو حاتم في بيتي ينتظر رد الجواب
كان الجواب موافقين من حيث المبدأ ولكن لزوم نجلس ونتكلم وان شاء الله نتوصل لحل وننهي هالموضوع
كان رد خوالي وشيبان العشيره موافقين واختاروا ديوان خوالي وحددو الموعد بعد يومين يصادف يوم خميس
في ذاك اليوم توجهت لوظيفتي جلست شهرين ورجعت للديره اول ما وصلت للديره توجهت لبيت خالي لاجل اعرف ويش صار
فقالي خالي : قطعنا شوط طويل وحللنا بعض الامور واشياء اجلناها لانها تحتاج كلام واخذ ورد وعطا ما هي هينه يبه .
تم تكفيل الاشخاص اللي اعتقلتهم الشرطه واللي ثبتت برائته رجع لبيته واللي ثبت تخريبه الممتلكات ظل عندهم
وبدت الامور ترجع لوضعها الطبيعي في الديره وكان خطيب امام المسجد في كل خطبة صلاة يوم الجمعه يحث اهل الديره على حل هالمشكله
في يوم جلس شيبان العشيرتين وامام المسجد في ديوان خالي لاجل يحلوا بعض الامور العالقه .
تم حصر التلفيات اللي خربت في المشكله وبلغت 50000 الف دينار من سيارات وبيوت وحرق محاصيل القمح خوالي كان نصيبهم
من دفع التكاليف 20000 الف دينار بالاضافه لملبغ تم دفعه مسبقا تكفيل اللي كانو في المضاربه بلغ 7000 دينار
اخر ما تم ذكره في الجلسه تكسير شبابيك بيتي وبلغ 70 دينار تنازلت عنه لوجه الله تعالى لكن صممت على انه اللي شجع واللي نفذ تكسير
شبابيك بيتي يتعذر لي قدام اهل الديره لاني مالي دخل بالمشكله على العكس كنت احجز بينهم وجتني بعض الضربات في يدي وظهري ورجلي وهاذ اللي صار اللي حرض وشجع على تكسير
شبابيك بيتي اللي قام بتكسير الشبابيك تعذرو لي في ساحة الديره
تم التوقيع على الصك ودفع المبلغ المطلوب من خوالي في الديوان والعشيره الثانيه دفعت الملبغ المطلوب وتم تسليمه لامام المسجد . لاجل يعطي كل حق حقه
واذكر انه كان مساء يوم خميس بعد ما تم اعلان انهاء المشكله شربنا القهوه وتعانقنا وتصالحنا والحمدلله
فقال لهم خالي يالربع : باكر الجمعه غداكم عندنا جميع اهل الديره ويكون في المدرسه بعد صلاة العشاء ذاك اليوم تم ذبح 15 ذبيحه وسلخها وتقطيعها
لاجل غدا اهل الديره وهاذ اللي حصل بدا الغدا بعد صلاة الجمعه ظليت واولاد خوالي واولاد خالاتي
هات , وخذ , وجيب , وعطي ذاك , جيب هنا , حط المنسف هناك
صب لبن لفلان , صب مويه ,هات كولا , عطي فلان , ودي لفلان الصحون , جيب ملاعق ,
لين انتهى الغدا بعد هاذ كله جمعنا الصحون الفارغه وحطيناها باكياس نايلون كبيره ونظفنا الساحه وساعدنا كثير من شباب الديره .
مدة سنه والديره وضعها مو طبيعي احيان ما كان الشخص ما يكلم جاره بكلمه لاجل ما تنشب مشكله جديده .
لولا حكمة وحنكة شيبان الديره لكانت هالمشكله قطعت صلة الارحام في الديره
وسلامتكم يالربع