منتدى استراحات زايد - بن غييثات والله والنعم فيك

السلام عليكم
هلايا اخوي بن غييثات والله والنعم فيك وبنسباك والنعم باهل الشرقيه وللاسف ظنك

خاب يا اخوي انا ماني من الشرقيه وعلي طاري الطلب اللي طلبته مني علي

الخاص واني ما قدرت ارد عليك علي الخاص لان الخاص ما اقدر ارسل فيه لان

مشاركاتي اقل من 50 مشاركه وعلي السعر السياره اللي طلبته والله يا اخوي ما

اعرف سعرها لان الشرقيه لها اسعار والرياض لها اسعار و جده لها اسعار وانا

اذا بغيت اشتري سياره اشتريها من الكويت لانها قريبه علينا والعيال والربع هناك

ما يقصرون معانا من قطع غيار او من سيارات وانا ولا مره بحياتي شريت سياره

من السعوديه الا مره وحده ولقيتها صيدها واخذتها 1500 ريال وهي zx300

يبغالها قطع غيار وقطع بالسعوديه غاليه وجبت قطعها من الكويت وما كلفتني شئ

والسعر اللي طلبته انت حق السياره بالكويت مايعادل 18000 الف ريال وتلقاها

بحفر الباطن والخفجي حروت 20000 الف ويا اخوي يمكن تحصل سعرها

بالشرقيه ما بين 25000 الف الي 30000 ريال ونصيحتي اذا تبغي تشتري من

النت لا تشتري لان يكون راعيها دابل سعرها فوق سعر الحراج لانها ما جابت له

شئ بالحراج قال يمكن ابيعها علي النت والموتر اللي بخاطرك الصراحه ماشاء الله

عليه ما عليه كلام والله يهني راعيه فيه موتر وقفته جامده وسمت والبدي حقه نظيف

وما يندر اللي ابطنه هي محركات نظيفه ولا لا يا اخي والله اروح للكويت

القاه رخيص ونظيف بس وين اللي يشتري علي قولة القايل العين بصيره واليد قصيره

وتحياتي لك يا اخوي