السلام عليكم ورحمة الله وبركاته

ماكل من طول شواربه رجال

ماكل مـن طـوّل شواربـه رجّـال,, ولا كل مـن خـاواك تفخـر بعـزه

(هذا ولد عـمٍ وهـذا ولـد خـال) ,, راس (ن)تعزوابه وراس (ن)تجـزّه

واحد يدور من ورى صحبتك مـال ,, واحد يحوش المـوت عنّـك ويـدزّه

واحـد سواليفـه تخاريـف جهّـال ,, يفضحك بين النّاس فـي كـل حـزّه

ودك بعزرااائيـل يااااخـذه فالحـال ,, والاّ بشـوزن فالحنـاجـر تـلـزّه

وإن دارت الدنيـا ولا دام هالحـال ,, أقرب قريب (ن) ما يعشّيـك خبـزه

واحد تشوفه ما تصـب إلـه فنجـال ,, وقت الصمايل رمحك اللـي تـرزّه

لالابس (ن) بشت (ن)ولا لابس عقال ,, مثل الجبل ما كـل شـئ (ن)يهـزّه

شيخ (ن)إذا منه قلط مجلس رجـال ,, تاقـف لـه شيـوخ القبايـل معـزّه

أهل الشكالـه فعلهـم قبـل الأقـوال ,, قوم(ن)ٍبنـو تاريـخ نفخـر بعـزّه

مانـي بمتفلسـف ولانـي بدجـال ,, شواهـد العصـر فخيالـي تـنـزّه

الشاعر / أبراهيم العتيبي