كلمات من بداية احبك - عبدالمجيد عبدالله
 

السلام عليكم

كلمات انور المشيري

من بداية أحبك لين ميت عليك
شفني قدام عينك واصل لمرحله
ودي آخذني مني وأهدي نفسي اليك
غالي يرخص لغالي والعشم تقبله

بسألك جعل فدوه و افدي عينك هذيك
عينك الي من الله دعج و مكحله
وش اسوي في قلبٍ ما يبيني يبيك
و الي جننه حبك وش هو بيعقله

الله يسعد جمالك لكن الله يهديك
صرت من عقب زينك كل زين أزهله
مالي عيني و أشوفك يا بعد مشتريك
دانةٍ ما تتساوم بالمحيط أكمله

من عرفتك وقلبي بين ضلعي ويديك
وكثر ماكنت اعرفه صرت فيك اجهله
هو في صدري وباله ماهو عندي عليك
آه ما اكبر جنونه، وآه يا ما اجمله

شوف لك حل فيني موت احبك و ابيك
حب حتى خيالك صعب يتخيله
من كثر ما انت غالي مدري شسوي فيك
البعض من غلاته خاطرك تاكله

بسألك جعل فدوه و افدي عينك هذيك
عينك الي من الله دعج و مكحله
وش اسوي في قلبٍ ما يبيني يبيك
و الي جننه حبك وش هو بيعقله

للاستماع
http://ma7room.com/music/song_listen_18856_2.html
التحميل
http://ma7room.com/music/song_download_18856_2