ضعيف النفس ذبحني
 

السلام عليكم ورحمة الله وبركاته

بنات وشباب من تسمعوا الاذان اتنشوه اتصلون مابي اخذ ذنب حد اوكي وقصه مقوله طبعا



قصـ،ـه قصيـ،ـرة بعنـ،ـوان/////ضعيف النفس
ذبحنـ،ـي الشـ،ـــ //ألـ،ـم الظفـ،ـرة// ـــوق

..
الجزء الاول
..
ام سعيد:ياولديه اقعد محلك تراك تعبتنيه
سالم:ياربــي قلت لج بس اخطبيها اليه لاتسوين شي
ام سعيد:واايه جيف اخطب لك واخوك اللي اكبر عنك عدة ماخطب؟
سالم:والله مشكلته
ام سعيد:لامشكلته ولا الله قاله خير خير ليش مستعيل
سالم:الله يادنيا لو الحين انا ماريد اعرس جان قذيتيني عرس عرس
ام سعيد وهيه مبتلشة الا يرن تلفون البيت وتشلة:الووووووو
سارة:السلام عليكم
ام سعيد:يامرحبا يا هلا والله
سارة:هلا بج اماايه شحاااالج؟!
ام سعيد:يعني افدا صوتج بخير ربي يسلمج الا انتي علومج وين مرة ماتدقين؟
سالم:ساروووووة الحقي عليه بموووووت انا
سارة:بسم الله هذا مب جنه حس سويلم؟
ام سعيد:هيه هو الحقي اخوج بيستخف
سارة:افا وليش؟!
سالم:سااروووة الحقي على اخوج عنبوووة مايبوني اخطب خلاص بمشي في طريق الحرام
ام سعيد وهيه معصبة على ولدها وفرته بالجهاز اللي كان عدالها
ام سعيد:يالحماار انا قلت لك بخطب لك بس عقب مانخلص من سعيد
سارة:ليش وسعيد ماخلصت سالفته من زمان؟!
ام سعيد:وين ماخلصنا كل ماقول له مايعطينيه ويه ويزر"يروح" عنيه
سالم:والله بلشة يعني هو بيعنس وانا اعنس معاه
سارة:ههههههههه حرمة بيعنس هو
ام سعيد:تعرفين خوانج انتي
يدخل عليهم سهيل:السلااااااااااااام عليكم
ام سعيد:هلا وعليكم السلام
سهيل:اميييه الحقييييي
ام سعيد:خيييير؟!
سهيل:يا اميه شفت لج ذيج البنيه اف..ماشاء الله عليها جمااال جمااال
ام سعيد:بسم الله على عياااليه عنبووة شبلااهم على البنااات؟!
سارة:لأنهم مب شايفين بنيه في حياتهم غيري مستقطعين
سالم:ساروة فديتج اقنعي اميه
ام سعيد:يابنتيه تعالي تفاهمي مع اخوانج انا تعبت
سارة:ماعليه بشوف حمد اذا مابيي يتغدى في البيت وباييكم
سهيل:سااروووة دخييلج برويج االبنيه اللي شفتها والله حلوة
سالم:مالت عليك
سهيل:حوووة بلاك انته
سالم:اريييد اعرس
سهيل:وحد قابضنك رح عرس
ام سعيد:سااروووة الحقي عليه محد بيننيه غير خوانج
سارة وهيه تضحك:ان شاء الله
سكرت سارة عن امها واتصلت على ريلها تسأله اذا بيي ولا لا بس هو ما اهتم لها
قال لها ليش تسأل وخبرتة وقال لها برايج روحي..
..
الشخصيات
..
سعيد/ 23 سنة , سالم/ 21سنة ، سهيل/19 , سارة/18سنة, محمد/ 16سنة,
مصبح/13سنة,مسلم/10سنين,مسفر/6سنين....
..
مثل ماتشوفون شخصيات قصتي كلها شباب ومابقى غير عنصر واحد
اللي هيه بنت..
ام سعيد انسانة بسيطة وعادية جدا جدا جدا
تحب عيالها واكثرهم سارة لأنهاا البنت الوحيدة
ابو سعيد يموت فيها وكل ما حملت حرمتة كان يتمنى انها تكون بنت
بس الله كتب لهم انه يكون ولد
وكل هالاولاد عايشين في بيت واحد والبيت كله فوق تحت
لأنه يخلوا من العنصر النسائي
مع ان ام سعيد معاهم بس كبرت على هالشي ومحد يرتب لهم
غير الخدامة اللي متعايزة
ومحد وراها يعصب عليها ويقول لها روحي وتعالي
ورتبي ونظفي..يعني تمشي على كيفها
ابو سعيد يشتغل والحمدالله الله منعم عليه
عيالها يدرسون في جامعات واللي يدرسون في مدارس
سارة عاشت احلى ايام عمرها عند اهلها وبين خوانها
بس كل صفاتها صبيانيه لأنها عايشة بين اولاد
ومحد طلعها من اللي هيه فيه الا بنت عمتها الوحيدة
حمدة اللي من كبرت وبانت علامات الانوثة عليها عرفت انه خلاص البنت
لازم تهتم في عمرها ومن شافت تصرفات سارة الصبيانيه
مسكتها وكلمتها لأنهم كانن في نفس العمر تقريبا
بس صعبه على سارة لأنها من وهيه صغيرة
او خلني اقول من كملت السنتين وهي مع اخوانها جنها واحد منهم
يعني ولد؟!
وام سعيد ماكانت مهتمه لأنه اخوانها وعادي تخالطهم وماكانت تعرف
ان هالشي بيأثر عليها في المستقبل
يعني مثلا او يمكن تتحسب عمرها ولد وماتكون تعرف أي شي عن البنات
"انا اضرب لكم مثل"
لأن الام اذا اهملت واحد من عيالها او من بناتها يمكن يشكل
هالاهمال خطر كبير عليه في المستقبل
فلولا بنت عمتها الوحيدة ماكانت سارة عليه الحين..
..والبقيــة تأتـــي عن تعريف العائلة..
..
دخل محمد ومسلم ومصبح ..وكل واحد منهم شال السير"مثل الحزام يربط به كتب المدرسة
وعادة يستخدمة الاولاد والشبااب"ويفرون كتبهم على الارض
ام سعيد:بسم الله العرب يسلمون
محمد:اف وين اسلم ايه والله قذاني ولد المصرية ترى والله ادوس في بطنه
مسلم:انته شعليك منه يون بيخلص الدوام ارقبه عند الدروازة محد بيدريبة
ام سعيد:هيه انا قاااصرة مشااكل مااافتكيت من العود يييتوا ياليهاال
محمد:اميه انا مب يااااهل
مصبح:خخخخخ هيه بزر
محمد وهو يضرب اخوة:ماغيرك البزر
مصبح وهو يهد على اخوه:لاتضرب
سالم:حووووة عن الوقعه
محمد:ليش يسب
ام سعيد:لا انتوا ناويين تذبحوونيه
وفجأة يدخل مسفر عليهم البيت وهو يركض وفي يديه كرة قدم ويركض لأمه
ام سعيد:بسم الله شبلااك؟
مسفر:دسوووني
سهيل:هاه لايكون صارق الكورة؟!
مصبح:ههههه هذا حرااامي نمبر ون"ويأشر بيده"
ام سعيد:مسييفر وعثرة ياربيه رح ردها
مسفر:مااااريد هو ليش يسبنيه في المدرسة؟!
ويدخل عليهم احمد اللي كان شال حصاة في يده ومعصب:هااااات الكووورة
سالم:خخخخخ بيفلعك مسييفر عطه الكورة
مسيفر:منو ولد الخدااامة هاااه؟!
احمد:انته ولد الخداامة
ام سعيد:تخسي هذا ولديه يعني افدااه
سيهل:اميه دخيلج عطيه كورتة مافينا على ابوه ترى ابووووه واااايد غلس
مسفر:مابعطييه
سهيل وهو ياخذ الكورة عنه بالغصب:عطه
مسلم:عطه يالخبل بنشتري احسن عنها
مسفر:ماريد ليش يسب؟!
احمد:هااااتهاااااا
مصبح:الحمدالله والشكر صدق بزراااان
ويطلع مصبح لحجرتة وعق عمرة على الشبرية وهو معصب
حس مسلم بأخوة وراح وراه على طول
..
مسلم:صبووح
مصبح:والعثرة يقولك
مسلم:بسم الله شعندك؟!
مصبح:لاتقول اليه صبوح اف احسه اسم حرمة نادني مصبح
مسلم:زين زين..شبلاك؟!
مصبح:ماشي
مسلم:لا شي
مصبح:مليت من حياتي
مسلم:مليت؟!
مصبح:اوهووو ماشي خلاااص
مسلم:دخييلك شبلاااك ارمس
مصبح:شو اقول؟! تولهت على ساروووة
مسلم:بس؟
مصبح:السالفه مب جيه لا
مسلم:عيل جيف؟
مصبح:تتذكر يوم ساروة عايشه هنيه؟
البيت كان غير يوم ندخل نكون ياين من المدرسة هاه تشوفها كيف؟
مسلم:مافهمت ولا كلمه ارمس عدل..
مصبح:انا اقول لك يوم نرد من المدرسة كله تضحك وتسولف معانا
اول ماندخل تقول لنا هلا بخواني تولهت عليكم وتتواقع معانا
تقول لنا يالله مسويه لكم ذيج الصالووونة
وكله تسولف علينا مب اميه اللي كل ماندخل تتواقع معانا
يا ع سالفه المدرسة والاستاذيه ولامسيفر الهرم متواقع مع ولد ييرانا
اريد ساروة
مسلم:هه الا انته متوله عليها؟!حتى انا بس اكييه عرست ونستنا..يارب يمووت ريلها وترد لنا
مصبح وهو يضرب اخوه على راسه:لاتدعوا على حمد بالموووت يالخبل
مسلم:هو اللي شلها عنا
مصبح:بس لازم البنيه بتعرس وبتروح بيت ريلها
مسلم:بس مش لازم ساروة تروح بيت ريلها
مصبح:انته خبل وخبل اللي يكلمك
عصب مسلم وقال يطلع بكرامته احسن..
طلع مسلم من الحجرة وخلى مصبح يحلم ويتمنى اشيااء مستحيلة
مصبح متعلق بأخته بصورة فضيعه
كل اخوانها يحبونها ومتعلقين بها
بس انصعقوا يوم دروا انها انخطبت وبتعرس
وطبعا بما انها البنت الوحيدة لهم فـ ابوها يريد يفرح بها
وصارت الخطبة وقربوا العرس بأقرب وقت ممكن
وطبعا من عاداتهم وتقاليدهم ان الملجة تكون قبل العرس بيوم
وازدهبوا اهل المعرس "لأن ام العروس ماعندها أي خبرة في هالامور
وماعندها حد يعينها على هالشي..لا اخت ولا خت ريل.."
لأن ابو سعيد كان الوحيد وماعنده لا اخو ولا اخت..
وبعد الزهبه صار العرس بأسرع وقت
طبعا عرست بعد ماخلصت من الثانوية العامة بصعوبة شوي
لأن سارة انسااانة شوي كسلانة وماتحب تدرس
او شي اسمه كتاب
وماريد اعيد وازيد واقوول انها عاشت بين اولاد
ومثل ماهم مايحبووون الدراسو فـ اكيد بتكووون ماتحب الدراسة مثلهم
..
في الصالة
بعد الحشرة والعراااك اللي صار بين مسفر واحمد
راح احمد لبيته وهو ساكت
ومنتصر لأنه شل كورتة ومن غير ضربة سهيل لمسفر اللي محد توقعها
وصاح مسفر وطلع لحجرته على طول
..
وصلت سارة من عقب مانزلها الدريول
ودخلت ومله العيش في يدها اليمين ومله الصالونة في يدها اليسار
..
سارة:السلاااام عليكم
الكل وهو فرحان:وعليكم السلااااااااااام والرحمة
قام مسلم ومحمد وساعدوا اختهم من بعد ماسلموا عليها
وراحت هيه تسلم على اخوانها وامها
سارة:شحاااالكم يااخواانـــي؟!
الكل:بخير والحمدالله
سالم:ساااروة
ام سعيد:انا بسير احط الغدى مافيه اسمع نفس الموال
سارة:افا يا اماايه بسير ارتبه بدالج
ام سعيد:لا والله استريحي انتي من متى ماطحتي البيت؟!
سالم:هيه والله نحن محتاااجين لج
سارة:ياربي فديتنيه ثرني غاااليه
محمد:هيه والله محد يحل لي واجباتيه والعقاابااات اللي يعاقبوني بهن الاستاذيه
مسلم:ولا حد يحفضنيه الايات ولا القصايد
سهيل:ومحد يرتب اليه جدوليه في الجامعه
سالم:وكبتيه من متى وهو معفن ولا مرة يت هالخاامه اللي مادري من وين ياايبينها مليت منه
سعيد وهو داخل للبيت وباين عليه التعب:ومحد رتب اليه سيارتية سداتها كلهن كشرة
ضحك الكل على سعيد اللي كان صدق باين عليه التعب
وشال في يديه شنطة فيها اوراق
والشنطة الثانيه لاب توب
قامت سارة "كعادتها الجديمة"وشلت عنه الشنط وحبته على صطارة
سارة:شحالك؟
سعيد:بخير من شفتج
سارة:والله احرجتوني
سعيد وهو يحط يده على جتفها ويمشي:شحالج وشحال حمد؟!
سارة وهيه تتنهد:بخير والحمدالله ويسلم علييكم كلكم
سعيد:الله يسلمه وين مرة ماينشااف؟!
سارة وهيه تحاول تبرر:والله حليله لاهي مع شغله آخر مرة راد تعبان وهلكان
سالم:الحين خلونا من ريلها تعالي بنسوولف عليج
مسلم:هيه خلينا نشكي لج
وتدخل نور وهيه شاله الصنيه وملانة:سااروووة في منيه؟!
سارة:هلا نور شحالج؟!
نور اونه تتمسكن:مافي تماام هزا كلوووه منيه سوي كشرة داكل غرفا انا في واجد تعبااان
سارة:اف حتى هيه بتتشكى حشى ثرني مسويه فيكم خير
سعيد وهو يشل عنها الشنط بيروح لحجرتة:هيه والله فقدناج الصراحة
سارة:وين بتروح؟!
سعيد:ارقد..
سارة:والغدى؟!
سعيد:ما اشتهي
سارة:حرام عليك وهاذي انا مسويه صالونة تونه؟!
سعيد:ودي آكل بس تعباان بروح ارقد يالله تمسون ع خير
الكل:وانته من اهله
قعدت سارة عدال اخوانها تسولف عليهم وهيه مستغربة من حال اخوها
الجسم عند اخوانها والفكر عند سعيد اللي حالته مب عايبتنها
هلأيام..ونور ترتب الغدى تيب الملال والصحون والملاعق والاكواب والخ
..
ام سعيد:يالله اقربوا
سارة:ماجن العدد نااقص؟
سالم:صبووح وسنفوور وينهم؟!
ام سعيد:وينهم حليله اخوك من عقب ما انضرب اظني رقد
سهيل:يستاهل آخر العنقود ويتدلع
سارة:الله لايسمعه لا اميه مسيفر مب آخر العنقود نريد عنود ولامرووويووم
ام سعيد:بسم الله عليه انتي هاتيها عنود ولا مريوم انا خلاص تعبت
سهيل:هيه والله بس علينا نزيد عدد
سالم:هههههه
مسلم:الله يازين ريحة التوونة
ام سعيد:من زمان ماكلنا تونه
محمد:وحد يسير بتونه؟! قلت بقعود ولا ذبيحة
سارة:حب يديك مجلبه زين
ضحك الكل على سارة قامت من مكانها وراحت تشوف مصبح ومسفر وينهم
عشان ايون يتغدون
..
ترتيب الغرف
..
القسم الفوقي غرفتين كل وحدة بحمامهم مع مطبخ تحظيري تجمعهم صاله كبيرة لسعيد
وغرفتين بينهم حمام لسالم وسهيل
اما باقي شبابنا حجرتين تحت وحدة لمحمد ومسلم والثانيه مصبح ومسفر
طبعا لأن البيت فلة وكبير فـ كلهم ماخذين راحتهم في الحجر وام سعيد
لها حجرة شوي بعدية عن عيالها تحت وفيها صاله كبيرة اللي كانت حجرة صغيرة لسارة سابقا
لكن بعد ماعرست فتحتها في حجرتها وسوتها صاله لها
..
وهيه رايحه للحجرة سمعت صوت رسوم متحركة في صاله امها واول ماوصلت شافت اخوها
وقالت له يروح يتغدى ..ونسى سالفه احمد وراح يتغدى
"ياي من المدرسة اكيد ايعااان"
كملت طريقها لحجرة مصبح ولقته منسدح على الشبرية
..
سارة:صبووووح انتي للحين رااقدة قومي اخوانج المزطة كلوا الغدى
مصبح بفرح:ساروووة؟!
سارة:طالع قم يالله
مصبح بفرح كبيييييير:انتي هنيه؟! توني افكر فيج؟!
سارة:يالله قم مابتسلم عليه ولا شوووة؟!
مصبح وهو يقوم ويدقها خشم:هلا وينج انتي؟!
سارة:هنيه يالله نروح نتغدى
مصبح وهو مستاانس:يالله..بس علوومج انتي وووو.......
مشت سارة مع مصبح وهو يسولف عليها ويسألها شو اخبارها
وليش انها ماتتصل عليهم ولاتزورهم
وانضمت لهم على الغدى والكل يسولف
سالم يتغدى وينكت عليهم وكل شوي يتذكر الخطبة ويحتشر
سهيل يتطنزعلى اخوة وماخلى واحد من خوانه وماعلق عليه
محمد هادي بطبعه ومايحب يرمس يادوبك يعلق ويسولف احيانا
مصبح تقريبا مثل محمد هادي جدا, حساس بدرجة ماتتصورنها
مسلم هذا سوالف 24 ساعه مايسكت ابدااا
مسفر كل سوالف الفريج عنده اللي راح واللي رد
واللي ضرب واللي مات واللي سرق وكل اللي تبون تسألون عنه عنده
تقدرون تقولون انته" CNN" الفريج
رفعت سارة نظرها لخوانها واحد تل والاخر
وهيه تتذكر كل لحظة اجتمعت معاهم
واللي كانت تتمناه يكون موجود ابوها وسعيد
سعيد اللي ماتعرف شو اللي قاعد يستوي به
دومه حزين ومهموم وكل البلاوي الدنيا على راسه
تريد تعرف بلاه ع الاقل يفضفض لها وتشل شوي من هالحمل اللي عليه
ابتسمت على اخوانها وسوالفهم
تولهت علييييييهم
تغدت على السريع وقامت عشان تشوف سعيد بلاه
ماتقدر تشوف واحد من خوانها في هالحاله
يمكن لأنها عرست قامت تنساهم شوي
بس هيه حليلها بعد مب في حاله من ريلها اللي لامخلي ليلها ليل
ولا نهارها نهار..لاتعرف ترقد ولا تقوم
تنهدت وهيه تغسل ايديها وتوجهت لقسم سعيد
دخلت وكان الجو هادي ,بارد جدا ,مظلم
تلفتت وكان القسم مثل ماتتذكرة آخرمرة
كرسي لـ 3 انفار مجابلنه طاوله صغيرة عليها التلفزيون والرسيفر
وصاله خاليه من أي شي ثاني لازوليه لازينة ولاحتى طاوله
او باقي الكراسي
اكتأبت ماتعرف اخوها لمتى بيتم على هذا الحال كل مايقولون
له بيأثثون قسمة مايرضى
قربت للحجرة وفتحتها شافت الغبار يحيط بها من كل صوب
استغربت هاذي حجرته ليش جيه؟!
فتحت الحجرة اللي مجابلتنها وشافته قاعد على الكرسي المحطوط في الزاوية
وكان ماسك بعروسة قطنيه لها شعر مصنوع من خيوط من الصوف
لبسها بنطلون جنز وقميص احمر
عروسة منتهيه صلاحيتها خربانه وفي حضنة صندوق خشبي جديم
اول مارفع نظرة شل الاغراض على طول حطهم تحت الطاولة اللي جدامة وارتبك
..
سعيد:سارووة؟!
سارة:ليش انته جيييه؟!
سعيد:شو؟!
سارة:معقولة للحين تتذكر؟! معقوله؟!
سعيد اونه مايعرف شو تقول:اتذكر شو؟!
سارة:لاتجذب عليه لاتجذب.."وبدت تخنقها العبرة"..انته تتذكرها ليش عيل محتفظ بسامانها؟!
وهنيه خانتها دموعها واذرفتهن وركضت لحظن اخوها ورجعت عشان تفتح
جروح جديمة مرت عليها حوالي 3 ..او ..4سنين...
...
ياترى شو هالذكريات ولا شو سالفه سعيد..هو الحين انسان غامض
لكن بتعرفون عنه كل شي في الجزء الثاني
سارة وريلها حمد بلاه وشو سالفتهم؟!
سالم منوه هاذي اللي محتشر يريد يخطبها؟!
سهيل منو هالبنت اللي تجنن وماخذه كل عقله؟! لايكون ماغزلجي ولا راعي حركات بطاليه؟!
محمد..مسلم..مصبح..مسفر..ام سعيد..وابو سعيد اللي ماتكلمت عنه
شو بيصير بهم وشو حياتهم؟؟!!
ترقبوا الجزء الثاني قريـــبا جدا..
..

يسلموو ع القصة ..!

تسلمو على المروور

يسلمووووو
ع
القصهـ
و
ننتظر كل يديد..