يعجبني اللي يحسن الظن بالناس
 

💥جديد القصايد💥

يعجبني اللي يحسن الظن بالناس
..قلبه عن النيه الرديه جلاوي

اشري مخاواته واحطه على الراس
..هذاك له في وسط قلبي غلاوي

الود ودي كل ما روح مرواس
..وهو مخاويني ونا له مخاوي

بالخص لا جينا على ذيك الارماس
..في ديرة للصيد فيها حراوي

يزيدني في طرقتي دوم نوماس
..اخير لي من مخلفين الهقاوي

ناس لها موجات و العرق دساس
احدن حسد واحدن ضعيف وغباوي

واحدن ليا احتجته يروغك ويحتاس
..وعند المصالح دايما له غناوي

ابرك لي اتجنب هزيلين الأغراس
وقلبي عن أهل النقص طبعه قزاوي

يكفخ كما يكفخ عن العقب قرناس
..حرا طبوعه للمعالي هواوي

ابوعون الشريف