|
قصيده موجهها لأبو فهد العيد .............صقار الأسياح السلام عليكم ورحمة اللع وبركاته :- هذي قصيده موجهها لا ابو فهد العيد ولا هانو جميع الأعضا وهي موجهها للعموم يا بابو فهد البال ضايق ومحتار صاحبك ما عاضه عن البر ديره لو دجت في كل المصايف والأقطار ما ارتحت وابن آدم يسوقه ضميره ولو خيروني في حياتي وش اختار الطير والمقناص ما احب غيره الطير له بالقلب منزل ومقدار بأول زمان وبالليال الاخيره هواي حرن يعجب العين لاطار طرح الشبك ما هو بتفريخ جيره كنه ليا شاف الحبارى على نار فصيل ما درب عليها كسيره لا صكها بالقاع ثور لها غبار كنه يقننها براس الشعيره وإن كان طارت تتقي شر الأخطار اللي نواه الحر لا قا مصيره والريش تلقا له مع الارض منثار يشقها مثل السيوف الشطيره وخوت رجال ما يعرفون الاعذار وسوالف تبري الكبود المريره هذا منى قلبي وهذا لنا كار واللي يخالف راينا ما نعيره كلن على رايه مخير ويختار واللآدمي يمشي بعقل وبصيره وانا احترم للناس وجهات الانضار واللي يبدي راي ما نستثيره لاكن بعض الناس بالحكي جزار اللي يقدم راي دون استشيره يا ابو فهد وصلتك جزلات الأشعار والله يساعدنا على فعل خيره وسلامتكم واطلب من المشرفين عدم نقلها لأنها تخص الصقر والصقارين وفيه قصايد غيري ما تنقل رجاء تبقى هنا لأنها ستهمل بخيمة الشعر .........................صقار الأسياح 5/9/ 1430هـ |
| الساعة الآن 01:28 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir