تصميم خاص لصاحب السمو الملكي الامير محمد بن نايف
 

السلام عليكم

كيف حالكم ياحلوين

تروني مواصل ماجاني نوم حتى اخلص هالتصميم

واحمد الله على سلامت صاحب السمو الملكي الأمير محمد بن نايف بن عبدالعزيز مساعد وزير الداخلية للشؤون الأمنية

وهذا الشي الوحيد الي اقدر اسويه علشانه

ونشاء الله يعجبكم ويعجب الجميع يارب
[IMG]http://www.up-00.com/dqfiles/HpA17890.gif[/IMG]

ما مات منهو مثل موته سعدهـم
محد ٍ يمـوت الا فيـوم المنيـه
لو يزرعون اله اللغم في جسدهم
مزروع حبـه فالقلـوب الوفيـه
والله ما خلو جهد مـن جهدهـم
ولا حصلو من ما يريدو شويـه
بسلامة الي من حياتـه نكدهـم
قمنا نغنـي باللحـون الشذيـه
محمد ولد نايف ما مثله هجدهـم
فبيوتهم يـوم النواظـر غفيـه
امهل لهم من شان دمعة ولدهـم
يخشى على دموع العيون البريه
لو كان صبو حقدهم في بلدهـم
وقف لهم ناصح يريـد السويـه
ما اهتم منهم لو تزايـد عددهـم
يكرم عن هموم النفوس الدنيـه
واليوم من طيبه تزايـد حقدهـم
تبطين عن وكر الصقر يا عليه
ما ياصلونه وان بغاهم وجدهـم
في ساعة ٍ فيهـا الدقايـق بَليـه
يجيبهم لو هـي تزايـد عقدهـم
حلال صعبات الامـور البغيـه
من وسط لندن لين كابل مددهـم
ويخسون عن ممشى الديار النديه
على ديار العز ثايـر حسدهـم
يغيضهم ذكـر العلـوم النقيـه
دار السعود الي ربح من قصدهم
قومٍ على صعب المواقف جريـه
قـومٍ كتـاب الله دايـم سندهـم
تحكم بشـرع الله وسنـة نبيـه
وقومٍ تعاديهـم حفرنـا لحدهـم
محفور في ذيك الديـار الخليـه
تكرم مقابرنا والاخرى وعدهـم
قوم الفتن دنيا مع اخرى رديـه