منتدى استراحات زايد - قصيدة بسباب موت الطير

هذي قصيدة لامست شغاف قلبي لموت طيري
لاحد الشعار
أرجوا انها تنال اعجابكم

يوم الخميس الكل نايم ومرتاح 0000000 وأنا سهير الليل جالس الحالي

كن الحشى يجتال به سم فحّاح 0000000 والدمع من عيني على الخد سالي

بسباب موت الطير ياكيف أبرتاح 000000 أسرح وأفكر به على كل حالي

أشكي على اللي خالقٍ كل الأرواح 00000 انه يركدني ويلطف بحالي

لامن ذكرته كن بالجـــوف ذباح 000000 عزّي لمن مثلي سهير الليالي

ياطير وينك دمعي اليوم منساح 000000 وعقبك غدا فكري يجول اجتوالي

ذكراه في قلبي على الدوم ماراح 00000 سهران دمعي مثل وبل الخيالي

خسارته ماهي تقارن بالأرباح 000000 أنا اشهد ان الطير هو راس مالي

اسلاح بالمقناص يازينه اسلاح 00000 له مع دروب الخرب كل احتلالي

لامن ضربها مخلبه صار جراح 00000 والدم من طير الحباراة سالي

طير ٍ مدرب طبع ما هوب ملواح 00000 ما هوب لعب ٍ من يمين وشمالي

جول الحباري مخمراتٍ ليا صاح 00000 خص ٍ ليا جاهن من الجو عالي

كـنّه سلاح الحرب للصيد يجتاح 00000 لامـن نواها ما يـبقي توالي

واليا اشلعت يلعب بها تقل مسباح 0000 سوات من يلعب بصوته يلالي

ماله عوض لو العوض جيب بوشاح 00 أنشهد انه واحد ٍ من عيالي

هــذي مقادير ٍ تـــقدر بالالــواح 00000 راضين بالي جاب رب الجلالي

أقولها وأرفع بها الصوت صداح 0000 من يوم ذقت المر من بعد حالي

الســد من بـعده لـكّل الملا باح 00000 والشعر لو يقصر بذا الطير طالي

يومه قبالي هو للأفراح مفتاح 00000 لارتاح بال الطير يرتاح بالي

وصح السان القايل
وسلامتكم