ارغب في مساعدتكم يا اهل الخبرة هايلكس 2016 الدبل معلق
 

السلام عليكم كيف حالكم انشاء الله بخير
السياره:هايلكس 2016 دبل
وارد: عبدالطيف جميل
قير: عادي

طبعا المشكله زي ماهو موضح في الموضوع وابي فزعتكم لاهنتو

كنت رايح لمنطقه فيها نفود ولقيتلي واحد متعطل
رحت ابساعدة لاهو معه واير ولا انا معي قلت مالي الا ادفه الصدام بصدام جيت ابدفه طبعا كنت مشغل الدبل الخفيف حاولت ولاكن ماضبط الموضوع رحت وشغلت الدبل الثقيل وعريت على الموتر شديت عليه ولاكن ماطلعت السياره والنتيجه طلع دخان ابيض خفيف وريحه كلتش قويه طلعت نفسي بعد كذا وقفت ابطفي الدبل الثقيل وطفا ولاكن يوم جيت امشي عيت تمشي السيارة كل ماعشقت ورفعت رجلي عن الكلتش يطلع صوت ولاعاد تمشي الموتر تركتها تبرد بعد كذا مشت عادي ونا طالع على السفلت ابمشي وقفت وطفيت الدبل الخفيف ولاكن هنا المشكله عيا يطفي وقعدت تئشر اللمبه حقت الدبل جربت اغلب المحاولات 1-فصلت اصبع البطاريه 2-رجعت السياره على ورا وقدام مانفع 3-رحت اشيك عند حق البرمجه قال ماهب طالعلي مشاكل في الجهاز
مع العلم ان الثقيل اطفيه واشغله عادي

اسف على الاطاله واتمنى من اهل الخبرة انهم يساعدوني وشكرا لكم مقدما....