مشكلة عويصة في القيصر
 

السلام عليكم
باختصار قبل كم اسبوع قمت بترقية الروم عندي لل التي بي سي وكان شغال حلاوة ومبسوط السبيكر شغال احلى مايكون بعدين ركبت التعريب وال واستعدت الكونتاكت مع الملفات السابقة والمسجات
ومن بعدها لاحظت ان الجهاز يشتغل لوحده ويشغل البلوتوث لوحده
لا وكمان يطفي ولزم اسوي سوفت ريسيت علشان يشتغل
والادهى والامر ان الزراير الي قدام مافيها اي واحد يشتغل
وجيت اسوي هارد ريسيت مايدخل بواسطة الزراير ولاحتى من الاوامر من الاعدادات
قلنا علينا العوض وجيت احاول اركب روم ثاني اتاليه مايدخل صفحة البوتلودر لما احاول ارقي من الذاكرة
جربت البرنامج الي يدخل الصفحة يدخلها لكن لما اضغط زر الباور علشان اكمل الترقية ماتسوي شي ماتشتغل
قلنا يالله نستخدم الكمبيوتر مع الاكتف سينك للترقية ويدخل صفحة البوتلودر لكن مايسوي شي وبعدين يعطيني ايرور
والله زهقت من الجهاز قمت شريت لي جهاز ابو ميتين تمشية حال وكاني برمي القيصر اذا مالقيت حل ليه هاليومين
شوروني ياهل الخبرة
لاانسى هذي مو اول ولاثاني ولاثالث ولاحتى رابع يمكن عاشر مرة اسوي فيها تحديث للروم ويمكن مايكون الغلط منه مااعرف
الي يقدر يساعدني الله يجزيه الف خير خصوصا ان احنا في رمضان اسال الله ان يضاعف لكم ولنا فيه الحسنات