تعبت من الزمـن روحـه وجيـه
ولا لــــي بالـلـيـالـي مـقــدريــه

يقـولـه مــن يـصـارع بالليـالـي
ولــكــن ذمــتــه مـنـهــا بــريــه

ولكـنـي مـــع الـشُـعـار شـاعــر
بـنــات الـفـكـر تكتـبـهـا يــديــه

ليـا منـي بدعـت مــن المعـانـي
عـزومـي قـبـل تبدعـهـا قـويــه

ولامـنـي نظمـتـك يـــا قـصـيـده
انــا عــمّ الـحــروف الأبـجـديـه

سوات الغيث من غـرّ السحابـه
سـحـابـه وبـلـهـا فـيــه بـرديــه

وانـا ماقـول انـا شاعـر زمانـي
انا اعرف مدحتي نفسي خطيـه

ولا يـا بنـت هـاك مـن المثـايـل
مثـايـل صاغـهـا راعــي حمـيـه

بعد مـا قلتـي انـي مـن ربوعـك
بسـوق القـاف سـوق الشاذليـه

انـا مـن يستريـح الدهـر عـنـده
وتحـسـده اللـيـالـي السـرمـديـه

فلاني مثـل ابـا الطيـب وشعـره
ولا حـتــى فــحــول الجـاهـلـيـه

ولانـي مثـل قيـس ابـن الملـوح
ولانـتـي مـثـل ليـلـى العامـريـه

ولانــي مـثـل ابــن لـعـبـون ولا
كمـا محسـن وشعـر السامـريـه

ولـكـنـي لـيــا عـايـنـت نـفـسـي
ورانـــي مثـلـهـم مـنــي وفــيــه

يـعـوّد صـاحـب العـقـال عـاقــل
ويرجـع صاحـب العـيـات عـيـه

ولا يا بنـت هـاك مـن الضمايـر
مـعـانـي يـاكـلــن الـكـبــد نــيــه

انـا ظـالـم وانــا مظـلـوم منـكـم
وانا الجاني وانا المجني عليـه

كــذا طبـعـي محـاربـت الليـالـي
ودايـــم بـيـنـنـا نــيــران حــيــه

انـا مانـي موخـر عــن ضنـايـه
ولـــو يـقـفـون قـدامــي سـريــه

وانـا مانـي بتـارك نـور عيـنـي
ولــو يعـطـون فـيـه الفيصـلـيـه

الا يا بنت يـا اغلـى مـن بقلبـي
يا عيد الفطر يـا عيـد الضحيـه

انا ما اعرف لغير الحب معنـى
ولا اعرف ف الغرام العنصريه

دخـيـلـك لا يضيـعـنـي غـرامــك
واعـــود لا شـــداد ولا مـطـيــه

خذينـي طفـل يلعـب فـي يدينـك
حنّّـيـن قـلـب وعظـامـه طـريــه

امانـه يـا غنـج نجـد اسمعيـنـي
تـــرا مــابــه لـغـيــرك قـابـلـيـه

الا يـا بنـت لـن قصـدك عذابـي
فـنـا مـاشـي بــدرب المهمهـيـه

ولا يـا بنـت لـن قصـدك شقايـه
فنـا روحـي مـن اسبابـك شقيـه

ولا يا بنـت لـن قصـدك مماتـي
فنـا وصيـت مـن بعـدي وصيـه

انـا لــن مــت ودونــي بسـاعـه
ومـروبـي عـلـى نـجــد الـعـذيـه

وقولـو هـاك هـذا مــن ذبحـتـي
ولا نبـغـى مـــن الـدّيــات ديّـــه

إلـك عـمـره هـديـه فــي حيـاتـه
وبعـد المـوت لـك روحـه هديـه