|
قالت لي : ضروري الصلاه للعظه والعبره السلام عليكم ورحمة الله وبركاته . هاذ السالفه للعظه والعبره . ابان خدمتي العسكريه استدعاني قائد المعسكر قالي : يا حمود عندك مهمه انت وخويك المثنى في مجموعه من طلاب وطالبات الجامعه تاخذونهم وتطلعون فيهم تمشون في هاذ المنطقه . واشر لي عليها كل مسافه تعطيهم فترة راحه تبدون من هنا وتنتهون هنا المسافه حوالي 80 كيلو متر وراح تضطر انك تقضي ليلتك في البر مع الطلاب والطالبات اخترتك لانك افضل ضباط الصف عندي . ودوم اعتمد عليك في امور كثيره انت اكثر العساكر انضباط وتتبع التعليمات وتنفذها بحرفيه واذا طرأ اي امر ترتجل حل من عندك . وعطاني نسخه من ورقة التعليمات وقائمه باسماء الطلاب والطالبات واردف لي المجموعه هاذ ما يعرفون اي شيء عن البداوه كلهم مواليد اوروبا وامريكا وبعض الدول الاجنبيه . قلت له : اي اوامر وتعليمات ثانيه ؟ رد علي : يعطيك العافيه . اديت له التحيه العسكريه وطلعت من الغرفه توجهت للمخزن استلمت عهدتي العسكريه بندقيتي و 10 امشاط رصاص ومسدس و10 امشاط رصاص وسكين عسكريه وجهاز اتصال ولفه من الحبال طولها 30 متر وخويي المثنى نفس الشيء باستثناء جهاز الاتصال والحبال . توجهت لمنطقة التقاء الطلاب والطالبات حين وصلت كانت الساعه 6.30 الصبح انتظرت مع خويي المثنى بعد حوالي 15 دقيقه وصلت اول مجموعه من الطالبات والطلاب حين شفتهم قلت في نفسي ذول هم الله يعين . همس المثنى باذني : ذول هم الله البنت اللي حطه النظارات على راسها مو مرتاح لها تصرفاتها ما تعجبني ووصلت المجموعه الثانيه من الطلاب والطالبات . طلبت منهم يتجمعون امسكت بالورقه اللي كانت معي وصرت اقرأ اسماؤهم كان مجموعهم 16 9 طالبات و7 طلاب . قلت لهم : نطلع الحين ونمشي كل مسافه نرتاح فتره لا احد يبتعد عن المجموعه اللي يشوف عقرب او ثعبان لا يسوي فيها بطل . لا يمد يده عليه او يحاول يمسكه كل واحد منكم يحافظ على كمية المويه اللي معاه ولا يسرف فيها قبل لا يجلس يتفقد مكانه وقبل لا نمشي نتفقد اغراضنا . الحين بعد التوكل على الله نمشي اي شخص يحب يسأل او يستفسر عن شيء ؟ الجميع ظل ساكت قلت توكلوا على الله طلعنا في الباص مسافه حوالي 4 كليومتر نزلنا من الباص وبدينا نمشي مشينا حوالي 8 كليومتر جلسنا نرتاح في ظلال اشجار الزيتون . سألني طالب : ممكن سؤال ؟ والدك ويش يشتغل بدافع الفضول مو اكثر !!! قلت له : والدي الله يرحمه واموات المسلمين راعي اغنام . قال : والدي يشتغل تاجر . انتهزت الفرصه اطلعت من حقيبتي المصحف وصرت اقرأ بعد حوالي 10 دقايق . قالي المثنى بصوت خافت نخلنا نمشي . قلت نفسي صدق الله العظيم طلبت منهم يتجهزوا للمشي تفقدتهم وبدينا نمشي كل فتره اناظر خلفي لاجل اتوكد انه ما احد ظل منهم خلفنا جلسنا مره ثانيه فترة 5 دقايق وحين همينا نمشي قال لي بنت : ما لحقنا نرتاح تعبت خلنا نرتاح شوي . هزيت راسي موافق بعد 5 دقايق تابعنا المشي مشينا حوالي 10 كيلومتر وصلنا منطقه فيها شجره كبيره تفقدتها اكتشفت بير مويه ماله غطا بين الاعشاب مثل الحفره اللي ما ينتبه له يسقط فيه حذرتهم يروحون ناحيته جلسنا نرتاح ناظرت من الشجره لفوق شفت بير مويه ثاني وعلى باب البير الركوه رحنا مليت لهم زجاجاتهم ومطرتي بالمويه وانتحيت مكان توضيت وخويي نفس الشي رجعت لهم تفقدتهم كانو ناقصين 2 طالب وطالبه دقيت خويي بمرفقي بمعنى الطلاب نقص عددهم تقدمت عدة امتار سمعت صوت ناظرت خلف الصخره فكانو في موقف يا ستار يا رب الله لا يبلانا انتبهت البنت فابعدت خويها عنها سألتهم : ويش هاذ اللي تسوونه ؟ قالت : ما شي حنا نحب بعض وهاذ الامر يخصنا حنا الاثنين برضانا لا تتدخل بينا . قلت لها :اسمعوني انتم الاثنين اذا تساوونها مره ثانيه تشوفون شيء ما يسركم خلكم مع ربعكم حين رجعوا قلت لهم : الحين وقت الصلاه اللي يصلي يتوضا ما احد تحرك منهم توجهت للقبله وصليت ركعتين قبل الظهروخويي نفس الشيء قلت : اقم الصلاه حين انتهى من اقامة الصلاه قالت لي بنت : ضروري الصلاه خلها بدونها حنا طالعين جولة رياضه . قلت لها : بعد الصلاه تسمعين جوابي . بعد ما فرغنا من صلاة الظهر توجهت لها كانت حاطه باذانها سماعات صغيره تستمع للاغاني قمت السماعات من اذانها قلت لها : انتي مسلمه ؟هزت راسها موافقه قلت لها الصلاه ضروريه يقول الله سبحانه وتعالى بسم الله الرحمن الرحيم يَا بُنَيَّ أَقِمِ الصَّلَاةَ وَأْمُرْ بِالْمَعْرُوفِ وَانْهَ عَنِ الْمُنْكَرِ بسم الله الرحمن الرحيم ان الصلاة تنهى عن الفحشاء والمنكر . صدق الله العظيم ويقول رسولنا الكريم صلى الله عليه وسلم العهد الذي بيننا وبينهم الصلاه فمن تركها فقد كفر صدق رسولنا الكريم صلى الله عليه وسلم . عرفتي ليش الصلاه ضروريه ؟ قالت : ماعرف اصلي ولا صليت مره بحياتي / هزيت راسي قلت في نفسي مسلمه بالاسم يا ستار يا رب عفوك ورضاك يا الله . طلبت منهم يتجهزو للمشي فقالي طالب : جرحت يدي شفت جرحه يحتاج تقطيب قطبتين نزعت الجعبه عن ظهري واطلعت عدة الاسعافات الاوليه حطيت له مطهر ولفيت له يده بالشاش واللاصق الطبي حينها سمعنا صرخه وتبعها صوت ارتطام جسم بالمويه ركضت صوب الصوت كانت البنت اللي اعترضت على الصلاه في بير المويه المخفي بين الاعشاب قفزت في البير خويي المثنى رمى لي الحبل كانت البنت مغمى عليها سحبتها لعندي وامسكت الحبل باليد الثانيه حظنت البنت وربطت الحبل علينا وطلبت منهم يرفعونا حنا الاثنين رفعونا واخذوا البنت تحت الشجره مددتها على الارض وصرت اضغط على بطنها فاطلعت مويه لكنها ظلت غائبه عن الوعي صرت اسوي لها تنفس اصطناعي حينها رجعت تتنفس طبيعي فتحت عيونها حاولت تقوم طلبت منها تظل مكانها لاجل ترتاح خلال المشي كنت كل فتره اسوي اتصال على المعسكر طبعا كنا نستخدم كلمات لها مصطلح معين عندنا في العسكريه ابلغتهم انها البنت وقعت في البير ورفعناها وهي الحين بخير كان الرد زين تابع المسير واختار مكان مناسب لاجل يناموا الطلاب والطالبات فيه حين مشينا تسائلت في نفسي :هالبنت وقعتها في البير كانت رد على اعتراضها على الصلاه ؟ ما وصلت لجواب لغاية الان ظلينا نمشي وكل فتره راحه لحين صار وقت العصر مر عنا شايب يركب على بهيم توقف عنا سألته اذا في بير مويه قريب من هنا . قال : لقدام حوالي 4 كليومتر تلاقي حوطه كبيره لها سياج من فروع الشجر هناك في شجرة بلوط البير جنبها وعليه الركوه .ودعنا الشايب ومشى في طريقه تيممت وخويي المثنى وصلينا العصربعد الصلاه تابعنا طريقنا لين وصلنا الحوطه رحنا البير جبنا مويه جددنا الوضوء وصلينا المغرب تعشينا وشربنا شاي وقهوه صبرنا لصلاة العشاء صلينا العشا اغلب الطلاب والطالبات من التعب توجهو للنوم قلت لهم : الشباب هنا والبنات هناك نمنا داخل الحوطه وتبادلنا السهر انا وخويي المثنى بعد الفطور والشاي والقهوه تابعنا المسير حين صارت الساعه 8 طلت الخارطه وفردتها وناظرتها حسبت الوقت والمسافه اذا طلعنا الجبل ونزلناه من الطرف الثاني نوفرعلى انفسنا مشي حوالي 3 ساعات ولكن الجبل فيه وعوره طرحت الوضع على الطلاب الجميع وافق على طرحي طلعنا الجبل ونزلناه من الناحيه الثانيه توجهنا صوب الشجر قلت لهم تفقدوا مكان جلوسكم كنت اجلس بعيد عن البنت اللي اعترضت على الصلاه حوالي 6 امتار لاحظت شيء يتدلى خلفها سحبت مسدسي وتوجهت صوبها وبحركه سريعه وجهت المسدس صوبها وقبل لا تدرك ويش يصير اطلقت رصاصتين ظلت البنت جالسه مكانها وترتجف مرت لحظات الجميع فزعوصوبي قالي واحد منهم : ليش اطلقت عليها الرصاص ودك تقتلها من مسافه قريبه ما عرفت تصيبها الحمدلله صحيح انك عسكري فاشل حط السيجاره في فمه قبل لا يشعلها اطلقت رصاصه طارت السيجاره من بين شفايفه مريت من جنب البنت وقفت خلفها ورفعت لهم الثعبان الجميع عرف ليش اطلقت النار . قلت للطالب : عسكري فاشل !! ما فتح فمه بحرف واحد البنت قالت لي : علمني الصلاه اللي صار امس واللي صار اليوم هاذ تحذير لي وصارت تبكي وتقول علمني الصلاه علمني الصلاه . شرحت لها كيفية الوضوء وعلمتها كيفية الصلاه ولكن لزوم تكون محتشمه في لباسها في الصلاه وغير الصلاه وتابعنا مسرنا ووصلنا المكان اللي طلعنا منه قبل الوقت المحدد بساعتين الطالب اللي قالي فاشل جاني وتعذر لي . قلت له توكل على الله اعذرك لانك ما تعرفني . البنت ذيك ما اعرف اذا هي التزمت بالصلاه او لا لكني قمت بواجبي تجاهها علمتها الوضوء والصلاه وقبل لا تروح وصيتها تواضب على الصلاه وقراءة القران الكريم . وسلامتكم يالربع . |
| الساعة الآن 02:01 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir