اعطال مكيف السياره
 

السلام عليكم . نخش بالموضوع دايركت . ياشباب انتبهوا ترى مشاكل الكمبرسور ومروحة المكيف احياناً ماتكلف غير ريال واحد . وهي فيوز فقط والكهربائيين اكثرهم الا من رحم الله امين ويصلحلك المكيف ويطلب مبلغ بسيط . انا حصل لي موقف وهو الكمبرسور مايشتغل اشغل المكيف يطلع هوا فقط كانك فاتح الهوايه . اول كهربائي كشف ع الفيوزات يوم خلص قال ما اعرف اصلحه رح للباكستاني اللي باخر الشارع هذاك يعرف . ورحت للباكستاني وقام يفحص الفيوزات وبعد قرابة نصف ساعه قالي السياره لازم تبقى يوم كامل لازم افك الطبلون وشغله كبيره . انا مااقتنعت سيارتي وعارفها الشغله بسيطه . شريت فيوزات وشغلت السياره وشغلت المكيف والله يجيرك كل فيوز افكه وابدله بواحد سوا خربان صالح ابدله . والله يالربع بعد ربع ساعه تقريباً الا يوم اشتغل الكمبرسور وبرد المكيف . والله من الفرحه ماصدقت . وبعد البحث والتحري الكمبرسور له ثلاثة فيوزات اذا خرب اي واحد يوقف الكمبرسور ولا يبرد المكيف . فأرجو الانتباه . السياره تويوتا هلي 2010