|
شغل الريال في البيت السـلام عليكـم ورحمـة اللــه وبركــاته والصــلاة والســلام علــى أشــرف خلــق الـلــه .. شخبــاركم !! وشــو العلــوم!! خواتــي خــوانــي .. حبيــت أنــاقشكــم فمــوضــوع .. اللــي هــو " شغل الريال في البيـــت " أغلــب الأحيــان إذا قلنــا حــق أخــوانــا .. غســل صحــن أو رتب غرفــه معينــه .. يعصــب ويــواقــع يمــكن يعتبــره هالشــي يمــس رجــولتــه .. علــى أســاس أنــه شغــل البيت مقتصـــر للحــرمــه بس شــو المــانــع أنــه الريــال يســاعد فشغــل البيــت !!.. شــو المشكلــه لو ســاعد أختــه او ســاعد حرتــه !! هــل شغــل البيــت مقتصــر للحــرمه وبــس !! خلنــي أوضــح نقطـه .. فهالمــوضوع أنــا قصــدي الشغــل وبــس .. يعنــي ســالفة تربيــة الأولاد مثــلا هــاذا واجــب عليــه بدون نقــاش وأتريــا رايكــم فـي هالمــوضــوع :78650: |
انا من رايي أن الرسول عليه الصلاة والسلام كان يساعد زوجاته في تنظيف البيت وغسل بعض الأواني وغيره ..وهو قدوتنا في أمورنا الحياتيه ... وأعتقد عادي إنه الأخ او الزوج يساعد حرمته في ترتيب وتنظيف البيت .. بس طبعا بشكل غير مبالغ فيه ... يعني مثلا بعد ما يخلصون الأكل يساعدها بأنه يحط الصحون بالمطبخ وينظف السفرة مثلا ....و يرمي عفوا الزباله برع بس إنه يغسل الثياب او الصحون والجدور وايد .. لا ما أعتقد بيرضى..... وكون إن الرجل يساعد حرمته في البيت ما ينتقص أي شيء من رجولته بل بالعكس بيحس مدى التعب والجهد اللي تقوم فيه زوجته في الحفاظ على نظافة وأكل بيتها حقه وحق لعيال .... وبيقدرها هي كزوجة وشريكة لحياته .... وهي بتحس بالحب والإمتنان الكبير إتجاهه ... وأظن إنه توجد نسبة من الرياييل ما يحبون هذي الأمور بل يتركونها للزوجة ... لطبيعة تربيتهم في البيت .... لأنه في بيته عند امه وأهله ما تعود إنه أي احد يساعد الحريم في أمور البيت ... الرجل والمرأه لازم كل واحد يكمل الثاني ... ويساعدون بعضهم البعض في أمور كثيرة ومنها تنظيف وترتيب البيت بس مثل ما قلت بدووون مبالغة .. لكن لو هو حاب يسوي كل شي ليش لا وبهالطريقة بتسود روح المودة والرحمة مبينهم وعلى فكرة الزوج أحيانا ما يعرف إنه الزوجة تحتاج لمساعدة .. وهني عليها إنها تطلب منه بأسلوب راقي وهو أكيد ما بيقصر ولكن لازم يكون مقتنع بهالشيء ... والرجل يجهل أحيانا كيف يدير نظافة وترتيب البيت وكيف يغسل وغيره .. .... وهذي وجهة نظري بإختصار ... انتظر وجهة نظركم |
وعليكم السلام ورحمة الله وبركاتة طبعا انا وياج في ان المرأه والرجل يجب ان يتكاتفى في كل الأمور بس كل انسان له مسؤوليات - المرأه في بيتها تربي عيالها وتهتم بأمور البيت -الرجل دورة في التربية ولكن يهتم بأمور عملة وايضاً بعض امور المنزل بس المطبخ ومسؤوليات التنظيف (للمرأه ) وليس للرجل .. 0 0 هذا رأيي بدون مجاملة 0 0 اخوكم / النعيمي |
اختيه المراهـ اهي اللي تقووم بشغل البيت بس هذا مايمنع بعض الاوقات يساعد الرجل فيها يسلمو ع الموضوع |
سلااااااااام هليكم ورحمة الله وبركااته هلا وغلا والله بيه والله كله حرق فينااا لاحول ولا قوة المهمـ _ طااالـ عمركـ المسااعدهـ وااجبه بس فيه أمور تقتصر على الرجلـ والمراة وكل له وااجبااات في المنزل في أثناااء العيشه الزوجيه ... _ بس إذا كاان توهـ ماتزوج فااا والله يمكن بعض الاوقاات يساعد يعني وبعضهاا يرفض ... _ وكلـ له راااي بالامر هذاااا .. _ والبيت بالاخير مسؤلية إثنين كل يتحمل جزء من كل شي لانه حياتهم وحياة ابنائهم وبيئتهم وكل شي بالنسبة لهم وسترهم وغطااهم ... دمتي بود وتقبليـ مروريـ هبوب الهوى |
| الساعة الآن 10:18 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir