منتدى استراحات زايد

يـــامــلْ قــلـبـاً يــجــر الــويــل مــوالــه
بــعـصـاف صــوتــه يــلـجّ ورد بـلـحـونه

مـسـتـأمن الـوقـت زانــت بـالـغلا آمـالـه
عــذراء فــدى قـلـبه مــن الــدم مـزيونه

لــكـن لـطـمـه الـقـدر وأصـتـكت أهـوالـه
عـــزاه قـلـبـي عـلـيـها وكـثـرت طـعـونه

يـاوجـد حـالـي عـلـى بـلـواه فــي حـاله
وجــد الـيـتيم الـظـليم ودمـعـة عـيـونه

أو وجـــد مـــن شـاقـه الـبـرّاق وخـيـاله
بـرق الـكسير أن كـشف بـانت لـه مزونه

الـجـيـب عــنـده جـديـد بـحـرزه وكـالـه
فـكـسـار ومـكـمّل الـعـزبه عـلـى الـمـونه

مــاغـيـره بـحـرمـتـه زود أربـــع عـيـالـه
دزّه طــريــق الــحـيـا لــهـنـاك يـطـرونـه

أقـبل عـلى الـوادي وسـيله وصـل جـاله
دق الـدبل مـن حـذر مـوجه عـلى هـونه

مـــاج نـظـره ثــم جـيـبه حــوّل شـمـاله
ومـن عـالي الـموج يـطلب مـنهو يـعونه

يــاعـونـة الله جــــداه الــقـلـب عــزّالــه
هـمـوم بـقـعا كـمـا رضــوى عـلى مـتونه

تـطـرى عـليه الـطواري أن نـاظر أطـفاله
وآحــر قـلـبه عـلـى بـكـاهم مــن غـبـونه

أثـنـيـن مــاسـك بــهـم وحـبـالـه عـقـالـه
وأثـنـيـن راحـــو عـلـى صـوتـه يـنـادونه

وأم الــعـيـال وجــداهـا دمـــوع هـمّـالـه
عـــزّاه فـــي حـالـهـا يـاكـيـف وشـلـونـه

ولـحـظه قـلب جـيبهم بـالسيل وأشـتاله
وراحـو عـلى أمواج فيها الموت يرْدونه

ومـحـدن نـجـى مـنـهم إلا غـيـره لـحاله
مـعهم يـلولا الـسمر ضـمّه عـلى غـصونه

الله حـفـظ عـمـره مــن الـمـوت بـسـياله
أصـبح وحـيد انـدمر بـعد الـمساء كـونه

راحـــت فــلـذّات كــبـده غــالـي رحـالـه
أربـــع ذرى عـيـنـه وخـمـسـه بـمـضنونه

هـــذا الـــذي عــاشـه بـدنـيـاه بـأشـكـاله
سـقم الـدهر ذاقـه بـضيمه عـلى مـهونه

الـبـيـت مـــن عـقـبـهم مــاقـرّب ظــلالـه
ســجْ الـخـلا سـلوته عـن طـاري حـزونه

دنــيـا مـــع الـوقـت بـالـغفلات مـخـتاله
تـبـدي سـعـدها عـلى الـمخلوق وتـخونه

شـــحْ الــفـرح فــرصـه تــمـدّه وتـكـتـاله
واعــزّتـي مــن عــذاب الـقـلب وديـونـه

شوف الهنا مصعب الدرب وعناء وصاله
ويـامـسـهله حـظّـنـا لـــو جـــوّد رسـونـه

كلمات/ علي الذبياني