|
محاشي على ذوقكم السلام عليكم ورحمة الله وبركاته بعرف أنه المحاشي شغلتهم متعبه من حفر وحشي وغيره بس ما في أطيب منهم لهيك رح أكتبلكم هون طريقة طبخ المحاشي ورح تكون الطبخه منوعه شوي بس كتير طيبه المقادير: حبتين خيار حبتين بيتناجن حبتين كوسا حبتين فلفل حلو (فليفله) حبتين بندوره مقادير الحشوه: كاسة رز لحمة خشنه حسب الرغبه فنجان الا ربع زيت ذره ملعقة ملح ملعقة صغيره بهار طبيخ نصف ملعقة صغيره فلفل أسود مقادير المرق: نصف كيلو بندورة حمرا 3 ملاعق رب البندوره ملعقة ملح ماء الطريقة: نحفر المحاشي (البندوره تحفر من الجانب) (والفليفله تحفر من فوق منشيل القمعه بغرس السكين حوليها وبعدين منظفها بالمقوار ) ونضعهم في ماء وملح نخلط الارز واللحمه والزيت والبهار والفلفل والملح نحشو المحاشي بالحشوه نضع نصف كيلو البندوره في ماء ساخن نقشره ونضعه في الخلاط الكهربائي ونخلطه جيدا نضع البندوره المخلوطه فوق المحاشي في القدر ونضعهم على نار متوسطه (مع مراعاة وضع البندورة المحشوه في الاعلى لأنها تستوي أسرع أو يمكن وضعها داخل قطعة قماش بيضاء واغلاقها لكي لا تخبص) نضع كمية من الماء فوق البندورة بحيث تغمر كل المحاشي ثم نضع رب البندوره والملح نغطي القدر بحيث يكون مكشوف قليلا من الجانب وصحتين وعافيه الكمية تكفي ل 4 اشخاص الى 5 تحياتي واحترامي |
| الساعة الآن 08:02 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir