~●● صــور وتعليقات : بلصق ويهك فاليدار ++ عالم القطاو ++ عود الجبريت ●●~
 

*السلام عليكم ورحمة من الله وبركاته ..* *كيف الحال يا أعضاء وزوار ومشرفين منتدى الإمارات للأوراق المالية ؟! :D* *يايبلكم خبرين مثل ما يقولون .. خبر سيء .. وخبر مفرح ..* *الخبر السيء :mad:.. أنه بعد موضوعي http://uaesm.maktoob.com/vb/uae331996/ اللي طرحته قبل فترة .. قررت اليوم أني أنزل موضوع غيره .. واللي هو يالسين تقرونه ألحين ..* *أما الخبر المفرح .. ان شالله بقولكم اياه في نهاية الموضوع .. :rolleyes:* *اللي لاحظته من ردود بعض الأعضاء في موضوعي السابق .. أنكم تحبون القطاو الصورة: http://uaesm.maktoob.com/up/uploads/b0a72009be.gif ... ليش ؟؟! مادري !! :rofl:* *لهالسبب .. كان للقطاو نصيب الأسد مثل ما يقولون في موضوعي هذا .. :D* *المهم .. سيداتي آنساتي سادتي .. خلونا نبدا في الموضوع الصورة: http://uaesm.maktoob.com/up/uploads/f418cf2429.gif ...* *______________________* *تذكرون العضو اللي كسر لابتوبه بعد ما عصب من بطء التصفح في المنتدى ؟! المهم .. صاحبنا ما يروم ينقطع عن المنتدى .. فلهالسبب .. سار واشترى كمبيوتر يديد .. ولكن هالمرة اشترى ديسك توب .. أول ما شغل الكمبيوتر وبدا يتصفح المنتدى !! كالعادة .. التصفح تم بطيء مثل قبل .. صاحبنا **هالمرة تهور وما رام يقبض عمره .. شوفوا شو سوا * *الصورة: http://uaesm.maktoob.com/up/uploads/411b88e452.jpg * *إلا على طاري العصبية .. طبعاً الكل عنده ربع يطلع وياهم .. ويسولف وياهم .. ويضارب وياهم :rofl: .. وفي أوقات الضرابه .. دايماً تسمع هالتهديد "بلصق ويهك فاليدار" .. تبون تعرفون التطبيق الأمثل لهذا التهديد ؟!* *الصورة: http://uaesm.maktoob.com/up/uploads/a1b00c8e7b.jpg * *إن شالله محد يطبق عليكم هالتهديد :rofl: .. وتبقون ربع واخوان على طول .. بس هل في مرة شفتوا قطاو يضاربن ؟!* *الصورة: http://uaesm.maktoob.com/up/uploads/cdbca2bb0b.jpg * *كلنا نسولف ويا ربعنا عالمسنجر .. ونستخدم الفيسات والصور اللي فيه .. بس هل مرة شفت تأثير فيسات المسنجر على القطاو ؟! * *الصورة: http://uaesm.maktoob.com/up/uploads/626000bb0c.jpg * *هآآآآآآآآآآآآآآآآوو :^1: ,, فيه رقاااد* *الصورة: http://uaesm.maktoob.com/up/uploads/b4abcf7a00.jpg * *ما سألت نفسك مرة .. إذا مليت وما لقيت حد تسولف وياه .. غير القطاو اللي دايماً تشوفهن عند الزبالة - وانتو بكرامه - اللي عدال دكان الحارة .. كيف بتكون ردة فعلهن ؟!* *إذا كان شكلك مألوف .. فيمكن راح يقولك "ياخي أنا جني شايفنك قبل في مكان ؟! بس ماذكر وين بالضبط "* *الصورة: http://uaesm.maktoob.com/up/uploads/1cf6d6c0e8.jpg * *أو إذا كنت راعي سوالف وضحك .. فيمكن راح يقولك " :rofl: خخخخخخخخ الله يقطع سوالفك !! انته وينك عنا ما عرفناك وعرفنا سوالفك إلا ألحين"* *الصورة: http://uaesm.maktoob.com/up/uploads/a2ccfae400.jpg * *أو إذا كنت كشيخ وشكلك راهي وولد عز .. فيمكن راح يقولك "انزين الطيب .. ما عندك 25 سلف ؟! أبا آخذ بطاقة رصيد .. دخيلك .. بردهن لك عقب"* *الصورة: http://uaesm.maktoob.com/up/uploads/a7716cdf1a.jpg * *لكن الله يعينك .. لو كان شكلك راعي مشاكل !! وطحت عقطو مينون وخبلة وعصبي .. لانه بتلقاه على طول يقولك "بتضارب ..! هاه ؟ تبا تضارب ! تعال يالله اشوف تعال"* *الصورة: http://uaesm.maktoob.com/up/uploads/56ebe8a4a5.jpg * *بمناسبة شهر رمضان المبارك .. عزيزي العميل .. سمعت عن مخلل الخيار ؟ انزين مخلل اليزر :064: ؟؟! انزين .. وهل سمعت عن مخلل الضفادع ؟؟ :rofl: * *الصورة: http://uaesm.maktoob.com/up/uploads/129bc2096c.jpg * *تذكرون كلمة"SOTP" اللي كانت في الموضوع اللي قبل هذا ؟! انزين .. قلنا الريال غلط وكان قصده يكتب كلمة "STOP" .. لكن في هالمرة .. ممكن حد منكم يشرحلي .. هالانسان شو قصده بالضبط ؟!* *الصورة: http://uaesm.maktoob.com/up/uploads/20a8fadb29.jpg * *هو غرضه شريف .. بس للأسف خانه التعبير :rofl:* *تذكرون الضربات القاضية في الرسوم والمصارعة ؟! طبعاً الكل حاول يسويها وجرب أنه ينقز من عالسرير واللي حاول يدور في الهوا !! لكن ماشي فايدة .. ما نجحت ولا محاولة .. * *بس صاحبنا القطو .. ما يأس .. وحاول وجرب .. ونجحت المحاوله وعرف كيف يسوي الضربة القاضية .. شوفو الصورة واحكموا * الصورة: http://uaesm.maktoob.com/up/uploads/cf21b92608.jpg *أخيراً وليس آخراً .. الله يطول في عمر شوابنا وعيايزنا .. وأغلبهم ماشالله عندهم موبايلات .. عاد شفت سماعة تناسبهم .. وأحس أنها أفضل سماعة للشواب والعيايز :rofl:* *الصورة: http://uaesm.maktoob.com/up/uploads/07c69d21e1.jpg * *تخيل .. هالموقف .. وعود الجبريت يقول للعود المحترق :* *"تكفى !! تكفى رد علي !! قولي منو اللي حرقك !! منو اللي سوا فيك جي ؟! دخيلك رد قول أي شي .. تكفى رد علي :( " * *الصورة: http://uaesm.maktoob.com/up/uploads/3440433f96.jpg * *إلى هنا .. وينتهي الموضوع .. وأتمنى ان شالله اني قد وفقت في اختيار الصور والتعليقات ..* *في النهاية .. صبروا لا تظهرون !! شو نسيتوا أني بعدني ما قلتلكم الخبر المفرح ؟! ..* *الخبر المفرح :D .. أني بغيب عن المنتدى لفترة .. وبتفتكون مني ومن حشرتي ومن مواضيعي :rofl: .. * *وأتقدم بطلب إجازة مفتوحة من المنتدى "بدون راتب" .. ابتداء من هاللحظة .. لحظة كتابتي لهالموضوع .. وان شالله ماراح انقطع لفترة طويلة .. ولي عودة ان شاء لله .. متى ماربي كتبلي أني أردلكم ..* *السموحة لو أخطيت في حق حد ولا ضايقت حد من الأعضاء خلال فترة وجودي في المنتدى .. ومبارك عليكم شهر رمضان .. وكل عام وانتو بخير .. والله يعوده علينا وعليكم بالصحة والعافية ..* *لكم مني أجمل تحية .. وخالص الاحترام والتقدير لكل شخص ولكل عضو زار موضوعي ووجهلي شكر ورد على مواضيعي .. الشكر أيضاً موصول لكل الأعضاء والمشرفين اللي ما شفت منهم الا كل خير .. ويزاهم الله خير على اللي قدموه لي خلال هالفترة ..* *السموحة مرة ثانية .. ودمتم في حفظ الله ورعايته .. والسلام عليكم ورحمة من الله وبركاته ..* *أخوكم .. العميمي ..*

أكثر...