منتدى استراحات زايد - لو كتبت الشعر واقع من يقـول انـه خيـال,,,

لو كتبت الشعر واقع من يقـول انـه خيـال
ولو كتبته من خيالـي كـم شخـصٍ فسـره

من جلس يحسب شعوري ماعرف حل السؤال
لو جلس هالعمـر كلـه بالقلـم والمسطـره

شاعر وشعري شعوري مايجي فيـه أحتمـال
لو يجي فيه احتمال البيـت والله لأكسـره.!

فلسفه مترابطه كـم هـدت أفكـار الرجـال
وكم مـن ناقـد تمشكـل بالتهـاب الحنجـره

الشعر أسمى رساله / والشعـر أبلـغ مقـال
والشعر ما كل شاعـر/ يعتلـي فـي منبـره

شي واضح نعرفه/بالعقـل مـا فيهـا جـدال
بس باقي شي واحـد لـو نعرفـه نذكـره.؟

مسأله متشربكه والحل مـن ضمـن المحـال
مايعرفه غير شاعـر ملهمـه فـي خنصـره

اووه ياقـافٍ ذكرتـه أدري إنــه مايـقـال
بس جاكم با لقصيده عـاد مـا روع منظـره

ياهجوسي دام باقـي للشعـر فينـي مجـال
أقربي يادرع جنبـي/ قبـل بـدأ القسطـره

وأنت يافكري زهمتك أسمـع الكلمـه تعـال
وإعرف إن الغرس يمكن مايجي منـه ثمـره

عقب ماحبر القصيده بالورق خطـط وسـال
من تضايق مـن بيوتـي أرتجيـه المعـذره

حالف إني لو كتبـت البيـت يضربّـه مثـال
كل جيلـي رددوا بيـت القصيـد المفخـره

(من رقى هاك الطويلة كيـف مايهنـاه بـال
ومن يعز اليـوم نفسـه كـل جيلـه قـدره)

والمصايب ماتنـزل ياعـرب روس الرجـال
والردي لو شـان وجهـه ماتفيـد الصنفـره

والبخيل إن مات واقفى وماسك بيـده ريـال
أسألوا اهـل المقابـر وش جـرى بالمقبـره

وش يبا يسـوي رياله/فـي مياديـن الفعـال
تنطفي نارة بلحظـه عقـب وقـت المقـدره

الرجال اليـوم قـول وفعـل والدنيـا زوال
ومن تنومس له فعوله في عيوني مـا اكبـره

حالف إني لو كتبـت البيـت يضربّـه مثـال
كل جيلـي رددوا بيـت القصيـد المفخـره

(من يدور في زمانه للشعـر مـردود مـال
ليت في باقـي سنينـه مايطـول المحبـره)

,,,

,منقــول’