أبغي محامي شريف
 

يا جماعة الخير
في احد منكم يعرف محامي نزيه وشريف وعنده مواعيد مضبوطه ويحترم الناس.
ابغيه عشان قضايا عادية ، مطالبات
المحامين اللي تعاملت وياهم تعبوني ، كل مطنشين تلفوناتهم ، والجلسات ما يحضرونها ، شاطرين بس في البداية لما ياخذون فلوس القضية مقدما ، بعدين ولا تدري شنو صار بقضيتك ، واذا تكرم ورفع السماعة ، عطاك كم شلخة .

في محامية تعاملت معاها مرة عشان قضية مطالبة ، قالت (رفعت القضية خلاص ) وعقب كم شهر ( كسبنا القضية ) وعقب شهر ( استأنفوا الجماعة ) وعقب كم شهر ( حكموا لصالحهم ) وعقب شهر اكتشف انها ما رفعت قضية من الاساس !! ولو أنا واحد شراني كنت شهّرت فيها .