لنكون تاون كار مساعده
 

السلام عليكم
اخواني بدخل بالموظوع مباشره عشان ما اطول السالفه عليكم وان شاء الله القى حل عند اصحاب الخبره والناس اللي مرت عليهم مشكلتي
عندي تاون كار ٢٠٠٧ امريكي
احترت معه بالمكيف ما خليت شي ما سويته ويمكن فاتني شي وتدلوني عليه بخبرتكم
المكيف بارد لكن البروده مو المطلوبه يعني بالليل ولا بالظهر نفس الوضع تحس يبرد بؤوده عاديه جدا ما اقول عنه باارد بزود غيرت ماسوره للمكيف وعبيته فريون اكثر من محل وشيكته كامل ولا في فايده حتى بالوكاله وديته لهم يقولي مستهلك هذا الرد اللي عندهم يقول موديل ٢٠٠٧ يعتبر مستهلك تكييفه ما يرجع زي الجديد علما ان السياره اشتريتها ماشيه ١٠٠ الف ولا كان عليها مشاوير كثيره
حتى لما تكون الاجواء مثل الايام هذي رطوبه ما يتغير التبريد حقه ما تحس ببروده المكيف زي المواتر الثانيه اللي تخليك تبرد وتخفف على الدفع تلاقيني دايم مشغل الدفع اعلى شي عشان احس بالهواء يوصلني بارد

ابغى مشورتكم اذا احد مرت عليه المشكله او في شي ممكن اسويه

انقذوني !!! متعوب عليها انقذوني

الشي الثاني حتى لو كنت ماسك خط نفس البروده ما تتغير عن لو كنت بداخل البلد يفرق بس اوقات احس يدفع بروده شوي ويرجع يقلب جا في بالي يمكن حساس او شي يخليه يفصل ما يطول تبريد
هل تصير الشغله هذي من حساس
واتمنى تعذروني على الاطاله وان شاء الله نلقى منكم الخير

يعطيكم العافيه مقدما